Efesobi 6:19 - BAIBLO ALOO NGMAMI KLƆUKLƆU Ɔ

¹⁹ Nyɛɛ sɔle ha imi hulɔ, konɛ be tsuaa be nɛ ma tu munyu ɔ, Mawu nɛ ha mi e sɛ gbi, nɛ e ha mi kã nɛ ma kɛ fiɛ sane kpakpa a mi laami sane ɔ.

Somi He Ɔ

¹⁹ kɛ imi hulɔ, konɛ, ke i bli ye nya a, a ha mi munyu nɛ ma kɛ ka nɛ fiɛ sane kpakpa a mi laami sane ɔ,

Efesobi 6:19 ပူးပေါင်းရင်းမြစ်များ

Kolosebi 4:3

Nyɛɛ sɔle ha wɔ hulɔ, konɛ Mawu nɛ bli blɔ ha wɔ nɛ waa fiɛ e sɛ gbi nɛ kɔɔ Kristo he ɔ. Ejakaa Kristo laami sane nɛ ɔ he nɛ a wo mi tsu ngɛ.

Ni Tsumi 4:29

Jehanɛ hu Nyɔmtsɛ, hyɛ wa he gbeye nɛ a ngɛ woe ɔ, nɛ o wo wɔ, o sɔmɔli ɔmɛ kã nɛ waa jaje o munyu ɔ.

2 Tesalonikabi 3:1

Nyagbe ɔ, nyɛmimɛ, nyɛɛ sɔle ha wɔ, konɛ Nyɔmtsɛ ɔ munyu ɔ nɛ ya nɔ nɛ e gbɛ fĩa, nɛ a he lɛ kɛ manye ngɛ he tsuaa he kaa bɔ nɛ nyɛ hu nyɛ pee ɔ.

1 Tesalonikabi 5:25

Ye nyɛmimɛ nɛ i suɔ, nyɛɛ sɔle ha wɔ.

Hebribi 13:18

Nyɛɛ sɔle ha wɔ daa. Wa le kaa wa he nile bui wɔ fɔ; ejakaa be tsuaa be ɔ, wa suɔ kaa nɔ́ tsuaa nɔ́ nɛ wa maa pee ɔ, bu nɛ hi he.

Ni Tsumi 4:31

Benɛ a sɔle kikɛ ɔ, he nɛ a bua ngɛ ɔ mimiɛ, nɛ Mumi Klɔuklɔu ɔ ba mɛ tsuo a nɔ saminya, nɛ a ngɔ kã kɛ jaje Mawu munyu ɔ.

1 Tesalonikabi 2:2

Nyɛ le bɔ nɛ a wa wɔ yi mi, nɛ a jɛ wɔ kɛ pue wa hɛ mi si ngɛ Filipi loko wa ba nyɛ ngɔ ngɛ Tesalonika a. E ngɛ mi kaa níhi fuu ka wɔ blɔ tsimi, se wa Mawu ɔ wo wɔ kã kaa wa ba fiɛ e sane kpakpa a ngɔ tsɔɔ nyɛ.

2 Korintobi 8:7

Nyɛ ngɛ ni kpa amɛ a hɛ mi kulaa ngɛ nɔ́ tsuaa nɔ́ mi, hemi kɛ yemi ngɛ Kristo mi, munyu tumi, anɔkuale ɔ lemi, hɛdɔ kɛ ha sɔmɔmi, kɛ suɔmi nɛ nyɛ ngɛ kɛ ha wɔ. Lɔ ɔ he ɔ, kikɛmɛ a ní tsumi nɛ nyɛ ngɛ tsue kɛ je nyɛ tsui mi ɔ hu, nyɛɛ hyɛ konɛ nyɛɛ be ni kpa amɛ a he jã nɔuu.

Efesobi 1:9

kɛ pee níhi tsuo nɛ e to kaa e maa pee ɔ. Laami nɔ́ ko nɛ e to e yi mi momo ke e maa pee kɛ gu Kristo nɔ ɔ, e je tsɔɔ wɔ.

1 Korintobi 4:1

Nyɛɛ bu wɔ kaa Kristo tsɔli nɛ Mawu ngɔ laami sɛ gbi ɔ ngɔ ha wɔ ke waa fiɛ.

Ni Tsumi 28:31

E fiɛɛ Mawu matsɛ yemi ɔ he sane, nɛ e tsɔɔ mɛ Nyɔmtsɛ Yesu Kristo he sane. E tu munyu kɛ kã nɛ gbeye yemi ko be e mi; nɛ nɔ ko nɔ ko hu tsi we lɛ blɔ.

Ni Tsumi 19:8

Paulo ye nyɔhiɔ etɛ sɔuu ngɛ lejɛ ɔ, nɛ e kɛ kã tu munyu kɛ tsɔɔ mɛ ní ngɛ kpe he ɔ. E bɔ mɔde kaa e ma ha nɛ a le Mawu matsɛ yemi ɔ he sane ɔ.

Ni Tsumi 13:46

Se Paulo kɛ Barnaba tu munyu kɛ kã ke, “Nyɛ kekle e sa kaa a jajeɔ Mawu munyu ɔ ngɔ tsɔɔ. Se akɛnɛ nyɛ kua munyu ɔ, nɛ nyɛ bui nyɛ he kaa nyɛ sa neneene wami ɔ he je ɔ, wa dɔ wa yi kɛ yaa ma je li ɔmɛ a ngɔ.

