Ester 3:13 - BAIBLO ALOO NGMAMI KLƆUKLƆU Ɔ

¹³ Tsɔli nɛ a he sɔɔ saminya ngɔ womi nɛ ɔmɛ kɛ ya he tsuaa he ngɛ e nɔ yemi he ɔ. Bɔ nɛ a ngma ngɛ womi ɔmɛ a mi ji nɛ ɔ nɛ: nyɔhiɔ nɛ a tsɛɛ ke Adar a we ligbi nyɔngma kɛ etɛne ɔ, jamɛ a ligbi ɔ nɔ tutuutu ɔ, á kpata Yuda bi tsuo pɛpɛɛpɛ a hɛ mi; jokuɛwi, nikɔtɔmahi, nyumuhi, kɛ yihi. Á kɛ yi mi wami nɛ kpata mɛ tsuo a hɛ mi, nɛ́ a ha a níhi.

Ester 3:13 ပူးပေါင်းရင်းမြစ်များ

Kronika II, 30:6

Tsɔli ɔmɛ ngɔ matsɛ ɔ, kɛ ganɔ ɔmɛ a sɛ gbi ɔ kɛ ya kpa Israel kɛ Yuda tsuo, nɛ a de ke, “Israel ma! Asiria bi ba tua nyɛ, nɛ nyɛ je a dɛ mi. Lɔ ɔ he ɔ, nyɛɛ kpale kɛ ba Yawɛ, Abraham, Isak, kɛ Yakob a Mawu ɔ ngɔ, konɛ lɛ hu e kpale nɛ e he nyɛ.

Ester 7:4

A jua i kɛ ye ma mi bi ɔmɛ ngɔ ha, konɛ a kpata wa hɛ mi. Kaa nyɔguɛ yemi mi kɛkɛ nɛ a jua wɔ kɛ ho ɔ, i ko de we nɔ́ ko, nɛ i ko gba we nɛnɛ nya; se a miɔ nɛ a ma kpata wa hɛ mi pɛsɛpɛsɛ!”

Ester 8:5

“Ke nɛnɛ suɔ ye sane, nɛ e sa nɛnɛ hɛ mi, nɛ e da ha lɛ ɔ, lɛɛ i kpa nɛnɛ pɛɛ, nɛ e ha nɛ a fiɛ kɛ tsi mlaa yaya nɛ Agag nina, Hamedata bi Haman wo ɔ nya. Mlaa a ke a kpata Yuda bi tsuo a hɛ mi ngɛ nɛnɛ nɔ yemi he ɔmɛ tsuo.

Ester 9:1

Nyɔhiɔ nɛ a tsɛɛ Adar a we ligbi nyɔngma kɛ etɛne ɔ ba su. Kikɛmɛ a ligbi nɛ ɔ ji be nɛ a to nɛ a kɛ mlaa nɛ matsɛ ɔ wo nɛ a fiɛ ha ma a ma bɔni ní tsumi. Ligbi nɛ ɔ kɛ̃ ji ligbi nɛ Yuda bi ɔmɛ a he nyɛli ɔmɛ to kaa a ma kpata Yuda bi ɔmɛ a hɛ mi ɔ nɛ. Se nɔ́ nɛ ba mohu ji kaa Yuda bi ɔmɛ ye a he nyɛli ɔmɛ a nɔ kunimi.

Ester 9:5

Lɔ ɔ he ɔ, Yuda bi ɔmɛ pee a he nyɛli ɔmɛ bɔ nɛ a suɔ. A ya tua mɛ, nɛ a kɛ klaate kpata a hɛ mi.

Hiob 9:25

Ye ligbi ɔmɛ ngɛ bee mlamlaamla; a he ngɛ sɔe kulaa pe nɔ ko nɛ ngɛ fo tue. Se nɔ́ kpakpa ko be a mi.

Yesaya 10:6

I tsɔ Asiria bi ɔmɛ ke a ya tua ma ko nɛ li Mawu, ma nɛ wo ye mi mi la a. I tsɔ mɛ ke a ya ha ní, nɛ a kpɔ níhi pani nya; nɛ a naa ni ɔmɛ a nɔ kaa mɔsɔ ngɛ blɔ mi.”

Yeremia 51:31

Tsɔli babauu ngɛ fo nɔ kɛ yaa nɛ a ya bɔ Babilonia matsɛ ɔ amaniɛ ke he nyɛli ba ngɔ e ma a tsuo.

Romabi 3:15

A he sɔɔ kɛ muɔ si puemi.

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.

Samuel I, 15:3

Yaa nɛ o ya tua Amalek bi ɔmɛ, nɛ o kpata a nɔ́ tsuaa nɔ́ hɛ mi. Ko si nɔ́ ko nɔ́ ko; se mohu o gbe nyumuhi kɛ yihi, jokuɛwi kɛ bimwɔwi, nahi kɛ tohi, kɛ afukpɔngɔhi kɛ tejihi tsuo pɛpɛɛpɛ.”

Samuel I, 22:19

Jehanɛ, Saul ha a kɛ klaate kpata nɔ́ tsuaa nɔ́ hɛ mi ngɛ Nob nɛ ji osɔfohi a ma a mi. A gbe nyumuhi kɛ yihi, jokuɛwi kɛ bimwɔwi, nahi kɛ tejihi, kɛ tohi tsuo pɛpɛɛpɛ.