Ester 2:9 - BAIBLO ALOO NGMAMI KLƆUKLƆU Ɔ

⁹ Hegai suɔ Ester sane, nɛ e na e he bua jɔmi. E yi be ko nɛ e ha a bɔni lɛ nu pɔmi nɛ a kɛ dla lɛ; a ha lɛ niye ní kpakpa hulɔ. Hegai ngɔ Ester ya to he ko nɛ hi pe kulaa ngɛ matsɛ yi ɔmɛ a hi he ɔ, nɛ e je blɔ hla yihewi kpaago kɛ je matsɛ we ɔ, nɛ́ a sɔmɔ lɛ.

Ester 2:9 ပူးပေါင်းရင်းမြစ်များ

Abɛ Womi 16:7

Ke Yawɛ ná o he bua jɔmi ɔ, o he nyɛli tete po e ma ha o kɛ mɛ maa hi si ngɛ tue mi jɔmi mi.

Mose I, 39:21

Se Yawɛ kɛ Yosef ngɛ; nɛ e na lɛ mɔbɔ, nɛ e ha nɛ pamitsɛmɛ ɔmɛ a nɔ hyɛlɔ ɔ na e he bua jɔmi.

Ester 2:12

Bɔ nɛ a peeɔ kɛ dlaa yi ɔmɛ a he nɛ a he peeɔ fɛu ji nɛ ɔ nɛ: a pɔɔ mɛ nu, nɛ a kpaa mɛ mimɛ nyɔhiɔ ekpa; nɛ a pɔɔ mɛ nu kɛ e he via nyɔhiɔ ekpa ekohu; lɛ tsuo peeɔ jeha kake. Lɔ ɔ se ɔ, a toɔ be ha yihewi ɔmɛ, nɛ a kɛ mɛ yaa Matsɛ Ahasuerus ngɔ kakaaka.

Ester 2:3

Ha nɛ a to nihi ngɛ o nɔ yemi he ɔmɛ tsuo, nɛ a bua yihewi nɛ a he ngɛ fɛu nɛ ɔ a nya kɛ ba matsɛ yi ɔmɛ a hi he ɔ, ngɛ matsɛ we ɔ ngɛ Susa. Ha nɛ Hegai, nyumu nɛ a puɛ lɛ, nɛ hyɛɛ o yi ɔmɛ a nɔ ɔ nɛ hyɛ a nɔ. Ha nɛ a pɔ mɛ nu kɛ dla mɛ saminya.

Daniel 1:9

Mawu ha nɛ Ashpenaz na lɛ mɔbɔ.

Ezra 7:6

Ezra nɛ ɔ, womi ngmalɔ ji lɛ, nɛ mlaa a nɛ Yawɛ, Israel Mawu ɔ ngɔ ha Mose ɔ, e le lɛ tsuo fitsofitso. Akɛnɛ Yawɛ, Mawu ɔ nɛ Ezra jaa lɛ ɔ, gbaa Ezra he je ɔ, e nine su nɔ́ tsuaa nɔ́ nɛ e bi matsɛ ɔ nɔ. Matsɛ Artaherhes tsɛ yemi ɔ we jeha kpaagone ɔ mi ɔ, Ezra kɛ Israel bi komɛ hia blɔ kɛ je Babilonia kɛ ba Yerusalem. Nimli nɛ ɔmɛ ji osɔfohi, Levi bi, Mawu we ɔ lali, Mawu we ɔ buli, kɛ ní tsuli.

Ni Tsumi 7:10

nɛ e je lɛ kɛ je dengmehi tsuo a mi. Yosef hɛ mi ba nyami ngɛ Egipt matsɛ ɔ hɛ mi. Matsɛ ɔ na kaa e nɔ bɔ tsɔ, nɛ Mawu dloo lɛ nile nɛ mi kuɔ. Lɔ ɔ he ɔ, matsɛ ɔ tu Egipt zugba a, kɛ matsɛ we ɔ tsuo ngɔ wo Yosef dɛ mi.

La 106:46

E ha nɛ a ní pee nihi tsuo nɛ nuu mɛ nyɔguɛ ɔ mɔbɔ.

Matsɛmɛ I, 8:50

Ngɔɔ a he yayami ɔmɛ tsuo, kɛ o hɛ mi atuã nɛ a tsɔ ɔ ngɔ pa mɛ, nɛ o ha ni nɛmɛ nɛ ba nuu mɛ nyɔguɛ ɔ nɛ a na mɛ mɔbɔ.

Nehemia 2:8

I bi hu ke a ha mi womi kɛ ya ha Asaf, nɔ nɛ hyɛɛ matsɛ ɔ hue ɔmɛ a nɔ ɔ, konɛ e ha mi tso nɛ ma kɛ kpɛ agbohi ha mɔ ɔ nɛ ngɛ Yawɛ we ɔ kasa nya a, kɛ gbogbo nɛ a fia kɛ bɔle ma a, kɛ imi nitsɛ ye we nɛ ma hi mi ɔ. Mawu ngɛ ye se, lɔ ɔ he ɔ, matsɛ ɔ ha mi níhi nɛ i bi lɛ ɔ tsuo.

Ester 5:2

Benɛ e na Manyɛ Ester nɛ daa si ngɛ kpo ɔ nɔ ɔ, e na e he bua jɔmi, nɛ e wo e matsɛ tso nɛ a kɛ sika tsu pee ɔ nɔ kɛ tsɔɔ lɛ. Kɛkɛ nɛ manyɛ ɔ ba matsɛ ɔ ngɔ, nɛ e kɛ e nine ba ta matsɛ tso ɔ he ngɛ e yi je.

Mose I, 39:4

e na e he bua jɔmi. Potifar wo lɛ nɔkɔtɔma ngɛ e we ɔ mi, nɛ e to e nɔ́ tsuaa nɔ́ ngɔ wo e dɛ.