Ester 3:10 - BAIBLO ALOO NGMAMI KLƆUKLƆU Ɔ

¹⁰ Kɛkɛ nɛ matsɛ ɔ je e nine nguɛ ga, nɛ e kɛ ha Agag nina, Hamedata bi Haman, Yuda bi ɔmɛ a he nyɛlɔ ɔ. Ga nɛ ɔ a kɛ sɔuɔ matsɛ ɔ mlaahi nɛ a wo ɔ a nya kɛ tsɔɔ kaa matsɛ ɔ kplɛɛ níhi nɛ a ngma a nɔ.

Ester 3:10 ပူးပေါင်းရင်းမြစ်များ

Ester 8:2

Matsɛ ɔ ngɔ e nine nguɛ ga nɛ womi nya sɔumi nɔ́ ngɛ nɔ ɔ ngɔ ha Mordekai, (Jinɛ Haman nɛ hyɛɛ nɔ). Ester ngɔ Mordekai ngɔ to Haman ní ɔmɛ a nya.

Mose I, 41:42

Farao ɔ je e nguɛ ga kɛ e nɔ womi nya sɔumi nɔ́ ɔ, nɛ e kɛ wo Yosef nguɛ. E wo lɛ kploba tade klɔii saminyayoo ko, nɛ e kɛ sika tsu kɔsɔkɔsɔ wo e kuɛ.

Ester 7:6

Manyɛ Ester he nɔ ke, “Wa he nyɛlɔ, kɛ nɔ nɛ ngɛ wɔ yi mi wae ɔ ji yiwutsotsɛ nɛ ɔ nɛ a tsɛɛ lɛ Haman ɔ!” Haman kɛ sawale hyɛ matsɛ ɔ, kɛ manyɛ ɔ a hɛ mi gaa.

Ester 8:8

Se ke a ngma fiɛmi ko ngɛ matsɛ ɔ biɛ mi, nɛ a sɔu nya kɛ matsɛ ɔ womi nya sɔumi nɔ́ ɔ, a kpale we se, ja a ye nɔ. Lɔ ɔ he ɔ, ke nyɛ suɔ ɔ, nyɛ nitsɛmɛ nyɛɛ ngma Yuda bi ɔmɛ womi ngɛ ye biɛ mi, nɛ nyɛ de nɔ́ tsuaa nɔ́, konɛ nyɛɛ ngɔ ye womi nya sɔumi nɔ́ ɔ kɛ sɔu nya.”

Ester 3:1

Enɛ ɔmɛ a se ɔ, Matsɛ Ahasuerus wó nyumu ko nɛ a tsɛɛ lɛ Haman nɔ, nɛ e pee lɛ e ganɔ ɔmɛ a nɔkɔtɔma. Hamedata bi Haman ɔ, Agag nina ji lɛ.

Ester 3:9

Nɛnɛ, ke e sa o hɛ mi ɔ, lɛɛ fa nɛ a ngma, nɛ a fiɛ ke a kpata a hɛ mi. Ke o pee ja a, i ngɛ si woe ke ma ha sika hiɔ nɛ jiimi pe kilo 340,000, nɛ a kɛ to matsɛ sika tomi he ɔ, konɛ a kɛ tsu ma ní.”

Ester 3:11

Matsɛ ɔ de Haman ke, “O sika a nɛ hi si. Jamɛ a ma a kɛ e mi bi ɔmɛ ngɛ o dɛ mi; pee mɛ bɔ nɛ sa o hɛ mi.”