Efesobi 6:18 - BAIBLO ALOO NGMAMI KLƆUKLƆU Ɔ

¹⁸ Nyɛɛ sɔle kɛ kpa Mawu pɛɛ kaa bɔ nɛ mumi ɔ maa tsɔɔ nyɛ. Enɛ ɔ he ɔ, nyɛɛ bu mumi ɔ tue, konɛ nyɛ mia nyɛ hɛ mi kɛ kpa pɛɛ ha ni klɔuklɔu ɔmɛ daa.

Somi He Ɔ

¹⁸ nɛ nyɛɛ kɛ sɔlemi kɛ pɛɛ kpami tsuo sɔle daa ha klɔuklɔubi ɔmɛ kulaa

Efesobi 6:18 ပူးပေါင်းရင်းမြစ်များ

1 Tesalonikabi 5:17

nyɛɛ sɔle be tsuaa be;

Kolosebi 4:2

Nyɛɛ ya nɔ nyɛɛ sɔle daa, nɛ nyɛ hɛ nɛ hi nyɛ he nɔ, nɛ nyɛɛ na Mawu si.

Filipibi 4:6

Nyɛ ko hao ngɛ nɔ́ ko nɔ́ ko he; se mohu nɔ́ tsuaa nɔ́ mi ɔ, nyɛɛ kɛ sɔlemi, kɛ pɛɛ kpami, kɛ sina nɛ wo nyɛ hiami ní ɔmɛ a ta ha Mawu.

1 Timoteo 2:1

Kekleekle nɔ́ nɛ i ngɛ hlae nɛ nyɛɛ pee ji kaa daa ligbi ɔ, nyɛ kpa Mawu pɛɛ, nɛ nyɛɛ sɔle, nɛ nyɛɛ da mi ha nihi, konɛ nyɛɛ na lɛ si ha nihi tsuo.

Yuda 1:20

Se nyɛ ye nyɛmimɛ nɛ i suɔ! Nyɛɛ lɛɛ nyɛɛ hɛɛ nyɛ hemi kɛ yemi klɔuklɔu ɔ mi wawɛɛ nɛ nyɛ nane nɛ pi si ngɛ mi. Nyɛɛ sɔle ngɛ Mumi Klɔuklɔu ɔ he wami ɔ nya.

Marko 14:38

Kɛkɛ nɛ e de mɛ ke, “Nyɛɛ huɔ nɛ nyɛɛ sɔle konɛ Abosiami ko ka nyɛ. Mumi ɔ suɔ kaa e maa pee, se nɔmlɔ tso ɔ nyɛ we kulaa.”

Luka 21:36

Nyɛɛ hyɛ nyɛ he nɔ saminya, nɛ nyɛɛ sɔle daa, konɛ Mawu nɛ ha nyɛ he wami nɛ nyɛ kɛ gblee ní nɛ ɔmɛ tsuo nɛ maa ba a a mi slɔkee, nɛ nyɛ nyɛ nɛ nyɛɛ da Nɔmlɔ Bi ɔ hɛ mi.”

Mateo 26:41

Nyɛɛ fɔ nyɔ nɛ nyɛɛ sɔle, konɛ nyɛ ko sɛ ka mi. Mumi ɔ lɛɛ e suɔ kaa e maa pee jã, se he lo ɔ gbede.”

Daniel 9:20

I ya nɔ nɛ i sɔle. I jaje ye he yayami, kɛ ye ma Israel ɔ hu he yayami, nɛ i kpa Yawɛ, ye Mawu ɔ pɛɛ ke e to e we klɔuklɔu ɔ si ekohu.

Efesobi 1:16

i kpa we Mawu si nami ha nyɛ. Ke i ngɛ sɔlee ɔ, i kaiɔ nyɛ,

La 6:9

Yawɛ nu ye kue fami ɔ; Yawɛ maa pee ye hiami ní ɔmɛ ha mi.

Romabi 12:12

Akɛnɛ nyɛ ngɔ nyɛ hɛ ngɔ fɔ Mawu nɔ ɔ, nyɛ bua nɛ jɔ. Ke haomi ba a, nyɛɛ to nyɛ tsui si nɛ nyɛɛ hi sɔlee daa.

Marko 13:33

Nyɛɛ hyɛ saminya, nyɛɛ huɔ, ejakaa nyɛ li be mi nɛ ngmlɛfia a maa su.

1 Petro 4:7

Níhi tsuo a nyagbe ɔ su ta. Lɔ ɔ he ɔ, nyɛ hɛ nɛ dɔ, nɛ nyɛ hɛ nɛ ka si, konɛ nyɛ nyɛ́ nɛ nyɛɛ sɔle.

