Efesobi 5:5 - BAIBLO ALOO NGMAMI KLƆUKLƆU Ɔ

⁵ Nyɛ na nyɛɛ le kaa nihi nɛ fiɛɔ yo kɛ nyumu yakayaka fiɛmi, loo a tsuɔ mu ní, loo a hɛ kɔ̃ɔ̃ ɔ, a be blɔ nya ngɛ he nɛ Kristo kɛ Mawu ngɛ matsɛ yee ngɛ. (Ke nɔ ko kɛ hɛkɔ ngɛ nɔ́ ko se die ɔ, e ngɛ kaa wɔ jami pɛ).

Somi He Ɔ

⁵ Ejakaa nyɛ le enɛ ɔ momo kaa, ajuama bɔlɔ ko ajuama bɔlɔ ko loo mu ni tsulɔ ko loo hɛ tsulɔ ko nɛ ji wɔ jalɔ be blɔ nya ngɛ Kristo kɛ Mawu matsɛ yemi ɔ mi.

Efesobi 5:5 ပူးပေါင်းရင်းမြစ်များ

Mose II, 20:17

“O hɛ ko kɔ o nyɛmi we nɔ; o hɛ ko kɔ o nyɛmi e yo, aloo e tsɔlɔ nyumu, aloo e mawayo, aloo e na, aloo e teji, aloo e nɔ́ kpa ko nɔ.”

Ni Tsumi 20:32

“Nyagbe ɔ, i ngɛ nyɛ tue kɛ ngɛ Mawu kɛ e dloomi munyu ɔ dɛ mi woe. Munyu ɔ maa wo nyɛ he wami, nɛ nyɛ maa da si kpikpitii; nɛ gbaami nɛ Mawu to kɛ ha e we bi ɔ, nyɛ hu nyɛ nine maa su nɔ.

Ni Tsumi 8:21

O be blɔ nya, loo blɔ fa mi nɔ́ ko ngɛ wa ní tsumi nɛ ɔ mi; ejakaa o tsui mi dɛ ngɛ Mawu hɛ mi.

Galatabi 5:19

Ke nɔ ko peeɔ he lo ɔ nya ní ɔ, níhi nɛ jeɔ mi kɛ baa ji nɛ ɔmɛ nɛ: gba puɛmi, mu ní tsumi, yahomi,

Galatabi 5:21

hɛkɔ, dã demi, fiɛmi yaya, kɛ ní yaya peemi kpahi fuu kaa níhi nɛ i tsi a ta nɛ ɔ. I ka nyɛ hɛ mi momo ngɛ kikɛmɛ a je mi bami nɛ ɔmɛ a he, nɛ i ngɛ nyɛ kɔkɔ bɔe ekohu ke nihi nɛ peeɔ kikɛmɛ a ní nɛ ɔmɛ a nine be Mawu matsɛ yemi ɔ nɔ sue gblegbleegble.

Efesobi 5:3

Akɛnɛ ní klɔuklɔuhi ji nyɛ he je ɔ, e sɛ kaa a woɔ yo kɛ nyumu yakayaka fiɛmi, loo mu ní tsumi, loo hɛkɔ ta tete ngɛ nyɛ kpɛti.

Kolosebi 1:13

E kpɔ wɔ kɛ je diblii he wami ɔ sisi, nɛ e kɛ wɔ ba e Bi nɛ e suɔ lɛ saminya a matsɛ yemi ɔ mi.

Kolosebi 3:5

Lɔ ɔ he ɔ, je nɛ ɔ mi akɔnɔ níhi nɛ haoɔ nyɛ, yo kɛ nyumu yakayaka fiɛmi, mu ní tsumi, mi mi la, akɔnɔ yaya, kɛ hɛ tsumi nɛ ngɛ kaa amaga jami ɔ, nyɛɛ gbe.

1 Timoteo 6:10

Ejakaa sika suɔmi ji yayamihi tsuo a sipoku. Ni komɛ kɛ hɛdɔ ya di sika se, nɛ a ngmɛɛ a hemi kɛ yemi ɔ he. Nɔ́ nɛ je mi kɛ ba kɛkɛ ji tsui yemi babauu.

1 Timoteo 6:17

Niatsɛmɛ nɛ ngɛ nyɛ kpɛti ɔ, nyɛɛ a nɔ nɛ a ko wo a he nɔ. Á ko ngɔ a hɛ ngɔ fɔ ní nɛ a na a nɔ, ejakaa ní nami se maa po. Á ngɔ a hɛ ngɔ fɔ Mawu mohu nɔ. Lɛ nɛ e haa wɔ ní kpakpahi babauu nɛ wa yeɔ faa.

Hebribi 13:4

Nyɛ ha gba si himi he nɛ tsɔ, nɛ nyumu kɛ yo nɛ a ye a sibi anɔkuale. Ejakaa Mawu maa kojo yaholi, kɛ gba puɛli.

Yoshua 7:21

i na Babilonia bo kpakpa ko, kɛ sika hiɔ kilo enyɔ, kɛ sika tsu kpɔ kake nɛ ngmɛɛ kilo fa ngɛ ta yibu ní ɔmɛ a mi; ye hɛ kɔ ní ɔmɛ a nɔ, nɛ i muɔ mɛ. I pu mɛ ngɛ ye bo tsu ɔ mi, nɛ sika hiɔ ɔ ngɛ ní ɔmɛ a sisi.”

Kpojemi 21:8

Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”

Kpojemi 22:15

Se ni nɛ ɔmɛ lɛɛ a be mɛ blɔ hae nɛ a sɛ ma a mi: gbe ɔmɛ, nyuali ɔmɛ, nihi nɛ fiɛɔ yo kɛ nyumu yakayaka fiɛmi ɔ, nɔmlɔ gbeli ɔmɛ, amaga jali ɔmɛ, kɛ nihi nɛ suɔ lakpa yemi ɔ.