Ester 1:4 - BAIBLO ALOO NGMAMI KLƆUKLƆU Ɔ

⁴ E jé e matsɛ we ɔ mi afɛu níhi, kɛ hɛ mi nyami, kɛ agboje babauu kpo kɛ tsɔɔ ni ɔmɛ nyɔhiɔ ekpa sɔuu.

Ester 1:4 ပူးပေါင်းရင်းမြစ်များ

Kronika I, 29:25

Yawɛ wo Salomo nɔ gojoo; e ha nɛ e na biɛ ngɛ Israel tsuo, nɛ e hɛ mi ba nyami pe Israel matsɛmɛ ɔmɛ tsuo nɛ sɛ e hlami ɔ.

Ester 1:3

Benɛ e ngɛ tsɛ yee ɔ, jeha etɛne ɔ, e tsɛ e ganɔ ɔmɛ, kɛ e tsɔli ɔmɛ tsuo ní yemi. E kpee Persia kɛ Media tabo ɔmɛ, amlaalo ɔmɛ, kɛ odehe ɔmɛ tsuo kɛ ba.

Ester 1:5

Pee se ɔ, matsɛ ɔ tsɛ Susa ma a mi bi ɔmɛ tsuo ní yemi, niatsɛmɛ kɛ ohiatsɛmɛ tsuo. A ye ní nɛ a nu ní ngɛ abɔɔ ɔ mi ngɛ matsɛ we ɔ mi otsi.

Hiob 40:10

Ke ja a, dla o he, nɛ o he nɛ pee fɛu. Wo ablade tade saminyayoo, konɛ o hɛ mi nɛ ba nyami.

La 145:5

O hɛ mi nyami, o we agboje, kɛ nyakpɛ níhi nɛ o tsu ɔ, ma susu a he saminya.

La 21:5

O piɛ e he, nɛ e hɛ mi ba nyami; o ha nɛ e ná biɛ, kɛ agboje.

La 45:3

Matsɛ nguaa, moo ngɔ o klaate ɔ kɛ wo o fiɔ he, konɛ a na o hɛ mi nyami, kɛ o we agboje ɔ tsuo.

La 93:1

Yawɛ ngɛ matsɛ yee. E mia kɛ agboje, kɛ he wami. Ee, e ngɔ je ɔ ngɔ ma si kpɛii, nɛ a be nyɛe ma je kɛ je e blɔ he.

Yesaya 39:2

Matsɛ Hezekia he tsɔli ɔmɛ atuu, nɛ e ngɔ matsɛ mɔ ɔ mi ní kpakpa nɛ ɔmɛ tsuo kɛ tsɔɔ mɛ: sika tsu, sika hiɔ, tsopa kɛ e he via, nu kpakpa, e ta níhi tsuo, kɛ níhi tsuo nɛ ngɛ nito he ɔmɛ. Nɔ́ ko nɔ́ ko be e we ɔ mi, loo e nɔ yemi he nito he tsu ɔmɛ a mi nɛ e kɛ tsɔɔ we mɛ.

Ezekiel 28:5

O ngɛ jua yemi he juɛmi saminya, nɛ o ná ní babauu. Lɔ ɔ he ɔ, o wo o he nɔ gojoo ke niatsɛ ji mo!

Daniel 4:30

e de ke, “Nyɛɛ hyɛ bɔ nɛ Babilon kle agbo ha! Imi nitsɛ lɛ i po Babilon, nɛ i kɛ lɛ pee ye matsɛ ma, konɛ ma kɛ tsɔɔ ye he wami kpetekpleenyɛ ye biɛ, ye hɛ mi nyami, kɛ ye agboje.”

Daniel 4:36

“Benɛ ye juɛmi ɔ kpale ba a, a ngɔ ye hɛ mi nyami ɔ, ye agboje ɔ, kɛ matsɛ yemi ɔ kɛ ha mi ekohu. Ye ga woli ɔmɛ, kɛ nikɔtɔma amɛ ba hla ye se blɔ, nɛ a ngɔ mi ngɔ hi matsɛ sɛ ɔ nɔ ekohu. Jehanɛ lɛɛ he wami nɛ a ha mi ɔ kle pe kekle nɔ́ ɔ po.

Daniel 5:18

“Nɛnɛ, Mawu nɛ ngɛ hiɔwe lokoo ɔ pee o tsɛ Nebukadnezar matsɛ ngua, nɛ e ha lɛ he wami kɛ hɛ mi nyami.

Mateo 4:8

Jehanɛ lɛɛ Abosiami ngɔ Yesu kɛ ya yo gagaaga ko nɔ. E tsɔɔ Yesu matsɛ yemihi tsuo nɛ ngɛ je ɔ mi, kɛ bɔ nɛ a hɛ mi ngɛ nyami ha,

Mateo 6:13

Nɛ o kɛ wɔ ko ya ka mi; se mohu, je wɔ kɛ je nɔ yayami ɔ dɛ mi.’

Romabi 9:23

E pee enɛ ɔ, konɛ nihi nɛ e na mɛ mɔbɔ ɔ nɛ a le bɔ nɛ e to momo kaa e maa wo a hɛ mi nyami babauu ha.

Efesobi 1:18

I kpaa Mawu pɛɛ nɛ e bli nyɛ mumi mi hɛngmɛ. Kɛkɛ ɔ, níhi nɛ Mawu wo si kaa e ma ha nyɛ benɛ e tsɛ nyɛ, nɛ nyɛ ngɔ nyɛ hɛ ngɔ fɔ nɔ ɔ, nyɛ maa na. Nyɛ maa le hu kaa níhi nɛ Mawu wo si kaa e ma ha e ni klɔuklɔu ɔmɛ ɔ, a hɛ mi ngɛ nyami babauu.

Kolosebi 1:27

Mawu suɔ kaa e ha mɛɛ a le kaa kikɛmɛ a laami sane nɛ he jua wa, nɛ hɛ mi ngɛ nyami nɛ ɔ ngɛ ní tsue ngɛ ma je li ɔmɛ hu a kpɛti. Nɛ laami sane ɔ ji, Kristo ngɛ nyɛ mi, nɛ tsɔɔ kaa nyɛ hɛ ngɛ nɔ kaa Mawu maa wo nyɛ hɛ mi nyami.

Kpojemi 4:11

“Wa Nyɔmtsɛ, kɛ wa Mawu! Mo ji nɔ nɛ sa kaa a ngɔ hɛ mi nyami, bu, kɛ he wami kɛ ha. Mo lɛ o bɔ níhi tsuo; o bɔ mɛ bɔ nɛ o suɔ kaa a hi. Nɛ a ngɛ ja pɛ!”