Ester 1:10 - BAIBLO ALOO NGMAMI KLƆUKLƆU Ɔ

¹⁰ Ligbi nɛ ji kpaago ɔ, benɛ matsɛ ɔ nu dã nɛ e bua jɔ saminya a, e tsɛ e he buli kpaago ɔmɛ nɛ a puɛ mɛ ɔ. Mɛ ji Mehunan, Bizta, Habona, Bigta, Abagta, Zeta, kɛ Kakas.

Ester 1:10 ပူးပေါင်းရင်းမြစ်များ

Mose I, 43:34

A gba ní kɛ je Yosef okplɔɔ ɔ he ya ha e nyɛmimɛ ɔmɛ, nɛ Benyamin nɔ́ ɔ hiɛ pe a ti nɔ tsuaa nɔ nɔ́ si enuɔ. A kɛ Yosef ye ní, nɛ a nu ní kɛ ya si mɛ tsuo a de dã.

Samuel II, 13:28

Absalom fa e tsɔli ɔmɛ ke, “Ke Amnon nu wai nɛ e bua jɔ e he ɔ, nyɛɛ hi lɛ huɔe konɛ ke i de ke, ‘Nyɛɛ fia Amnon nɔ́,’ pɛ nɛ nyɛɛ gbe lɛ. Imi nɛ i fa nyɛ ɔ nɛ. Nyɛ ko ye gbeye! Nyɛɛ pee kã; nɛ nyɛ ha nɛ a na kaa nyumuhi ji nyɛ.”

Ester 1:9

Jamɛ a be ɔ mi nɔuu ɔ, Manyɛ Vashti hu tsɛ yi ɔmɛ ní yemi ngɛ matsɛ we ɔ mi.

Ester 3:15

Matsɛ ɔ ha nɛ a fiɛ mlaa nɛ ɔ ngɛ matsɛ ma Susa a mi. Kɛkɛ nɛ a ha tsɔli nɛ a he sɔɔ saminya pue nɔ oya kɛ mlaa nɛ ɔ kɛ ho e nɔ yemi he ɔmɛ ya. Jamɛ a be ɔ, matsɛ ɔ, kɛ Haman hii si nɛ a ngɛ dã nue, se Susa ma a mi lɛɛ e pee basabasa.

Ester 7:9

A kpɛti nɔ kake nɛ a tsɛɔ lɛ Habona a de ke, “Nɛnɛ, Haman pee sɛumi tso gagaaga ko po ngɛ e we ɔ mi, konɛ e sɛu Mordekai, nɔ nɛ he o yi wami ɔ ngɛ nɔ. Sɛumi tso ɔ hiɔwe yami ji gugue nyɔngma kɛ enyɔ kɛ fa!” Matsɛ ɔ fa ke, “Nyɛ ya sɛu Haman ngɛ nɔ!”

Abɛ Womi 20:1

Wai sisiɔ nɔ; dã nɛ nya wa haa nɛ nɔ peeɔ basabasa. Nɔ nɛ ngɔɔ e he kɛ haa dã a, e li nɔ́.

Abɛ Womi 31:4

Lemuel lee, anɔkuale mi ɔ, e sɛ matsɛmɛ, kɛ ma nɔ yeli kaa a nu wai, loo dã nɛ nya wa.

Fiɛlɔ 10:19

A tsɛɔ ní yemi konɛ a fiɛ nɛ a muɔ; dã haa nɔ bua jɔmi, se sika lɛ peeɔ nɔ́ tsuaa nɔ́.

Manyadali 19:6

Kɛkɛ nɛ nyumu ni enyɔ ɔmɛ hi si nɛ a ye ní, nɛ a nu dã; nɛ yo ɔ tsɛ ɔ de nyumu ɔ ke, “Moo hwɔ hiɛ ɔ gbɔkuɛ nɛ ɔ hulɔ, nɛ o na bua jɔmi.”

Rut Womi 3:7

Benɛ Boaz ye ní nɛ e nu nɔ́ ko, nɛ e bua jɔ e he ɔ, e ho nɛ e ya hwɔ si ngɛ ngma nɛ a bua nya a kasa nya. Rut pee blɛuu nɛ e ya kpa bo ngɛ e nane he, nɛ e hwɔ lejɛ ɔ.