Ester 2:7 - BAIBLO ALOO NGMAMI KLƆUKLƆU Ɔ

⁷ Mordekai tsɛ nyɛminyumu ngɛ bi yiheyo ko nɛ a tsɛɛ lɛ Ester; e Hebri biɛ ji Hadasa. E ji yiheyo nɛ he ngɛ fɛu, nɛ zangma pue e nɔ. Benɛ e tsɛ kɛ e nyɛ gbo ɔ, Mordekai ngɔ lɛ kaa lɛ nitsɛ e bi nɛ e hyɛ lɛ.

Ester 2:7 ပူးပေါင်းရင်းမြစ်များ

Ester 2:15

E ba su Ester nɔ kaa e ya matsɛ ɔ ngɔ. Mordekai tsɛ nyɛminyumu Abihail biyo ji Ester. Mordekai nɛ hyɛ Ester nɔ kaa lɛ nitsɛ e biyo. Nɔ tsuaa nɔ nɛ maa na Ester a suɔ e sane. Benɛ e maa ya matsɛ ɔ ngɔ ɔ, Ester dla e he kɛ nɔ́ nɛ Hegai wo lɛ ga ke e kɛ dla e he ɔ pɛ; e bi we nɔ́ ko kɛ piɛ we he. Hegai nɛ ɔ ji nyumu nɛ a puɛ lɛ nɛ hyɛɛ matsɛ yi ɔmɛ a nɔ.

Efesobi 6:4

Fɔli, nyɛ ko wo nyɛ bimɛ ɔmɛ a mi mi la; se mohu nyɛ tsɔse mɛ, nɛ nyɛɛ wo mɛ ga kpakpa nɛ maa sa Kristo hɛ mi.

2 Korintobi 6:18

Ma pee nyɛ tsɛ, nɛ nyɛ maa pee ye binyumuhi kɛ ye biyihi. Imi, Nyɔmtsɛ Ope ɔ, lɛ i de.”

Ester 1:11

E fa mɛ ke a ya ngɔ Manyɛ Vashti kɛ ba kɛ e yi jlasi ɔ. Manyɛ Vashti he ngɛ fɛu saminya; nɛ matsɛ ɔ ngɛ hlae nɛ ganɔ ɔmɛ, kɛ ni ɔmɛ nɛ e kpee kɛ ba a tsuo nɛ a na bɔ nɛ manyɛ ɔ he ngɛ fɛu ha.

Mose I, 48:5

Yakob ya nɔ nɛ e de ke, “Binyumuwi enyɔ nɛ o fɔ ngɛ Egipt zugba a nɔ loko i ba hiɛmɛ nɛ ɔ maa pee ye bimɛ, kaa bɔ nɛ Ruben kɛ Simeon ngɛ ɔ pɛpɛɛpɛ.

1 Yohane 3:1

Nyɛɛ hyɛ suɔmi sɔuu nɛ Tsɛ ɔ ngɛ kɛ ha wɔ, kaa e ma tsɛ wɔ e bimɛ; niinɛ Mawu bimɛ ji wɔ. Enɛ ɔ he ɔ, je ɔ li wɔ, ejakaa lɛ Mawu ɔ nitsɛ hu je ɔ li lɛ.

Ester 2:20

Mordekai wo Ester ga ke e ko ha nɛ nɔ ko nɛ le kaa Yuda no ji lɛ. Ester hu bu lɛ tue kaa bɔ nɛ e peeɔ benɛ e ji jokuɛyo nɛ Mordekai ngɛ e nɔ hyɛe ɔ. Lɔ ɔ he ɔ, kɛ ba su be nɛ ɔ mi tsuo ɔ, nɔ ko nɔ ko li kaa Yuda no ji lɛ.

Ester 8:1

Jamɛ a ligbi ɔ nɔuu ɔ, Matsɛ Ahasuerus ngɔ Yuda bi ɔmɛ a he nyɛlɔ, Haman weto ní tsuo ngɔ ha Manyɛ Ester. Akɛnɛ Ester de matsɛ ɔ ke e weku no ji Mordekai he je ɔ, kɛ je jamɛ a be ɔ kɛ yaa a, a ngmɛɔ Mordekai blɔ nɛ e baa matsɛ ɔ ngɔ.

Hiob 31:17

Ke i ngɛ ní yee ɔ, i ha we nɛ hwɔ yeɔ awusahi.

Hiob 31:18

I hyɛɔ awusahi a nɔ kaa a tsɛ ye wami be ɔ tsuo. I ye bua yalɔyihi kɛ je ye nihe mi.