Ni Tsumi 1:14

A kɛ yi ɔmɛ, kɛ Yesu nyɛ Maria, kɛ Yesu nyɛminyumu ɔmɛ pɔɔ a he nya buami kɛ ha sɔlemi.

Luka 22:46

E de mɛ ke, “Mɛni he je nyɛ ngɛ mahe hwɔe ɔ? Nyɛɛ te si nɛ nyɛɛ sɔle, konɛ nyɛ ko sɛ ka mi.”

La 4:1

Ye Mawu nɛ faa ye he, moo bu ye kue fami ɔ tue koo! Be ko nɛ ye yi fi ɔ, mo lɛ o ba je mi. Naa mi mɔbɔ koo, nɛ o bu ye pɛɛ kpami ɔ tue.

Hebribi 5:7

Benɛ Yesu ngɛ he lo mi ɔ, ngmlaa, kɛ hɛ mi vo nyu nɛ e kɛ kpa Mawu, nɔ pɛ nɛ ma nyɛ je lɛ kɛ je gbenɔ mi ɔ pɛɛ. Akɛnɛ e yeɔ Mawu gbeye he je ɔ, Mawu hu bu lɛ tue.

2 Timoteo 1:3

Mawu ɔ nɛ i ngɛ sɔmɔe kɛ ye tsui tsuo kaa bɔ nɛ ye nɛmɛ ɔmɛ pee ɔ, i naa lɛ si. Daa nyɔ kɛ pia ke i ngɛ sɔlee ɔ, i kaiɔ mo.

Filipibi 1:4

Daa nɛ ɔ, i kɛ bua jɔmi faa kue ha Mawu ngɛ nyɛ tsuo nyɛ he;

Matsɛmɛ I, 8:52

“Yawɛ Mawu lee, moo hyɛ o ma Israel, kɛ a matsɛ ɔ, nɛ o na mɛ mɔbɔ; be tsuaa be nɛ a maa fa kue ha mo ɔ, moo bu mɛ tue.

Matsɛmɛ I, 9:3

Yawɛ de lɛ ke, “I nu o kue fami ɔ. I pee we nɛ o po nɛ a ja mi ngɛ mi nɛ ɔ klɔuklɔu kɛ yaa neneene. Ma hyɛ we ɔ nɔ, nɛ ma bu he daa.

Matsɛmɛ I, 8:54

Benɛ Salomo fa kue ha Yawɛ gbe nya a, e te da si ngɛ bɔ sami la tɛ ɔ hɛ mi he nɛ e kpla si ngɛ ɔ, nɛ e wo e nine nɔ kɛ ya hiɔwe.

Efesobi 6:19

Nyɛɛ sɔle ha imi hulɔ, konɛ be tsuaa be nɛ ma tu munyu ɔ, Mawu nɛ ha mi e sɛ gbi, nɛ e ha mi kã nɛ ma kɛ fiɛ sane kpakpa a mi laami sane ɔ.

Ni Tsumi 12:5

Enɛ ɔ he ɔ, e tsi Petro nya ngɛ tsu ɔ mi; se Kristo asafo ɔ kpa Mawu pɛɛ wawɛɛ kɛ ha Petro.

Hosea 12:4

Niinɛ, e kɛ Mawu bɔfo nɔ kunɔ, nɛ e ye e nɔ. E fo ya ngɔ pue bɔfo ɔ nɔ, nɛ e de lɛ ke e gbaa lɛ. E kɛ Mawu kpe ngɛ Betel, nɛ Mawu kɛ lɛ tu munyu ngɛ lejɛ ɔ.

Daniel 6:10

Benɛ Daniel nu kaa matsɛ ɔ ngɔ e nine kɛ wo mlaa a sisi ɔ, e je kɛ ho e we mi ya. Daniel ngɛ hiɔwe tsu ko ngɛ e we ɔ mi, nɛ o ma nyɛ maa hyɛ Yerusalem kɛ gu saflɛ ɔmɛ a mi ngɛ lejɛ ɔ. Kɛkɛ nɛ Daniel kpla si ngɛ e nakutso nya, ngɛ saflɛ nɛ bli kɛ fɔɔ si ɔ nya, nɛ e sɔle nɛ e na e Mawu ɔ si si etɛ kaa bɔ nɛ e peeɔ daa a.

Yesaya 26:16

Yawɛ, o gbla o ma a tue; nɛ benɛ e fi mɛ ɔ, a fa kue kɛ tsɛ mo.

Matsɛmɛ I, 8:59

Yawɛ, wa Mawu ɔ nɛ kai kue nɛ i fa ha lɛ, kɛ pɛɛ nɛ i kpa lɛ nɛ ɔ be tsuaa be. É na e ma, Israel, kɛ a matsɛ ɔ mɔbɔ, nɛ e pee a hiami níhi ha mɛ daa ligbi,

Filemon 1:5

Ejakaa suɔmi nɛ o jeɔ kpo kɛ tsɔɔ Mawu bimɛ ɔmɛ tsuo, kɛ hemi kɛ yemi nɛ o ngɛ ngɛ Nyɔmtsɛ Yesu Kristo mi ɔ, i nu he.

