Efesobi 6:5 - BAIBLO ALOO NGMAMI KLƆUKLƆU Ɔ

⁵ Nyɛ nyɔguɛhi, nyɛɛ bu nyɛ je nɛ ɔ mi nyɔmtsɛmɛ ɔmɛ kɛ gbeye yemi kɛ he domi, nɛ nyɛ sɔmɔ mɛ kɛ nyɛ tsui tsuo kaa bɔ nɛ nyɛ peeɔ ha Kristo ɔ;

Somi He Ɔ

⁵ Nyɛ sɔmɔli ɔmɛ ɔ, nyɛɛ bu nyɛ he lo blɔfami nyɔmtsɛmɛ ɔmɛ tue kɛ gbeye yemi kɛ he domi ngɛ tsui klɔu peemi mi, kaa bɔ nɛ nyɛ peɔ ngɔ haa Kristo ɔ;

Efesobi 6:5 ပူးပေါင်းရင်းမြစ်များ

Mose I, 16:9

Yawɛ bɔfo ɔ de lɛ ke, “Kpale o se kɛ ya e ngɔ, nɛ o ya ba o he si ha lɛ.”

Kronika I, 29:17

Ye Mawu, i le kaa moo lɛɛ o hyɛɛ nɔ tsui mi nɛ o kɛ leɔ ni nɛmɛ nɛ hi, ejakaa o naa ni kpakpahi a he bua jɔmi. I ngɔ ní nɛ ɔmɛ tsuo ngɔ ke mo kɛ je ye tsui mi faa, nɛ i na kaa o ma nɛ ba pue si ngɛ hiɛmɛ nɛ ɔ, mɛ hu a je a tsui mi faa ba ke mo ní.

La 123:2

O nɛ, bɔ nɛ tsɔli hyɛɛ a nyɔmtsɛ blɔ, nɛ mawayo hu hyɛɛ e wenyɛ blɔ ɔ, ja nɔuu wɔ hu wa ngɛ Yawɛ, wa Mawu ɔ blɔ hyɛe kɛ yaa su be nɛ e maa na wɔ mɔbɔ.

La 86:11

Yawɛ, tsɔɔ mi nɔ́ nɛ o suɔ kaa ma pee, nɛ ma ye mo anɔkuale sisiisi. Ha nɛ ma ngɔ ye he wami tsuo kɛ sɔmɔ mo.

Malaki 1:6

Bɔ nɛ Yawɛ Tabohiatsɛ ɔ ngɛ osɔfo ɔmɛ dee ji nɛ ɔ nɛ: “Bi buu e tsɛ, nɛ tsɔlɔ hu buu e nyɔmtsɛ. Ke tsɛ ji mi ɔ, mɛni he je nyɛ bui mi mɔ? Nɛ ke nyɔmtsɛ ji mi ɔ, mɛni he je nyɛ yi mi gbeye? Nyɛ gbeɔ ye he guɛ, se kɛ̃ ɔ, nyɛ biɔ ke, ‘Kɛ wa plɛ kɛ gbe o he guɛ kɛɛ?’

Mateo 6:22

“Hɛngmɛ ji nɔmlɔ tso ɔ kane. Ke o hɛngmɛ nɔ tsɔ ɔ, o nɔmlɔ tso ɔ tsuo ma hyi kɛ la.

Mateo 6:24

“Nɔ ko be nyɛe ma sɔmɔ nyɔmtsɛmɛ enyɔ; eko ɔ, e maa nyɛ nɔ kake, nɛ e maa suɔ nɔ kake; aloo e maa pee nɔ kake suɔmi nya ní, nɛ nɔ kake ɔ lɛɛ e be lɛ bue fɛɛ. O be nyɛe ma sɔmɔ Mawu kɛ sika tsuo.

Mateo 8:9

Imi hu i ngɛ nihi nɛ yeɔ ye nɔ, kɛ ta buli ngɛ ye sisi. I deɔ nɔ kake ke, ‘Yaa’, nɛ e yaa; i deɔ nɔ kpa ke, ‘Ba’, nɛ e baa; jehanɛ se hu, i deɔ ye nyɔguɛ ke, ‘Pee enɛ ɔ’, nɛ e peeɔ.”

