Efesobi 6:10 - BAIBLO ALOO NGMAMI KLƆUKLƆU Ɔ

¹⁰ Nyagbe ɔ, nyɛ ha nɛ Nyɔmtsɛ ɔ he wami kpetekpleenyɛ ɔ nɛ ngɛ nyɛ mi ɔ nɛ waje nyɛ.

Somi He Ɔ

¹⁰ Nyagbe ɔ, mamimɛ, nyɛ he nɛ wa ngɛ Nyɔmtsɛ ɔ kɛ e he wami nyɛmi ɔ mi.

Efesobi 6:10 ပူးပေါင်းရင်းမြစ်များ

Filipibi 4:13

Kristo lɛ woɔ mi he wami, nɛ e haa nɛ i nyɛɔ peeɔ nɔ́ tsuaa nɔ́.

Yesaya 40:31

Se ni nɛmɛ nɛ ngɔɔ a hɛ ngɔ fɔɔ Yawɛ nɔ ɔ, a naa he wami he kaa kɔle nɛ ngɛ tee; a tuɔ fo, nɛ pɔ tɔɛ mɛ, a nyɛɛɔ, nɛ a gbɔjɔɔ we.

Yoshua 1:9

Ná nɛ o le kaa imi nitsɛ nɛ i ngɛ mo fae ke o he nɛ wa, nɛ o pee kã a nɛ. Koo nu sawale, nɛ o nine mi ko je wu. He tsuaa he nɛ o maa ya a, imi, Yawɛ, o Mawu ɔ, ma piɛ o he kɛ ya.”

1 Korintobi 16:13

Nyɛɛ huɔ; nyɛɛ hɛɛ hemi kɛ yemi ɔ mi wawɛɛ; nyɛɛ pee kã, nɛ nyɛ he nɛ wa.

1 Petro 5:10

Se ke nyɛ na amanehlu be bɔɔ se ɔ, Mawu nɛ dlooɔ wɔ níhi tsuo ɔ, lɛ nitsɛ e maa pee nɔ́ tsuaa nɔ́ nɛ he hia ha nyɛ. E maa waje nyɛ; e maa wo nyɛ he wami, nɛ e ma ha nɛ nyɛ ma fi si kaa nyɛ le lɛ daa. Lɛ nɛ e tsɛ nyɛ, konɛ nyɛɛ kɛ lɛ ba hi e hɛ mi nyami nɛ ngɛ kɛ yaa neneene ɔ mi; ejakaa nyɛɛ kɛ Kristo ba pee kake.

Kolosebi 1:11

I kpaa Mawu pɛɛ, nɛ e kɛ e he wami nɛ hɛ mi ngɛ nyami ɔ nɛ wo nyɛ he wami, konɛ nyɛ nyɛ́ nɛ nyɛɛ to nyɛ tsui si kɛ na nɔ́, nɛ nyɛɛ kɛ bua jɔmi nɛ na Tsɛ ɔ si. Lɛ nɛ ha nɛ nyɛ ná he blɔ, nɛ gbosi ní nɛ lɛ Mawu ɔ ngɔ to ha ni klɔuklɔu ɔmɛ ngɛ e matsɛ yemi ɔ mi ɔ, nyɛ hu nyɛ nine maa su nyɛ nɔ́ nɔ.

Efesobi 1:19

Jehanɛ ɔ hu nyɛ ma yɔse kaa Mawu he wami kpetekpleenyɛ nɛ ngɛ ní tsue ngɛ wɔ nihi nɛ wa heɔ yeɔ ɔ wa mi ɔ,

Efesobi 3:16

I kpaa Mawu pɛɛ, konɛ kɛ gu e ní babauu nɛ hɛ mi ngɛ nyami ɔ nɔ ɔ, e ha nɛ e Mumi Klɔuklɔu ɔ nɛ wo nyɛ mumi mi he wami.

2 Timoteo 4:17

Se Nyɔmtsɛ ɔ piɛ ye he, nɛ e wo mi he wami, nɛ i nyɛ fiɛ sane kpakpa a kɛ ha ma je li ɔmɛ tsuo. Bɔ nɛ Mawu je mi kɛ je gbenɔ nya mi ji nɛ ɔ nɛ. Ee, e je mi kɛ je gbenɔ mi.

Yesaya 40:28

Anɛ o li lo? Anɛ o nui lolo lo? Yawɛ ji Mawu nɛ ngɛ daa kɛ daa; lɛ ji nɔ nɛ bɔ je ɔ tsuo. Pɔ tɔɛ lɛ, nɛ e gbɔjɔɔ we. Bɔ nɛ e juɛmi mi kuɔ ha a, nɔ ko nɔ ko be nyɛe maa nu sisi.

2 Timoteo 2:1

Lɔ ɔ he ɔ, ye bi, nɛ Mawu dloo wɔ nɛ wa ngɛ Kristo Yesu mi ɔ, o he nɛ wa.

Kronika II, 15:7

Se nyɛɛ lɛɛ, nyɛ wlua nyɛ! Nyɛ ko ha nɛ nyɛ nine mi nɛ je wu, ejakaa ní tsumi nɛ nyɛ ngɛ tsue ɔ, nyɛ ma na he hiɔwo.”

Hagai 2:4

Se kɛ̃ ɔ, nyɛ ti nɔ ko nɔ ko kɔni mi ko wo nyu. Nyɛ tsu ní ɔ, ejakaa i kɛ nyɛ ngɛ.

