Efesobi 6:12 - BAIBLO ALOO NGMAMI KLƆUKLƆU Ɔ

¹² Ejakaa pi he lo kɛ muɔ nɛ waa kɛ ngɛ ta hwue ɔ. He nyɛli nɛ waa kɛ mɛ ngɛ ta hwue ɔ ji nɔ yeli, kɛ nihi nɛ hɛɛ blɔ nyahi, mumi yayami kpetekpleenyɛhi nɛ ngɛ je nɛ ɔ mi diblii ɔ mi, kɛ mumihi nɛ ngɛ kɔɔhiɔ mi nɛ peeɔ yi wu tso níhi.

Somi He Ɔ

¹² Ejakaa tsa pi he lo kɛ muɔ nɛ waa kɛ ngɛ ta hwue ɔ, se mohu waa kɛ nɔkɔtɔma yemihi kɛ he blɔhi kɛ je nɛ ɔ mi nɔ yemihi nɛ ngɛ mwɔnɔmwɔnɔ diblii ɔ mi ɔ, kɛ mumi yayami asafo nɛ ngɛ hiɔwe nihi a mi ɔ.

Efesobi 6:12 ပူးပေါင်းရင်းမြစ်များ

Hiob 2:2

Yawɛ bi Satan ke, “Jije o je?” Satan he nɔ ke, “I ya kpa je ɔ mi tsuo kɛ ya kɛ ba.”

Mateo 16:17

Yesu de lɛ ke, “Simon, Yona bi, a gbaa mo! Ejakaa pi nɔmlɔ adesa nɛ je enɛ ɔ tsɔɔ mo; se Tsaatsɛ nɛ ngɛ hiɔwe ɔ.

Marko 4:19

se je nɛ ɔ mi he nya gbami, ní nami he suɔmi, kɛ ní kpahi a he akɔnɔ sɛɛ a mi, nɛ a gbee munyu ɔ ngɛ a mi, nɛ a wui yiblii.

Luka 13:24

“Nyɛɛ bɔ mɔde nɛ nyɛɛ sɛ agbo tokofii ɔ mi. Ejakaa, i ngɛ nyɛ dee ke, nihi babauu ma hla kaa a sɛ mi, se a be nyɛe.

Luka 22:53

Daa nɛ i kɛ nyɛ ngɛ sɔlemi we ɔ lɛɛ nyɛ de we ke nyɛ maa nu mi. Se nyɛ ngmlɛfia a ji nɛ ɔ nɛ; diblii matsɛ ɔ ní tsumi be su!”

Yohane 12:31

Amlɔ nɛ ɔ, be ɔ su nɛ a maa kojo je ɔ, nɛ nɔ nɛ ngɛ je ɔ nɔ matsɛ yee ɔ, a ma kpa lɛ.

Yohane 14:30

I kɛ nyɛ be munyu tue be kɛkɛ hu, ejakaa nɔ nɛ yeɔ je nɛ ɔ nɔ matsɛ ɔ ma. E be he wami ko ngɛ imi ye nɔ;

Yohane 16:11

Nɛ a juɛmi ngɛ Mawu kojomi he ɔ hu dɛ, ejakaa nɔ nɛ yeɔ je ɔ nɔ matsɛ ɔ, a bu lɛ fɔ momo.

Ni Tsumi 26:18

O ma ya bli a hɛngmɛ, konɛ a je diblii mi kɛ ba la he; o ma ya je mɛ kɛ je Abosiami ɔ he wami sisi kɛ ba Mawu ngɔ. Kɛkɛ ɔ, a ma he imi Yesu nɛ a ye, nɛ Mawu maa ngɔ a he yayami kɛ pa mɛ, nɛ a maa ba a hi he ngɛ nihi nɛ Mawu hla kɛ pee e ma a a kpɛti.’

Romabi 8:38

Ejakaa i ngɛ nɔ mi mami kaa gbenɔ jio, wami jio, hiɔwe bɔfohi jio, nɔ yeli kpa komɛ nɛ ngɛ hiɔwe jio, níhi nɛ ngɛ jio, níhi nɛ maa ba jio, he wami kpa ko jio,

1 Korintobi 15:50

Ye nyɛmimɛ, nɔ́ nɛ i ngɛ tsɔɔe ji kaa he lo kɛ muɔ nine be Mawu matsɛ yemi ɔ nɔ sue; nɔ́ nɛ puɛɔ nine be nɔ́ nɛ puɛ we nɔ sue.

2 Korintobi 11:14

Enɛ ɔ be nyakpɛ tete! Satan nitsɛ nyɛɔ tsakeɔ e he peeɔ bɔfo nɛ ngɛ kpɛe kaa la!

