Ester 3:12 - BAIBLO ALOO NGMAMI KLƆUKLƆU Ɔ

¹² Lɔ ɔ he ɔ, kekleekle nyɔhiɔ ɔ ligbi nyɔngma kɛ etɛne ɔ nɔ ɔ, Haman tsɛ matsɛ womi ngmali ɔmɛ nɛ e tsɔɔ mɛ nɔ́ nɛ a ngma. A ngma ngɛ zugba tsuaa zugba e ningma, kɛ e gbi mi; nɛ a kɛ mane nɔ yeli ɔmɛ, amlaalo ɔmɛ, kɛ ganɔ ɔmɛ tsuo. A ngma ngɛ Matsɛ Ahasuerus biɛ mi, nɛ a kɛ matsɛ ɔ nguɛ ga a sɔu nya.

Ester 3:12 ပူးပေါင်းရင်းမြစ်များ

Matsɛmɛ I, 21:8

Enɛ ɔ se ɔ, Yezebel ngma womi komɛ ngɛ Ahab biɛ mi, nɛ e ngɔ Ahab womi nya sɔumi nɔ́ ɔ kɛ sɔu a nya, nɛ e kɛ womi ɔmɛ mane Ahab tsɔli, kɛ ma nimeli nɛ ngɛ Yezreel ɔ.

Ezra 8:36

Jehanɛ se hu, a ngɔ matsɛ ɔ nine nya womi ba ha amlaalo ɔmɛ, kɛ ma nimeli nɛ a ngɛ Yufrate pa a se ɔ. Nɛ enɛ ɔ he je ɔ, a piɛ ma a he, nɛ a tsu Mawu we ɔ ní tsumi hulɔ.

Ester 1:22

E tsɔ nɛ a kɛ womihi ya matsɛ ɔ nɔ yemi he ɔmɛ tsuo; a ngma munyu ɔmɛ ngɛ zugba tsuaa zugba e ningma kɛ e gbi mi ke nyumu tsuaa nyumu nɛ pee wetsɛ, nɛ ke e de nɔ́ ko ɔ, nɔ ko nɔ ko kó de nɔ́ kpa ko hu.

Ester 3:11

Matsɛ ɔ de Haman ke, “O sika a nɛ hi si. Jamɛ a ma a kɛ e mi bi ɔmɛ ngɛ o dɛ mi; pee mɛ bɔ nɛ sa o hɛ mi.”

Ester 8:2

Matsɛ ɔ ngɔ e nine nguɛ ga nɛ womi nya sɔumi nɔ́ ngɛ nɔ ɔ ngɔ ha Mordekai, (Jinɛ Haman nɛ hyɛɛ nɔ). Ester ngɔ Mordekai ngɔ to Haman ní ɔmɛ a nya.

Ester 9:27

Yuda bi ɔmɛ wo mlaa nɛ fɔɔ si daa kɛ ha mɛ nitsɛmɛ, kɛ a nina, kɛ nɔ ko nɛ ma ba pee Yuda no ɔ tsuo, kaa daa jeha, ngɛ be nɛ a to ɔ mi tutuutu ɔ, a ye ligbi enyɔ nɛ ɔmɛ kaa bɔ nɛ Mordekai ngma a pɛpɛɛpɛ.

Daniel 3:10

Nɛnɛ, mo lɛ o wo mlaa ke nɔ tsuaa nɔ nɛ maa nu nɛ titimatihi, bɛhi, saku slɔɔtoslɔɔtohi kɛ miɛ slɔɔtoslɔɔtohi ngɛ pɛe ɔ, e kpla si nɛ e ja sika tsu amaga a.

Daniel 6:12

mɛ tsuo pɛpɛɛpɛ a pue nɔ kɛ ho nɛ a ya po e nya ha matsɛ ɔ. A bi lɛ ke, “Nɛnɛ, tse o wo mlaa ko, nɛ o kɛ o nine wo sisi? Anɛ mlaa a tsɔɔ we kaa kɛ yaa si hiɛmɛ nɛ ɔ ligbi nyingmi etɛ ɔ, nɔ tsuaa nɔ nɛ ma bi yemi kɛ buami ko kɛ je mawu ko, aloo nɔmlɔ adesa ko dɛ mi, se pi mo ɔ, a sake lɛ kɛ wo jatahi a muɔ mi lo?” Matsɛ ɔ he nɔ ke, “Ee, i wo jamɛ a mlaa a niinɛ. Media bi kɛ Persia bi a mlaa nɛ a tsakee we ɔ ji jamɛ a mlaa a nɛ.”

Daniel 6:15

Saii mi ɔ, amlaalo ɔmɛ kɛ nikɔtɔma amɛ kpale ba matsɛ ɔ ngɔ ekohu ba de lɛ ke, “Nɛnɛ, na nɛ o le kaa ngɛ Media bi kɛ Persia bi a mlaa nya a, ke matsɛ wo mlaa ko ɔ, a tsakee we.”

Daniel 6:25

Pee se ɔ, Matsɛ Darius ngma womi ya ha je ma amɛ, kɛ nihi nɛ tuɔ gbi slɔɔtoslɔɔto ɔmɛ tsuo ngɛ je ɔ mi ke, “Nyɛ he manye!

Daniel 6:8

Lɔ ɔ he ɔ, nɛnɛ, moo ngma mlaa nɛ ɔ, nɛ o ngɔ o nine kɛ wo sisi. Kɛkɛ ɔ, e pee mlaa, Media bi kɛ Persia bi a mlaa nɛ nɔ ko be nyɛe ma tsake.”