Ester 2:16 - BAIBLO ALOO NGMAMI KLƆUKLƆU Ɔ

¹⁶ Benɛ Matsɛ Ahasuerus ngɛ tsɛ yee ɔ we jeha kpaagone ɔ we nyɔhiɔ nyɔngmane ɔ nɛ a kɛ Ester ba e ngɔ ngɛ matsɛ we ɔ nɛ. Nyɔhiɔ nɛ ɔ biɛ ji Tebet.

Ester 2:16 ပူးပေါင်းရင်းမြစ်များ

Ezra 4:6

Benɛ Ahazuerus bɔni tsɛ yemi pɛ kɛkɛ nɛ Yuda kɛ Yerusalem bi ɔmɛ a he nyɛli ngma womi kɛ ya po a nya.

Ezra 7:8

A je Babilonia kekleekle nyɔhiɔ ɔ we kekle ligbi ɔ, nɛ Mawu dloomi nya a, a ba su Yerusalem nyɔhiɔ enuɔne ɔ we kekle ligbi ɔ.

Ester 2:1

Pee se, benɛ matsɛ ɔ tsui jɔ ɔ, e kai nɔ́ nɛ Vashti pee ɔ, kɛ mlaa nɛ e wo ngɛ e he ɔ.

Ester 2:15

E ba su Ester nɔ kaa e ya matsɛ ɔ ngɔ. Mordekai tsɛ nyɛminyumu Abihail biyo ji Ester. Mordekai nɛ hyɛ Ester nɔ kaa lɛ nitsɛ e biyo. Nɔ tsuaa nɔ nɛ maa na Ester a suɔ e sane. Benɛ e maa ya matsɛ ɔ ngɔ ɔ, Ester dla e he kɛ nɔ́ nɛ Hegai wo lɛ ga ke e kɛ dla e he ɔ pɛ; e bi we nɔ́ ko kɛ piɛ we he. Hegai nɛ ɔ ji nyumu nɛ a puɛ lɛ nɛ hyɛɛ matsɛ yi ɔmɛ a nɔ.

Ester 2:17

Matsɛ ɔ suɔ Ester pe yihewi kpa amɛ tsuo, nɛ e bua jɔ Ester he pe mɛ tsuo. Matsɛ Ahasuerus ngɔ jlasi ɔ ngɔ bu Ester, nɛ e wo lɛ manyɛ ngɛ Vashti nane mi.

Ester 2:3

Ha nɛ a to nihi ngɛ o nɔ yemi he ɔmɛ tsuo, nɛ a bua yihewi nɛ a he ngɛ fɛu nɛ ɔ a nya kɛ ba matsɛ yi ɔmɛ a hi he ɔ, ngɛ matsɛ we ɔ ngɛ Susa. Ha nɛ Hegai, nyumu nɛ a puɛ lɛ, nɛ hyɛɛ o yi ɔmɛ a nɔ ɔ nɛ hyɛ a nɔ. Ha nɛ a pɔ mɛ nu kɛ dla mɛ saminya.

Ester 8:9

Nyɔhiɔ nɛ a tsɛɛ Sivan, nɛ ji nyɔhiɔ etɛne ɔ we ligbi nɛ ji nyingmi enyɔ kɛ etɛ ɔ nɔ sane nɛ ɔ ba a nɛ. Mordekai tsɛ matsɛ womi ngmali ɔmɛ, nɛ e tsɔɔ mɛ nɔ́ nɛ a ngma; nɛ a ngma ja pɛpɛɛpɛ. A ngma womi ɔ kɛ ya ha Yuda bi ɔmɛ, amlaalo ɔmɛ, ma nɔ hyɛli ɔmɛ, kɛ ganɔ ɔmɛ tsuo nɛ ngɛ e nɔ yemi he lafa kɛ nyingmi enyɔ kɛ kpaago ɔmɛ, kɛ je India kɛ ya su Sudan ɔ. A ngma womi ɔmɛ ngɛ zugba tsuaa zugba e gbi, kɛ e ningma mi.