Zakaria 12:10

“David nina, kɛ ni kpahi nɛ ngɛ Yerusalem ɔ, ma ngɔ mumi nɛ naa mɔbɔ, kɛ mumi nɛ faa kue ngɔ wo a mi tɔ. Kɛkɛ ɔ, ke a na nɔ nɛ a gbɔ lɛ nɔ́ ɔ, a maa nyɛ ya ha lɛ kaa bɔ nɛ a nyɛɛ ya ha bi kake too. A ma nya awe kaa nihi nyaa awe ha a bitɛte.

Hiob 27:10

Anɛ e náá Ope ɔ he bua jɔmi lo? Anɛ e faa kue kɛ haa lɛ daa lo?

Ester 4:8

Jehanɛ, e ha Hatak womi ɔ nɛ a ngma mlaa a ngɔ wo mi, nɛ́ je kpo ngɛ Susa ma a mi ke a kpata Yuda bi ɔmɛ a hɛ mi ɔ eko. Mordekai de lɛ ke e ngɔ womi ɔ kɛ ya ha Ester, nɛ́ e tsɔɔ lɛ sane ɔ mi fitsofitso; nɛ e de lɛ ke e ya fa kue ha matsɛ ɔ, nɛ́ e kpa lɛ pɛɛ nɛ e na e ma mi bi ɔmɛ mɔbɔ.

Ni Tsumi 10:2

Mawu jalɔ ji lɛ, nɛ e kɛ e we ɔ tsuo yee Mawu gbeye. E peeɔ mami bi dɛgutsɛmɛ ɔmɛ kpakpa hulɔ, nɛ e kpaa Mawu pɛɛ daa.

Ni Tsumi 6:4

Wɔɔ lɛɛ wa maa ngɔ wa be tsuo kɛ pee sɔlemi, nɛ waa fiɛ Mawu munyu ɔ.”

Efesobi 3:18

Kɛkɛ ɔ, nyɛɛ kɛ ni klɔuklɔu ɔmɛ tsuo nyɛ ma yɔse suɔmi nɛ Kristo ngɛ kɛ ha nyɛ ɔ mi blimi, e kami, kɛ e mi kuɔmi.

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

Romabi 8:15

Mawu ha we nyɛ mumi nɛ peeɔ nɔ nyɔguɛ, nɛ nyɛ ma pa hi gbeye yee; se mohu e peeɔ nyɛ Mawu bimɛ. Mumi ɔ lɛ woɔ wɔ he wami, nɛ wa nyɛɔ faa kue kɛ ngmlaa ke, “Tsaatsɛ! Tsaatsɛ!”

Efesobi 2:22

Nyɛ hu mumi ɔ ngɔ nyɛɛ kɛ ni nɛmɛ nɛ heɔ yeɔ tsuo ngɔ mɛtɛ Kristo he, nɛ nyɛ ba pee Mawu sihi he.

Luka 3:37

Metusela bi ɔ, Enok bi ɔ, Yared bi ɔ, Mahalalel bi ɔ, Kenan bi ɔ,

Kolosebi 1:4

Ejakaa hemi kɛ yemi nɛ nyɛ ngɛ ngɛ Kristo Yesu mi, kɛ suɔmi nɛ nyɛɛ kɛ suɔ ni klɔuklɔu ɔmɛ tsuo ɔ, wa nu he.

Galatabi 4:6

Mawu suɔ kaa e maa tsɔɔ nyɛ kaa e bimɛ ji nyɛ, lɔ ɔ he ɔ, e tsɔ e bi ɔ mumi ɔ kɛ ba wa tsui mi. Kɛkɛ ɔ, wa ma nyɛ ma de anɔkuale mi ke, “Mawu, wa tsɛ ji mo.”

Luka 3:26

Maat bi ɔ, Matatia bi ɔ, Semein bi ɔ, Yosek bi ɔ, Yoda bi ɔ.

Kolosebi 1:3

Ke wa ngɛ sɔlee ha nyɛ ɔ, wa naa Mawu, wa Nyɔmtsɛ Yesu Kristo Tsɛ ɔ si daa.

Samuel I, 1:12

Benɛ e ngɛ sɔlee kɛ mwɔɔ ngɛ Yawɛ hɛ mi ɔ, Eli to e nya he hɛ.

Mateo 17:21

Se mumi nɛ ɔ, ja sɔlemi, kɛ ngma himi pɛ a kɛ ma nyɛ hia.]