Efesobi 6:9 - BAIBLO ALOO NGMAMI KLƆUKLƆU Ɔ

⁹ Nyɔmtsɛmɛ, nyɛɛ kɛ nyɛ nyɔguɛ ɔmɛ nɛ hi si ja nɔuu kɛ̃ nɛ nyɛɛ jɔɔ a susuma he gbeye womi. Nyɛ kai kaa nyɛɛ kɛ nyɛ nyɔguɛ ɔmɛ tsuo ɔ, Nyɔmtsɛ kake lɛ nyɛ ngɛ ngɛ hiɔwe, nɛ e hyɛ we nɔ hɛ mi.

Somi He Ɔ

⁹ Nɛ nyɛ nyɔmtsɛmɛ ɔmɛ ɔ, nyɛɛ pee mɛ ja nɔuu, nɛ nyɛɛ jɔɔ mɛ haihai hɛɛmi, nɛ nyɛɛ le kaa nyɛɛ kɛ mɛ kulaa ngɛ nyɔmtsɛ ngɛ hiɔwe, nɛ e hyɛ we nimli a hɛ mi.

Efesobi 6:9 ပူးပေါင်းရင်းမြစ်များ

Nehemia 5:5

Waa kɛ Yuda bi ɔmɛ tsuo ɔ, ni kake ji wɔ. Anɛ wa bimɛ tsɔwi ɔmɛ kɛ mɛ hu a bimɛ tsɔwi ɔmɛ sɔɛ lo? Se fimi nya a, e hia kaa waa jua wa bimɛ ɔmɛ kaa nyɔguɛhi. Wa jua wa biyi ɔmɛ ekomɛ momo kaa nyɔguɛhi, nɛ wa be nɔ́ ko nɔ́ ko hu; ejakaa a kpɔ wa zugba amɛ, kɛ wai ngmɔ ɔmɛ ngɛ wa dɛ.”

Hiob 34:19

Mawu hyɛ we ganɔhi a hɛ mi. E bui niatsɛmɛ pe ohiatsɛmɛ; ejakaa lɛ nɛ e bɔ mɛ tsuo.

La 140:12

Yawɛ, i le kaa nihi nɛ a ní ngɛ mɔbɔ ɔ, mo lɛ o hyɛɛ a nɔ, nɛ o yeɔ ohiatsɛmɛ a sane ha mɛ.

Fiɛlɔ 5:8

Ke o na nɛ a ngɛ ohiatsɛ yi mi wae, aloo a plɛ sane hɛ mi ngɔ bu si, nɛ a kojo we ngɛ blɔ nɛ da nɔ ngɛ zugba ko nɔ ɔ, e ko pee mo nyakpɛ kulaa. Tsɔli nɛ ngɛ ma a nya, kɛ je nɔ wayoo pe kulaa nɔ kɛ ya si nɔkɔtɔma pe kulaa nɔ ɔ, mɛ tsuo a le nɔ́ nɛ ngɛ nɔ yae ɔ he nɔ́ ko.

Yesaya 47:6

Ye ma a wo ye mi mi la; lɔ ɔ he ɔ, i bui mɛ kaa ye ma hu. I ngɔ mɛ ngɔ wo o sisi, nɛ o nɛ́ mɛ mɔbɔ ko kulaa; nihi nɛ bwɔ po, o wa mɛ yi mi wawɛɛ nitsɛ.

Daniel 3:15

Yoo, nyɛ dla nyɛ he! Titimatihi, bɛhi, saku slɔɔtoslɔɔtohi, kɛ miɛ slɔɔtoslɔɔtohi maa pɛ. Ke nyɛ nu nɛ ní nɛ ɔmɛ ngɛ pɛe pɛ, nyɛ kpla si nɛ nyɛ ja amaga a nɛ i puɛ ɔ. Ke nyɛ pee ja a, e maa hi ha nyɛ. Se ke nyɛ kpla we si nɛ nyɛ ja amaga a, lɛɛ a ma sake nyɛ ngɔ fɔ flɔɔnɔɔ kɛ e mi la nɛ ngɛ tsoe gegeege mi jamɛ a ngmlɛfia a nɔuu. Anɛ nyɛ susu kaa mawu ko ngɛ nɛ ma je nyɛ kɛ je ye dɛ mi lo?”

Daniel 3:6

Nɔ nɛ be si kplae nɛ e ja amaga nɛ ɔ, a sake lɛ ngɔ fɔ flɔɔnɔɔ kɛ e mi la nɛ ngɛ tsoe gegeege mi.”

Mose III, 19:13

“Koo fia o nyɛmi ojo, nɛ koo ju e nɔ́ ko hulɔ. Ke o ya bɔ nɔ ko apaa ke e ba tsu ní ha mo ɔ, wo lɛ hiɔ loko je nɛ na nɔ.

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

Mateo 22:10

Kɛkɛ nɛ tsɔli ɔmɛ je kpo kɛ ya blɔ ɔmɛ a nɔ, nɛ nihi nɛ a na ngɛ lejɛ ɔmɛ ɔ, a bua mɛ tsuo a nya, nimli yayamihi, kɛ nimli kpakpahi. Nɛ yo kpeemi he ɔ hyi tɔ kɛ nihi.

