Efesobi 6:23 - BAIBLO ALOO NGMAMI KLƆUKLƆU Ɔ

²³ Nihi tsuo nɛ heɔ Kristo yeɔ ɔ, Tsɛ Mawu, kɛ wa Nyɔmtsɛ Yesu Kristo nɛ ha nɛ a hi si ngɛ he jɔmi mi; a suɔ a sibi, nɛ a pɛtɛ hemi kɛ yemi ɔ he.

Somi He Ɔ

²³ Hejɔmi, kɛ suɔmi kɛ hemi kɛ yemi nɛ je Tsɛ Mawu ɔ kɛ Mawetsɛ Yesu Kristo dɛ mi ɔ ha nyɛmimɛ ɔmɛ!

Efesobi 6:23 ပူးပေါင်းရင်းမြစ်များ

Galatabi 6:16

Nihi tsuo nɛ maa ba a je mi kaa kikɛ nɛ ɔ, Mawu nɛ na mɛ mɔbɔ, nɛ e ha mɛ he jɔmi. Ee, Mawu nɛ pee enɛ ɔ ha mɛ kɛ lɛ nitsɛ e ma, Israel ɔ tsuo.

1 Petro 5:14

Nyɛɛ fua nyɛ sibi kɛ nga nyɛ he kaa nyɛmimɛ nɛ le Kristo. Nyɛ nihi tsuo nɛ nyɛ ngɛ Kristo mi ɔ, nyɛ he manye!

Galatabi 5:6

Ke nɔ ko ngɛ Kristo mi ɔ, a po lɛ jio, a pui lɛ jio, lɔ ɔ tsu we nɔ́ ko. Nɔ́ nɛ he hia wawɛɛ mohu ji hemi kɛ yemi nɛ jeɔ kpo ngɛ suɔmi nɛ wa ngɛ kɛ ha wa nyɛmimɛ ɔ mi ɔ.

1 Timoteo 1:14

Se wa Nyɔmtsɛ ɔ dloomi babauu ɔ nya a, suɔmi, kɛ hemi kɛ yemi nɛ Mawu haa nihi tsuo nɛ ngɛ Kristo Yesu mi ɔ, imi hu i ná.

Kpojemi 1:4

Imi Yohane nɛ i ngma womi nɛ ɔ ya ha asafo kpaago ɔmɛ ngɛ Asia. Dloomi kɛ he jɔmi nɛ je Mawu, nɔ nɛ ngɛ kɛ je blema, nɔ nɛ ngɛ amlɔ nɛ ɔ, nɛ e maa ba a dɛ mi ɔ ha nyɛ. Jehanɛ ɔ, mumi kpaago ɔmɛ nɛ ngɛ Mawu matsɛ sɛ ɔ hɛ mi ɔ,

1 Timoteo 1:3

O ma kai kaa benɛ i je Efeso kɛ yaa Makedonia a, i wo mo ga kaa o hi si ngɛ Efeso. Ni komɛ ngɛ lejɛ ɔ nɛ a ngɛ lakpa tsɔɔmi tsɔɔe. Lɔ ɔ he ɔ, ma suɔ nɛ o hi Efeso, nɛ o bɔ mɛ kɔkɔ nɛ a kpa.

2 Tesalonikabi 3:16

Nyɔmtsɛ, nɔ nɛ haa wɔ he jɔmi ɔ, lɛ nitsɛ nɛ ha nyɛ he jɔmi daa ngɛ nɔ́ tsuaa nɔ́ nɛ nyɛ ngɛ pee mi. Nyɔmtsɛ ɔ kɛ nyɛ tsuo nɛ hi si.

2 Tesalonikabi 1:3

Wa nyɛmimɛ! E hia kaa waa na Mawu si daa ha nyɛ. E sa kaa waa pee jã, ejakaa nyɛ hemi kɛ yemi ɔ mi ngɛ wae wawɛɛ nitsɛ, nɛ suɔmi nɛ nyɛ ti nɔ tsuaa nɔ ngɛ kɛ ha e nyɛmi ɔ ngɛ nɔ yae bɔ nɛ sa.