La 138:3

Ligbi ɔ nɛ i tsɛ mo ɔ, o he nɔ. O wo mi kã, nɛ ye nɔ gbagba te.

Filipibi 4:8

Nyagbe ɔ, ye nyɛmimɛ, nihi nɛ ji anɔkuale, nihi nɛ sa bu, níhi nɛ da, níhi nɛ he tsɔ, níhi nɛ ngɛ fɛu, níhi nɛ woɔ nɔ hɛ mi nyami, ke je mi bami kpakpa ko ngɛ, ke yi jemi ko hu ngɛ ɔ, enɛ ɔmɛ a he nyɛ susu.

Zakaria 8:13

Nyɛ Yuda bi, kɛ Israel bi, sa a, nyɛ ngɛ kaa gbiɛmi kɛ ha je ma amɛ, se jehanɛ lɛɛ ma he nyɛ yi wami, nɛ nyɛ maa pee gbaami. Lɔ ɔ he ɔ, nyɛ wlua nyɛ; nɛ nyɛ ko ye gbeye!”

Kronika I, 28:10

Ná nɛ o le kaa Yawɛ hla mo konɛ o ma e we klɔuklɔu ɔ. Pee kã nɛ o kɛ tsu ní tsumi nɛ ɔ.”

Samuel I, 23:16

Saul binyumu Yonatan ba e ngɔ ngɛ lejɛ ɔ ba wo e hemi kɛ yemi ngɛ Mawu mi he wami.

Zakaria 8:9

Yawɛ Tabohiatsɛ ɔ ke, “Munyuhi nɛ gbali ɔmɛ tu nyɛ benɛ nyɛ ngɛ ye we ɔ sisi tomi ɔ fiae ekohu ɔ, lɔ ɔmɛ nɔuu nyɛ ngɛ nue nɛ ɔ nɛ. Lɔ ɔ he ɔ, nyɛ wlua nyɛ kɛ tsu ní ɔ.

Mose V, 31:23

Jehanɛ, Yawɛ to Nun bi Yoshua si, nɛ e de lɛ ke, “Pee kã, nɛ o he nɛ wa. Mo nɛ o ma kpaka Israel ma a kɛ ya zugba a nɛ i wo mɛ e he si ɔ nɔ. I kɛ mo maa hi si.”

Kronika I, 28:20

Nyagbe ɔ, Matsɛ David de e bi Salomo ke, “Wlua mo, nɛ o pee kã, nɛ o tsu ní ɔ. Koo ye gbeye, nɛ o tsui ko po; ejakaa Yawɛ Mawu ɔ nɛ i sɔmɔɔ lɛ ɔ kɛ mo ngɛ. E be mo kuae, nɛ e be mo sie kɛ yaa si o maa gbe e we ɔ he ní tsumi ɔmɛ tsuo nya.

2 Korintobi 13:11

Nyagbe ɔ, ye nyɛmimɛ, i biɔ nyɛ! Nyɛɛ ba nyɛ je mi saminya; nyɛɛ bu ye ga womi ɔ tue; nyɛ juɛmi nɛ pee kake, nɛ nyɛɛ hi si ngɛ he jɔmi mi. Nɛ Mawu nɛ suɔ wɔ, nɛ haa wɔ tue mi jɔmi ɔ kɛ nyɛ maa hi si.

1 Petro 3:8

Nyagbe ɔ, nyɛ tsuo nyɛɛ hɛɛ juɛmi kake, nɛ nyɛɛ na ha nyɛ sibi. Nyɛɛ suɔ nyɛ he kaa nyɛmimɛ. Nyɛɛ na nyɛ sibi mɔbɔ, nɛ nyɛɛ ba nyɛ he si.

Filipibi 3:1

Nyagbe ɔ, ye nyɛmimɛ nɛ nyɛ ngɛ Nyɔmtsɛ ɔ mi nyɛ bua nɛ jɔ. Pɔ tɔɛ ye he kaa ma ngma nyɛ ní nɛ ɔmɛ ekohu; ejakaa lɔ ɔ ma ha nɛ nyɛ maa le nyɛ he nɔ hyɛmi.

1 Petro 4:11

Ke nɔ ko ngɛ fiɛe ɔ, e fiɛ Mawu sɛ gbi ɔ; ke nɔ ko ngɛ sɔmɔe ɔ, e ngɔ he wami nɛ Mawu ha lɛ ɔ kɛ sɔmɔ. Nɔ́ tsuaa nɔ́ nɛ nyɛ ngɛ pee ɔ, e ha nɛ nihi nɛ a je Mawu yi kɛ gu Yesu Kristo nɔ. Mawu nɔ́ ji hɛ mi nyami, kɛ he wami kɛ yaa neneene. Amen.

1 Yohane 2:14

Bimɛ tsɔwi, i ngɛ nyɛ womi nɛ ɔ ngmae, ejakaa nyɛ le Tsɛ ɔ. Tsaatsɛmɛ! I ngɛ nyɛ womi nɛ ɔ ngmae, ejakaa nyɛ le nɔ nɛ ngɛ kɛ je sisije ɔ. Nihewi! I ngɛ nyɛ womi nɛ ɔ ngmae, ejakaa nyɛ he wa; Mawu we anɔkuale ɔ ngɛ nyɛ mi, nɛ nyɛ ye nɔ yayami ɔ nɔ kunimi.