Mateo 22:8

“Jehanɛ, e de e tsɔli ɔmɛ ke, ‘A to yo kpeemi ɔ he ní gbe nya mohu, se nihi nɛ a fɔ̃ nine ɔ, a sɛ.

Mateo 24:48

Se ke tsɔlɔ yaya ji lɛ ɔ, e ma de ngɛ e yi mi ke e nyɔmtsɛ ɔ se ya fia si bɔɔ.

Mateo 24:51

Nyɔmtsɛ ɔ ma tsɔtslɔɔ e mi, nɛ tue gblami nɛ sa osatotsɛmɛ ɔmɛ ɔ, e ma na eko. Lejɛ ɔ nɛ e maa wo ya, nɛ e ma kpe e lungu nya ngɛ.

Mateo 7:12

“Lɔ ɔ he ɔ, nɔ́ tsuaa nɔ́ nɛ nyɛ hlaa kaa nihi nɛ pee ha nyɛ ɔ, nyɛ hu nyɛɛ pee ja nɔuu ngɔ ha mɛ. Mose mlaa a, kɛ ní nɛ gbali ɔmɛ tsɔɔ ɔ sisi ji nɛ ɔ nɛ.

Luka 6:31

Bɔ nɛ nyɛ suɔ nɛ nihi nɛ pee ngɔ ha nyɛ ɔ, nyɛ hu nyɛɛ pee ngɔ ha mɛ ja nɔuu.

Yohane 13:13

Tse nyɛ tsɛɔ mi Tsɔɔlɔ, nɛ nyɛ tsɛɔ mi Nyɔmtsɛ hulɔ! Saminya, e ngɛ mi jã.

Ni Tsumi 10:34

Kɛkɛ nɛ Petro wo e nya nɔ nɛ e de ke, “I kpa si anɔkuale mi kaa Mawu hyɛ we nɔ hɛ mi.

Romabi 2:11

Ejakaa Mawu hyɛ we nɔ hɛ mi.

1 Korintobi 1:2

Wa ngɛ womi nɛ ɔ ngmae kɛ yaa ha Mawu we asafo nɛ ngɛ Korinto ɔ, nihi nɛ a tsu a he, nɛ a pee mɛ klɔuklɔu ha Yesu Kristo, kɛ nihi nɛ ngɛ he tsuaa he, nɛ a jaa Kristo Yesu, wa Nyɔmtsɛ, kɛ mɛ hu a Nyɔmtsɛ ɔ.

1 Korintobi 7:22

Ejakaa nyɔguɛ nɛ Nyɔmtsɛ ɔ tsɛ lɛ ɔ ba peeɔ Nyɔmtsɛ ɔ nɔmlɔ nɛ ye e he. Jã kɛ̃ ke nɔ ko ye e he, nɛ Kristo tsɛ lɛ ɔ, e ba peeɔ Kristo nyɔguɛ.

Mose V, 10:17

Yawɛ, nyɛ Mawu ɔ ji Mawu nɛ pe mawuhi tsuo kulaa, nɛ e he wami se be. E ji Mawu nɛ kle, nɛ e he wa; nɛ e sa nɛ a ye lɛ gbeye. E hyɛ we nɔ hɛ mi, nɛ e he we nyɔ mi ní.

Kolosebi 3:25

Nɔ tsuaa nɔ nɛ peeɔ nɔ́ nɛ dɛ ɔ ma na e yayami ɔ he hiɔwo, ejakaa Mawu hyɛ we nɔ hɛ mi.

Kolosebi 4:1

Nyɔmtsɛmɛ, nyɛɛ hɛɛ nyɛ nyɔguɛ ɔmɛ saminya ngɛ blɔ nɛ da nɔ. Nyɛ na nyɛɛ le kaa nyɛ hu nyɛ ngɛ Nyɔmtsɛ ngɛ hiɔwe.

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.

Yakobo 2:8

E ngɛ ngmami ɔ mi ke, “Suɔ o nyɛmi kaa bɔ nɛ o suɔ mo nitsɛ o he.” Matsɛ yemi ɔ mi mlaa ji nɛ ɔ nɛ; ke o ye nɔ ɔ, lɛɛ o pee saminya.

Yakobo 5:4

Apaa yeli nɛ hu nyɛ ngmɔ ɔmɛ ha nyɛ ɔ, nyɛ wui mɛ hiɔ. Nyɛɛ hyɛ bɔ nɛ a ngɛ ngmlaa kpae boboobo ha! Ní kpali nɛ bua nyɛ ngmɔ ní nya a a ngmlaa a ya su Nyɔmtsɛ Tabohiatsɛ ɔ tue mi tɔɔ.

Samuel I, 15:17

Samuel de lɛ ke, “E ngɛ mi kaa o peeɔ o he humi mohu, se Israel wɛtso ɔmɛ a nyatsɛ ji mo. Yawɛ wo mo matsɛ ngɛ Israel.