Efesobi 6:24 - BAIBLO ALOO NGMAMI KLƆUKLƆU Ɔ

²⁴ Nihi tsuo nɛ suɔ wa Nyɔmtsɛ Yesu Kristo kɛ suɔmi nɛ be nyagbe ɔ, Mawu dloomi ɔ kɛ mɛ nɛ hi si.

Somi He Ɔ

²⁴ Dloomi nɛ je wa Mawetsɛ Yesu Kristo dɛ mi ɔ kɛ nihi kulaa nɛ suɔ le kɛ pii si ɔ nɛ hi si! Amen.

Efesobi 6:24 ပူးပေါင်းရင်းမြစ်များ

Mateo 22:37

Yesu he nɔ ke, “ ‘Suɔ Nyɔmtsɛ, o Mawu ɔ kɛ o tsui tsuo, kɛ o klaa tsuo, kɛ o juɛmi tsuo.’

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Mateo 6:13

Nɛ o kɛ wɔ ko ya ka mi; se mohu, je wɔ kɛ je nɔ yayami ɔ dɛ mi.’

Romabi 2:7

Nihi nɛ toɔ a tsui si kɛ peeɔ kpakpa daa, nɛ a kɛ hlaa hɛ mi nyami, kɛ bu ha a he konɛ a ko gbo ɔ, Mawu ma ha mɛ neneene wami.

2 Korintobi 8:12

Ke o ha bɔ nɛ o ma nyɛ kɛ o tsui faa a, Mawu ma ná o nike ní ɔ he bua jɔmi. Mawu hyɛ we blɔ kaa o ha nɔ́ ko be mi nɛ nɔ́ ko be o dɛ.

2 Korintobi 8:8

Pi mlaa nɛ i ngɛ nyɛ woe. Dɛbi! Hɛdɔ nɛ Makedonia asafo ɔmɛ kɛ tsu ní ɔ nɛ i kɛ ngɛ nyɛ suɔmi ɔ he toe kaa e je tsui klɔuu mi lo.

Efesobi 6:23

Nihi tsuo nɛ heɔ Kristo yeɔ ɔ, Tsɛ Mawu, kɛ wa Nyɔmtsɛ Yesu Kristo nɛ ha nɛ a hi si ngɛ he jɔmi mi; a suɔ a sibi, nɛ a pɛtɛ hemi kɛ yemi ɔ he.

Filipibi 1:1

Imi Paulo kɛ Timoteo, Kristo Yesu sɔmɔli ɔ, ngma womi nɛ ɔ mane Kristo Yesu ni klɔuklɔu ɔmɛ, asafo nya dali ɔmɛ, kɛ sɔmɔli ɔmɛ tsuo nɛ ngɛ Filipi ɔ.

Kolosebi 4:18

Imi Paulo nitsɛ ye nine nya womi nɛ i ngma kaa i biɔ nyɛ ji nɛ ɔ nɛ. Nyɛ hɛ ko je nɔ kaa i ngɛ kɔsɔkɔsɔ mi kɛ mwɔɔ. Mawu dloomi ɔ kɛ nyɛ tsuo nɛ hi si.

2 Timoteo 4:22

Wa Nyɔmtsɛ Yesu Kristo nɛ gbaa mo. Mawu dloomi ɔ kɛ nyɛ nɛ hi si!

Tito 2:7

Mo nitsɛ o ba o je mi saminya ngɛ nɔ́ tsuaa nɔ́ mi, konɛ lɔ ɔ nɛ pee nɔ hyɛmi nɔ́ kpakpa ha ni ɔmɛ. Ke o ngɛ ní tsɔɔe ɔ, ha nɛ a na kaa o juɛmi mi tsɔ, nɛ o hɛ dɔ.

Tito 3:15

Nihi tsuo nɛ kɛ mi ngɛ hiɛmɛ nɛ ɔ ke a biɔ nyɛ. De wa suɔli ɔmɛ nɛ heɔ Kristo yeɔ ɔ ke wa biɔ mɛ. Mawu dloomi ɔ kɛ nyɛ tsuo nɛ hi si!

Hebribi 13:25

Mawu dloomi ɔ kɛ nyɛ tsuo nɛ hi si. Amen.