2 Korintobi 4:4

A he we sane kpakpa a yi, ejakaa je nɛ ɔ mi mawu ɔ yu a mumi mi hɛngmɛ; nɛ la nɛ ngɛ kpɛe ngɛ a nɔ ɔ, a nɛ. Sane kpakpa a nɛ woɔ Kristo hɛ mi nyami ɔ, la nɛ ɔ nɛ ngɛ lɛ gbɛe kɛ ngɛ fĩae. Kristo ɔ, e kɛ Mawu hɛɛ su kake.

Galatabi 1:16

e ma je e Bi ɔ ngɔ tsɔɔ mi, konɛ ma ya fiɛ sane kpakpa a ha ma je li ɔmɛ ɔ, i ya bi we ga womi ngɛ nɔ ko nɔ ko ngɔ.

Efesobi 1:21

Lejɛ ɔ Kristo ngɛ tsɛ yee ngɛ kɛ he wami kpetekpleenyɛ nɛ pã nihi tsuo nɛ ngɛ tsɛ yee ngɛ hiɔwe a he wami. Biɛ nɛ Kristo hɛɛ ɔ hu pã biɛhi tsuo ngɛ je nɛ ɔ, kɛ je nɛ maa ba a tsuo mi.

Efesobi 1:3

Sina ha Mawu, wa Nyɔmtsɛ Yesu Kristo Mawu ɔ, kɛ e Tsɛ ɔ! Ejakaa nɛ wa ngɛ Kristo mi ɔ, Mawu dloo wɔ mumi mi ní kpakpahi tsuo nɛ ngɛ hiɔwe ɔ.

Efesobi 2:2

Jamɛ a be ɔ, nɔ́ nɛ je nɛ ɔ peeɔ ɔ, lɔ ɔ nyɛ hu nyɛ peeɔ. Nyɛ ya nyɛɛ nɔ nɛ yeɔ mumi yayami ɔmɛ a nɔ ngɛ kɔɔhiɔ mi ɔ se. Nihi nɛ gboɔ Mawu tue ɔ, mumi nɛ ɔ lɛ ngɛ ní tsue ngɛ a mi amlɔ nɛ ɔ.

Efesobi 3:10

E pee enɛ ɔ, konɛ jehanɛ lɛɛ nɔ yeli tsuo, kɛ nihi nɛ ngɛ tsɛ yee ngɛ hiɔwe ɔ nɛ a na bɔ nɛ Mawu juɛmi mi kuɔ, kɛ bɔ nɛ asafo ɔ ngɛ ní tsue nɛ Mawu yi mi tomi ɔ nɛ ba mi.

Kolosebi 1:13

E kpɔ wɔ kɛ je diblii he wami ɔ sisi, nɛ e kɛ wɔ ba e Bi nɛ e suɔ lɛ saminya a matsɛ yemi ɔ mi.

Kolosebi 2:15

Kristo kpɔ he wami ngɛ mumi mi nɔ yeli, kɛ he wami ɔmɛ a dɛ. E bɔ mɛ ahlua paa, nɛ e kɛ tsɔɔ je ɔ kaa niinɛ e ye kunimi.

2 Timoteo 2:5

Loko fo dalɔ ko nine maa su kunimi yemi jlasi nɔ ɔ, ja e ye fo dami he mlaa amɛ tsuo a nɔ pɛpɛɛpɛ.

Hebribi 12:1

Amlɔ nɛ ɔ, nyɛɛ hyɛ nimli kpekpemi nitsɛnitsɛ kaa bɔku nɛ tsu a hemi kɛ yemi he ní nɛ bɔle wɔ kɛ kpe. Lɔ ɔ he ɔ, níhi tsuo nɛ tsiɔ wɔ blɔ, titli ɔ, yayami peemi nɛ gblaa wɔ se ɔ, nyɛ ha waa ngmɛɛ he, konɛ waa kɛ hɛ mi miami nɛ tu fo nɛ fɔɔ si ngɛ wa hɛ mi ɔ.

Hebribi 12:4

Ta nɛ nyɛɛ kɛ yayami ngɛ hwue nɛ ɔ, nyɛ sui he nɛ a ma de ke a ma pue nyɛ muɔ si ngɛ ɔ lolo.

1 Petro 3:22

Yesu Kristo ho hiɔwe ya; e ya hii si ngɛ Mawu hiɔ nɔ, nɛ e ngɛ bɔfohi, kɛ mumi mi níhi tsuo nɛ ngɛ he wami a nɔ yee.