Ester 2:18 - BAIBLO ALOO NGMAMI KLƆUKLƆU Ɔ

¹⁸ Lɔ ɔ se ɔ, matsɛ ɔ tsɛ e ganɔ ɔmɛ, kɛ e tsɔli ɔmɛ ní yemi ko nɛ sɔ saminya, nɛ e kɛ wo Manyɛ Ester hɛ mi nyami. E ha a fiɛ ngɛ e nɔ yemi he ɔmɛ tsuo ke a jɔɔ a he; nɛ e dla nike ní bɔ nɛ sa matsɛ ngɔ ha mɛ.

Ester 2:18 ပူးပေါင်းရင်းမြစ်များ

Mose I, 29:22

Laban ngmɛ okplɔɔ agbo, nɛ e kpee nihi tsuo nɛ ngɛ lejɛ ɔ kɛ ba ní yemi ɔ.

Nehemia 8:11

Levi bi ɔmɛ kpa ní ɔmɛ tsuo a nɔ kɛ wo mɛ bua, nɛ a de mɛ ke a ko pee a ní mɔbɔmɔbɔ ngɛ ligbi klɔuklɔu kaa kikɛ nɛ ɔ nɔ.

Ester 1:7

A wo dã ha ni ɔmɛ ngɛ sika tsu kplu slɔɔtoslɔɔtohi a mi; nɛ matsɛ ɔ dã a hiɛ bɔ nɛ sa.

Ester 9:22

Ligbi nɛ ɔmɛ a nɔ nɛ Yuda bi ɔmɛ kpata a he nyɛli ɔmɛ a hɛ mi ɔ nɛ. Jinɛ nyɔhiɔ nɛ ɔ maa pee aywilɛho kɛ kɔmɔ yemi be, se e ba plɛ pee bua jɔmi kɛ nyami be mohu. Bɔ nɛ a tsɔɔ mɛ ke a ye nyami ligbi nɛ ɔmɛ ji a tsɛ nihi ní yemi, nɛ a nya; a ke a sibi, kɛ ohiatsɛmɛ niye ní, kɛ ohiatsɛmɛ hu ní kpakpahi.

Lahi 3:11

Zion yihi, nyɛɛ ba nɛ nyɛ ba hyɛ Matsɛ Salomo. Jlasi nɛ e nyɛ bu lɛ matsɛ ɔ yo kpeemi ligbi ɔ ngɛ e yi. Yo kpeemi ligbi ɔ, a nya, nɛ a bua jɔ wawɛɛ nitsɛ.

Lahi 5:1

Ye nyɛmiyo; ye we ayɛflo nɛ i suɔ mo saminya, i ba ye we abɔɔ ɔ mi. I ngɛ ye tsopa kɛ e he via, kɛ mimɛ nya buae. I ngɛ ye hwo kɛ hwo gbaku yee. I ngɛ ye wai kɛ nyɔ nyu nue. Huɛmɛ, nyɛɛ ye ní nɛ nyɛɛ nu ní. Nyɛ suɔmi ɔ nɛ de nyɛ kaa dã!

Mateo 22:2

“Hiɔwe matsɛ yemi ɔ ngɛ kaa kikɛ nɛ ɔ. Be ko ɔ, matsɛ ko ngmɛ okplɔɔ ha e binyumu nɛ kpee yo.

Marko 6:21

Ligbi ko ɔ, Herode ngɛ e fɔmi ligbi yee, nɛ e tsɛ e ganɔ ɔmɛ, asafoatsɛmɛ ɔmɛ, kɛ Galilea nikɔtɔma amɛ ní yemi.

Luka 14:8

“Ke nɔ ko kpee yo, nɛ a tsɛ mo kɛ ya lejɛ ɔ ɔ, ko ya hi yimɛ a je. Eko ɔ, a kpee nɔ ko nɛ hɛ mi ngɛ nyami pe mo.

Kpojemi 11:10

Nihi tsuo ngɛ je nɛ ɔ mi ɔ ma nya kaa nimli enyɔ nɛ ɔmɛ gbo. A tsui maa nɔ a mi, nɛ a maa ke a sibi ní, ejakaa jamɛ a gbali enyɔ ɔmɛ ngɔ haomi babauu kɛ ba je ɔ mi.

Kpojemi 19:9

Kɛkɛ nɛ bɔfo ɔ de mi ke, “Ngmaa nɔ́ nɛ ɔ. Nihi nɛ a kpee mɛ kɛ ba To bi ɔ yo kpeemi okplɔɔ ɔ he ɔ, a gbaa mɛ!” Bɔfo ɔ ya nɔ nɛ e de ke, “Anɔkuale munyu nɛ je Mawu ngɔ ji nɛ ɔ nɛ.”

Samuel I, 25:8

Bi o nihewi ɔmɛ, nɛ a ma de mo. Lɔ ɔ he ɔ, akɛnɛ nyami ligbi nɔ wa ba ngɛ he je ɔ, mo he wɔ atuu. I kpa mo pɛɛ, nɔ́ tsuaa nɔ́ nɛ ngɛ o dɛ ɔ, mo ha o tsɔli ɔmɛ, kɛ o binyumu David hu eko.”