Ni Tsumi 2:46

Daa ligbi ɔ, a ya kpee ngɛ sɔlemi we ɔ, nɛ a buaa a he nya kɛ ya kuɔ abolo ngɛ a sibi a we mi, nɛ a kɛ bua jɔmi nɛ je tsui mi faa yeɔ ní.

Romabi 9:3

ngɛ ye nyɛmimɛ ɔmɛ a he. Ye weku li ji mɛ ngɛ he lo nya, nɛ i ko suɔ kaa ngɛ mɛɛ a he ɔ, a bu mi musutsɛ, nɛ a po mi kɛ je Kristo he.

1 Korintobi 2:3

Lɔ ɔ he ɔ, be mi nɛ i ba nyɛ ngɔ ɔ, ye nɔmlɔ tso ɔ gbɔjɔ, nɛ sawale ha nɛ ye he ngɛ doe blibliibli.

1 Korintobi 7:22

Ejakaa nyɔguɛ nɛ Nyɔmtsɛ ɔ tsɛ lɛ ɔ ba peeɔ Nyɔmtsɛ ɔ nɔmlɔ nɛ ye e he. Jã kɛ̃ ke nɔ ko ye e he, nɛ Kristo tsɛ lɛ ɔ, e ba peeɔ Kristo nyɔguɛ.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

2 Korintobi 7:15

Tito kaiɔ bɔ nɛ nyɛɛ kɛ he si bami, kɛ bu he lɛ atuu, kɛ bɔ nɛ nyɛ tsuo nyɛ pee klaalo nɛ ke e de nyɛ nɔ́ ko nɛ nyɛ peeɔ ɔ. Enɛ ɔ he ɔ, e na suɔmi babauu kɛ ha nyɛ pe kekle ɔ po.

Efesobi 5:22

Nyɛ yigbayi, nyɛɛ ba nyɛ he si ha nyɛ hunomɛ kaa bɔ nɛ nyɛ maa pee ha Nyɔmtsɛ ɔ.

Efesobi 6:24

Nihi tsuo nɛ suɔ wa Nyɔmtsɛ Yesu Kristo kɛ suɔmi nɛ be nyagbe ɔ, Mawu dloomi ɔ kɛ mɛ nɛ hi si.

Filipibi 2:12

Ye nyɛmimɛ nɛ i suɔ! E he hia wawɛɛ kaa amlɔ nɛ ɔ tete nɛ i be nyɛ ngɔ ɔ, nyɛɛ bu mi tue wawɛɛ pe kekle ɔ po. Nyɛɛ kɛ gbeye yemi, kɛ he domi blibliibli nɛ tsu ní wawɛɛ, konɛ a he nyɛ yi wami.

Filemon 1:16

Jehanɛ ɔ, e pi nɔ ko nɛ a maa bu lɛ nyɔguɛ hu, se mohu nɔ nɛ pe nyɔguɛ. O nyɛmi saminya ji lɛ ngɛ Kristo mi nɛ imi po i fiɛ we e he, hluu nɛ mo nɛ he lo mi jio, Nyɔmtsɛ ɔ mi jio, o nɔ ji lɛ kulaa a.

Yoshua 24:14

Yoshua ya nɔ nɛ e de ke, “Lɔ ɔ he ɔ, nyɛɛ ye Yawɛ gbeye, nɛ nyɛ sɔmɔ lɛ saminya ngɛ anɔkuale mi. Nyɛ je mawu ɔmɛ nɛ nyɛ nɛmɛ ɔmɛ ja ngɛ Mesopotamia kɛ Egipt ɔ ngɔ pue he, nɛ nyɛ sɔmɔ Yawɛ pɛ.

1 Petro 3:2

ejakaa mɛ nitsɛmɛ a maa na kaa nyɛ je mi bami he tsɔ, nɛ nyɛ yeɔ Mawu gbeye.