Efesobi 6:20 - BAIBLO ALOO NGMAMI KLƆUKLƆU Ɔ

²⁰ Sane kpakpa nɛ ɔ he nɛ, i ba pee Yesu Kristo bɔfo, pohu amlɔ nɛ ɔ, a wo mi kɔsɔkɔsɔ. Nyɛ kpa pɛɛ konɛ ma fiɛ kɛ kã kaa bɔ nɛ sa nɛ ma tu munyu ɔ.

Somi He Ɔ

²⁰ nɔ he nɛ i ngɛ bɔfo yee ngɛ kɔsɔkɔsɔ mi nɛ ɔ, konɛ ma tu munyu kɛ ka ngɛ mi, bɔ nɛ sa kaa ma tu ɔ.

Efesobi 6:20 ပူးပေါင်းရင်းမြစ်များ

Abɛ Womi 13:17

Tsɔlɔ nɛ yi anɔkuale kɛ nɔ woɔ haomi mi. Se tsɔlɔ anɔkualetsɛ lɛɛ tue mi jɔmi e kɛ baa.

Yesaya 33:7

Hyɛ bɔ nɛ katsɛmɛ ɔmɛ ngɛ ngmlaa kpae ngɛ gbɛjegbɛ ɔmɛ a nɔ ha. Hyɛ bɔ nɛ tsɔli ɔmɛ nɛ ngɛ mɔde bɔe kaa tue mi jɔmi nɛ ba a wo yana boboobo ha.

Yesaya 58:1

Yawɛ ke, “Kpa ngmlaa boboobo bɔ nɛ o ma nyɛ; ha nɛ o nya nɛ wa wawɛɛ kaa titimati! Jaje ye ma Israel tɔmi ɔmɛ kɛ tsɔɔ mɛ!

Yeremia 1:17

Yeremia, moo mia! Yaa nɛ o ya de mɛ nɔ́ tsuaa nɔ́ nɛ i fa mo ke o de ɔ. Koo ye gbeye; ke pi ja a, ke o ya da a hɛ mi ɔ, ma ha nɛ sawale nɛ nya wa maa nu mo.

Yeremia 40:1

Nebuzaradan, tatsɛ ɔ, ngɔ mi ngɛ pã mi kɛ ya Rama. I piɛ Yuda ma a, kɛ Yerusalem ma mi bi ɔmɛ tsuo nɛ a nuu kɛ yaa Babilonia a a he. Se imi lɛɛ e ngmɛɛ ye he ngɛ Rama, nɛ Yawɛ kɛ mi tu munyu ngɛ lejɛ ɔ.

Ni Tsumi 21:33

Jehanɛ asafoatsɛngua a hɛ lɛ kɛ su Paulo he, nɛ e pɛtɛ e he, nɛ e fa ke a wo lɛ kɔsɔkɔsɔ enyɔ. Kɛkɛ nɛ e bi ke, “Nyumu nɛ ɔ, mɛnɔ ji lɛ; nɛ mɛni e pee?”

Ni Tsumi 26:29

Paulo he nɔ ke, “Be ɔ kɛ jio, e kɛ́ we jio; i na nɛ jinɛ Mawu ha e ba mi kaa pi mo nɔ kake kɛkɛ, se mohu nihi tsuo nɛ ngɛ mi tue bue mwɔnɛ nɛ ɔ hu ko pee kaa bɔ nɛ i ngɛ nɛ ɔ; kɔsɔkɔsɔ nɛ ɔmɛ pɛ lɛ a ko wo mɛ!”

Ni Tsumi 28:20

Ní nɛ ɔmɛ a he je nɛ i tsɛ nyɛ kɛ ba, konɛ i kɛ nyɛ nɛ sɛɛ ní. Anɔkuale mi ɔ, kɔsɔkɔsɔ nɛ ngɛ ye he nɛ ɔ, nɔ nɛ Israel bi ngɔ a hɛ kɛ fɔ e nɔ ɔ he a wo mi ngɛ.”

Ni Tsumi 28:31

E fiɛɛ Mawu matsɛ yemi ɔ he sane, nɛ e tsɔɔ mɛ Nyɔmtsɛ Yesu Kristo he sane. E tu munyu kɛ kã nɛ gbeye yemi ko be e mi; nɛ nɔ ko nɔ ko hu tsi we lɛ blɔ.

Ni Tsumi 5:29

Petro, kɛ bɔfo kpa amɛ he nɔ ke, “E sa kaa waa bu Mawu mohu tue, se pi nimli.

2 Korintobi 3:12

Akɛnɛ wa ngɛ kikɛmɛ a hɛ kɛ nɔ fɔmi nɛ ɔ he je ɔ, wa tuɔ munyu kɛ kã.

2 Korintobi 5:20

Lɔ ɔ he ɔ, wa ji bɔfohi ngɛ Kristo biɛ mi ejakaa Mawu gu wa nɔ nɛ e kɛ nihi ngɛ munyu tue. Waa kɛ Kristo biɛ ngɛ nyɛ pɛɛ kpae ke nyɛ ha nɛ a dla nyɛɛ kɛ Mawu nyɛ kpɛti.

Efesobi 3:1

Mawu pee Yuda bi, kɛ nyɛ ma je li tsuo kake. Enɛ ɔ he ɔ, a wo imi Paulo tsu ngɛ Kristo Yesu, kɛ nyɛ hu nyɛ he.

