Efesobi 5:33 - BAIBLO ALOO NGMAMI KLƆUKLƆU Ɔ

³³ Se kɛ̃ ɔ, nɔ́ nɛ ngɛ mi ji, e sa kaa nyɛ ti nɔ tsuaa nɔ nɛ suɔ e yo kaa bɔ nɛ e suɔ lɛ nitsɛ e he, nɛ yogbayo tsuaa yogbayo nɛ bu e huno.

Somi He Ɔ

³³ E sa kaa nyɛ hu nyɛ ti nɔ tsuaa nɔ nɛ suɔ e yo ja, kaa lɛ nitsɛ e he, konɛ yo ɔ hu nɛ bu e huno ɔ.

Efesobi 5:33 ပူးပေါင်းရင်းမြစ်များ

Efesobi 5:22

Nyɛ yigbayi, nyɛɛ ba nyɛ he si ha nyɛ hunomɛ kaa bɔ nɛ nyɛ maa pee ha Nyɔmtsɛ ɔ.

Efesobi 5:25

Nyɛ hunomɛ, nyɛɛ suɔ nyɛ yi ɔmɛ kaa bɔ nɛ Kristo hu suɔ asafo ɔ, nɛ e ngɔ lɛ nitsɛ e wami ngɔ ha ngɛ e he ɔ.

Kolosebi 3:19

Nyɛ hunomɛ, nyɛɛ suɔ nyɛ yi ɔmɛ, nɛ nyɛ ko wa mɛ yi mi.

Ester 1:20

Ke o wo mlaa nɛ ɔ, nɛ a fiɛ kɛ kpa o nɔ yemi he nguaa nɛ ɔ tsuo ɔ, yigbayihi tsuo maa bu a hunomɛ, nimli nguahi jio, nimli wawi jio.”

Hebribi 12:9

Jehanɛ hu, adesa blɔ fa mi ɔ, wa ngɛ tsɛmɛ nɛ tsɔseɔ wɔ, nɛ wa buɔ mɛ. Anɛ e sɛ kaa wa baa wa he si ha Tsɛ ɔ nɛ ngɛ mumihi a nɔ he wami ɔ, konɛ wa yi nɛ na wami lo?

Matsɛmɛ I, 1:31

Batsheba kpla si ngɛ matsɛ ɔ hɛ mi, nɛ e de ke, “Ye nyɔmtsɛ matsɛ yi nɛ na wami kɛ ya neneene!”

La 45:11

kɛkɛ o he fɛu ɔ maa pee matsɛ ɔ akɔnɔ; lɛ ji o nyɔmtsɛ, lɔ ɔ he ɔ, ba o he si ha lɛ.

Efesobi 5:32

Anɔkuale laami munyu komɛ nɛ a he hia saminya jeɔ kpo ngɛ ngmami nɛ ɔ mi; nɛ imi lɛɛ i kɛ ngɛ Kristo kɛ asafo ɔ he toe.