1 Tesalonikabi 5:8

Se wɔɔ lɛɛ piani bimɛ ji wɔ, nɛ e hia kaa wa hɛ mi nɛ ka si. Wa hemi kɛ yemi, kɛ suɔmi ɔ mi nɛ wa kaa dama, nɛ hɛ kɛ nɔ fɔmi kaa a ma he wa yi wami ɔ, lɔ ɔ hu mi nɛ wa kaa dade pɛɛ.

1 Korintobi 1:3

Dloomi kɛ he jɔmi nɛ je wa Tsɛ Mawu ɔ, kɛ Nyɔmtsɛ Yesu Kristo dɛ mi ɔ ha nyɛ.

Romabi 1:7

I ngɛ womi nɛ ɔ ngmae ha nyɛ tsuo nɛ nyɛ ngɛ Roma nɛ Mawu suɔ nyɛ, nɛ e tsɛ nyɛ kɛ ba pee lɛ nitsɛ e ni klɔuklɔuhi ɔ. Dloomi kɛ he jɔmi nɛ je wa Tsɛ Mawu ɔ, kɛ Nyɔmtsɛ Yesu Kristo dɛ mi ɔ ha nyɛ!

Yohane 14:27

“I ngɛ nyɛ sie kɛ he jɔmi. Imi nitsɛ ye he jɔmi i ngɛ sie ha nyɛ. Pi bɔ nɛ je ɔ haa a nɛ i kɛ ngɛ nyɛ hae ɔ. Nyɛ ko ye nyɛ tsui; nɛ nyɛ ko je fɔ̃ hulɔ.

Samuel I, 25:6

nɛ a de lɛ ke, “He manye, ye nyɛmi. He jɔmi nɛ ba o we ɔ, kɛ o nɔ́ tsuaa nɔ́ nɔ.

Mose I, 43:23

Tsɔlɔ ɔ de ke, “Nyɛ ko ye kɔmɔ. Nyɛ tsui nɛ ko po. Nyɛ Mawu ɔ, nyɛ tsɛ e Mawu ɔ, lɛ nɛ e kɛ sika a wo nyɛ kotoku ɔmɛ a mi ha nyɛ. Ye nine su nyɛ sika a nɔ.” Kɛkɛ nɛ e je Simeon kɛ ba ha mɛ.

1 Timoteo 5:8

Kristo se nyɛɛlɔ nɛ hyɛ we e nyɛmimɛ a nɔ, titli ɔ, lɛ nitsɛ e we mi bimɛ ɔ, blɔɔ e ngmɛɛ e hemi kɛ yemi ɔ he. Afani nɔ nɛ he we Kristo yi ngɛ kikɛmɛ a nɔmlɔ nɛ ɔ he.

Romabi 15:33

He jɔmi Mawu ɔ kɛ nyɛ tsuo nɛ hi si. Amen!

2 Korintobi 13:11

Nyagbe ɔ, ye nyɛmimɛ, i biɔ nyɛ! Nyɛɛ ba nyɛ je mi saminya; nyɛɛ bu ye ga womi ɔ tue; nyɛ juɛmi nɛ pee kake, nɛ nyɛɛ hi si ngɛ he jɔmi mi. Nɛ Mawu nɛ suɔ wɔ, nɛ haa wɔ tue mi jɔmi ɔ kɛ nyɛ maa hi si.

Efesobi 6:24

Nihi tsuo nɛ suɔ wa Nyɔmtsɛ Yesu Kristo kɛ suɔmi nɛ be nyagbe ɔ, Mawu dloomi ɔ kɛ mɛ nɛ hi si.

3 Yohane 1:14

Mohu ɔ, i heɔ yeɔ kaa e be kɛe kulaa nɛ ma na mo, nɛ wa maa sɛɛ ní hɛ mi kɛ hɛ mi.