Efesobi 4:1

Lɔ ɔ he ɔ, imi nɛ a wo mi tsu ngɛ Nyɔmtsɛ ɔ nɛ i ngɛ sɔmɔe ɔ he ɔ, i kpa nyɛ pɛɛ nɛ nyɛɛ ba nyɛ je mi saminya, bɔ nɛ maa sa ní tsumi nɛ Mawu tsɛ nyɛ ke nyɛ ba tsu ɔ.

Efesobi 6:19

Nyɛɛ sɔle ha imi hulɔ, konɛ be tsuaa be nɛ ma tu munyu ɔ, Mawu nɛ ha mi e sɛ gbi, nɛ e ha mi kã nɛ ma kɛ fiɛ sane kpakpa a mi laami sane ɔ.

Filipibi 1:20

Nɔ́ nɛ i ngɔ hɛ kɛ fɔ nɔ, nɛ i ngɛ blɔ hyɛe wawɛɛ ji kaa zo be mi gbee; se mohu be tsuaa be ɔ, ma pee kã saminya, konɛ wami mi jio, gbenɔ mi jio, titli ɔ, amlɔ nɛ ɔ, ma ngɔ ye nɔmlɔ tso ɔ kɛ wo Kristo hɛ mi nyami.

Filipibi 1:7

I suɔ nyɛ saminya, nɛ e sa kaa ma susu nyɛ he wawɛɛ kikɛ nɛ ɔ. Ejakaa Mawu dloomi ɔ nɛ i kɛ ngɛ sane kpakpa a fiɛe kɛ hɛdɔ, kɛ je sisije nɛ i ngɛ ye nane nɔ kɛ bee, kɛ ba si amlɔ nɛ ɔ nɛ a wo mi tsu ɔ, i kɛ nyɛ tsuo nɛ wa ná kikɛmɛ a dloomi ɔ, nɛ wa ngɛ he ní tsue.

Kolosebi 4:3

Nyɛɛ sɔle ha wɔ hulɔ, konɛ Mawu nɛ bli blɔ ha wɔ nɛ waa fiɛ e sɛ gbi nɛ kɔɔ Kristo he ɔ. Ejakaa Kristo laami sane nɛ ɔ he nɛ a wo mi tsu ngɛ.

Kolosebi 4:4

Lɔ ɔ he ɔ, nyɛɛ sɔle nɛ ma gba laami sane nɛ ɔ mi saminya bɔ nɛ sa kaa ma gba mi.

1 Tesalonikabi 2:2

Nyɛ le bɔ nɛ a wa wɔ yi mi, nɛ a jɛ wɔ kɛ pue wa hɛ mi si ngɛ Filipi loko wa ba nyɛ ngɔ ngɛ Tesalonika a. E ngɛ mi kaa níhi fuu ka wɔ blɔ tsimi, se wa Mawu ɔ wo wɔ kã kaa wa ba fiɛ e sane kpakpa a ngɔ tsɔɔ nyɛ.

2 Timoteo 1:16

Nyɔmtsɛ ɔ nɛ na Onesiforo kɛ e we ɔ mɔbɔ; ejakaa ke e ngɛ mi hluu ɔ, e ba woɔ mi bua. Tsu nɛ a wo mi ɔ pee we lɛ zo.

2 Timoteo 2:9

Sane nɛ ɔ nɛ i ngɛ fiɛe ɔ he je nɛ i ngɛ nɔ́ nae; a wo mi kɔsɔkɔsɔ tete po kaa nɔ́ nɛ awi yelɔ ji mi. Se Mawu munyu ɔ fiɛmi lɛɛ nɔ́ ko nɔ́ ko be nyɛe maa tsi nya.

Filemon 1:10

I ngɛ mo pɛɛ kpae ngɛ Onesimo nɛ peeɔ ye bi ngɛ Kristo mi ɔ he. Tsu nɛ a wo mi ɔ ha i ba pee e tsɛ.

Filemon 1:9

Se akɛnɛ i suɔ mo he je ɔ, ma ngɔ hiami nɔ́ nɛ ɔ kɛ fɔ o hɛ mi mohu. Hyɛ, imi Paulo, Yesu Kristo tsɔlɔ kpanaa nɛ amlɔ nɛ ɔ hu a bɔ mi pã ngɛ lɛ nɔuu e he ɔ, imi nɛ i ngɛ mo nɔ́ nɛ ɔ bae ɔ nɛ.

1 Yohane 3:16

Kristo ngɔ e wami ngɔ ha ngɛ wa he. Kɛ gu enɛ ɔ nɔ ɔ, wa na bɔ nɛ suɔmi tsuɔ ní ha. Lɔ ɔ he ɔ, e sa kaa wɔ hu waa ngɔ wa wami ngɔ ha ngɛ wa nyɛmimɛ a he.

Yuda 1:3

Ye nyɛmimɛ nɛ i suɔ! Jinɛ i ngɛ mɔde bɔe nɛ ma ngma nyɛ womi, nɛ wɔ tsuo wa yi wami hemi sane ɔ, ma tsɔɔ nyɛ nya saminya. Se i na kaa e hia kaa ma ngma nyɛ nɔuu ngɛ nɔ́ kpa he mohu. Lɔ ɔ he ɔ, i kɛ womi nɛ ɔ ngɛ nyɛ mumi mi he wami woe, konɛ hemi kɛ yemi ɔ nɛ Mawu ngɔ ha e nihi nɛ e hla mɛ si kake nyɔngloo ɔ, nyɛɛ hɛɛ mi wawɛɛ.