Filemon 1:22

E piɛ nɔ́ kake; ma suɔ hu nɛ o dla nibwɔhi a to he ko kɛ ha mi. Ejakaa ye hɛ ngɛ nɔ kaa bɔ nɛ nyɛ kulaa nyɛ ngɛ kue fae ɔ, Mawu maa pee nɛ ma kpale kɛ ba nyɛ ngɔ ekohu.

Kolosebi 2:2

I ngɛ enɛ ɔ pee nɛ ma kɛ wo mɛ bua, konɛ suɔmi nɛ ha a pee kake. Kɛkɛ ɔ, a maa nu ní kpakpahi nɛ a mi kuɔ ɔ tsuo a sisi saminya nɛ nɔ jemi be mi, nɛ a maa le Mawu laami sane ɔ. Mawu laami sane ɔ ji Kristo ɔ nɛ.

2 Korintobi 3:12

Akɛnɛ wa ngɛ kikɛmɛ a hɛ kɛ nɔ fɔmi nɛ ɔ he je ɔ, wa tuɔ munyu kɛ kã.

1 Korintobi 1:5

Ejakaa nyɛ ya hɛ mi ngɛ nɔ́ tsuaa nɔ́ mi, munyu tumi jio, nile jio.

Ni Tsumi 14:3

Se kɛ̃ ɔ, bɔfo ɔmɛ a se kɛ ngɛ lejɛ ɔ; nɛ a kɛ kã fiɛ Nyɔmtsɛ Yesu he munyu ɔ. Nyɔmtsɛ ɔ hu piɛ bɔfo ɔmɛ a he, nɛ a pee nyakpɛ níhi, kɛ okadihi babauu kɛ tsɔɔ kaa a munyu ɔ ngɛ mi niinɛ.

Ni Tsumi 9:27

Se Barnaba ngɔ lɛ kɛ ya bɔfo ɔmɛ a ngɔ, nɛ e ya sɛɛ nɔ́ nɛ ba a ha mɛ. E de mɛ bɔ nɛ Saulo na Nyɔmtsɛ ɔ ngɛ Damasko blɔ ɔ nɔ nɛ e kɛ lɛ tu munyu, kɛ bɔ nɛ pee nɛ e na he wami ngɛ Yesu biɛ mi.

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

2 Korintobi 7:4

I fĩaa ngɔ fɔɔ nyɛ nɔ, ejakaa i ngɛ hemi kɛ yemi babauu ngɛ nyɛ mi. Ngɛ wa haomi ɔmɛ tsuo a mi ɔ, ye nine mi ji wu; ye bua jɔmi mohu lɛ hiɛ kɛ be nɔ.

2 Korintobi 1:11

Nyɛ hu nyɛɛ piɛ wa he kɛ kpa pɛɛ, konɛ nihi babauu nɛ na Mawu si ha wɔ kaa nihi babauu a pɛɛ kpami nya a, wa na dloomi nike níhi.

1 Korintobi 2:7

Nile nɛ i ngɛ fiɛe ɔ ji nyakpɛ nɔ́ ko nɛ Mawu ngɔ kɛ laa adesa. Loko a bɔ je ɔ, Mawu hla nile nɛ ɔ ngɔ to momo nɛ e kɛ wo wa hɛ mi nyami.

Romabi 15:30

Ye nyɛmimɛ, i ngɔ Nyɔmtsɛ Yesu Kristo, kɛ suɔmi nɛ Mumi Klɔuklɔu ɔ haa nɔ ɔ kɛ ngɛ nyɛ pɛɛ kpae nɛ nyɛɛ piɛ ye he kɛ sɔle wawɛɛ nɛ Mawu nɛ ye bua mi.

Ni Tsumi 18:26

E kɛ kã bɔni munyu tumi ngɛ kpe he ɔ. Benɛ Priskila kɛ Akuila nu nɛ e ngɛ fiɛe ɔ, a ngɔ lɛ kɛ ba a ngɔ, nɛ a tsɔɔ lɛ Nyɔmtsɛ ɔ blɔ ɔ fitsofitso.

Ni Tsumi 4:13

Benɛ kpe ngua a mi bi ɔmɛ na kã nɛ Petro kɛ Yohane pee, nɛ a ná le hu kaa nimli gu kɛkɛ ji mɛ, se pi womi mi leli ɔ, a he mi po. A kɔ se kaa a kɛ Yesu hi si.

Ni Tsumi 2:4

Mumi Klɔuklɔu ɔ ba mɛ tsuo a nɔ saminya, nɛ a bɔni gbi slɔɔtoslɔɔtohi tumi ngɛ Mumi Klɔuklɔu ɔ he wami nya.

Ni Tsumi 9:29

Ke pee ɔ, e kɛ Helene bi hu hlaa níhi a mi, nɛ a sãã nya; se mɛɛ lɛɛ a hla kaa a maa gbe lɛ.

Romabi 16:25

Nyɛ ha wa je Mawu yi. Lɛ nɛ e ma ha nyɛ hemi kɛ yemi ɔ mi maa wa ngɛ Yesu Kristo he sane kpakpa a nɛ i fiɛ ha nyɛ ɔ mi. Kɛ je blema lokoo ɔ, nɔ ko nɔ ko li anɔkuale nɛ ɔ.

2 Korintobi 6:11

Wa nyɛmimɛ Korinto bi! Waa kɛ nyɛ ngɛ munyu tue kɛ je wa tsui mi faa.

Efesobi 3:9

Mawu ke ma fiɛ, konɛ je ɔ tsuo nɛ nu bɔ nɛ laami sane nguaa nɛ ɔ ma plɛ kɛ ba mi ha. Mawu nɛ́ bɔ níhi tsuo ɔ, ngɔ laami sane nɛ ɔ kɛ laa yi nɔhi nɛ be ɔ.