Efesobi 5:32 - BAIBLO ALOO NGMAMI KLƆUKLƆU Ɔ

³² Anɔkuale laami munyu komɛ nɛ a he hia saminya jeɔ kpo ngɛ ngmami nɛ ɔ mi; nɛ imi lɛɛ i kɛ ngɛ Kristo kɛ asafo ɔ he toe.

Somi He Ɔ

³² Kikɛmɛ a laami sane nɛ ɔ mi jiɔ, se imi lɛɛ i ngɛ enɛ ɔ dee kɛ ngɛ Kristo kɛ asafo ɔ he toe.

Efesobi 5:32 ပူးပေါင်းရင်းမြစ်များ

Yesaya 54:5

O bɔlɔ ɔ ma ba pee o huno. E biɛ ji Yawɛ Tabohiatsɛ. Israel Mawu Klɔuklɔu ɔ ma he o yi wami; lɛ ji je ɔ tsuo Mawu.

Yohane 3:29

Ayɛflo huno ɔ, e nɔ ji ayɛflo ɔ. Se kɛ̃ ɔ, ayɛflo huno ɔ huɛ nɛ daa si ngɛ e kasa nya a, ke e nu ayɛflo huno ɔ gbi kɛkɛ e bua jɔ. Enɛ ɔ nɛ haa imi hu i naa bua jɔmi babauu.

2 Korintobi 11:2

I suɔ nyɛ saminya kaa bɔ nɛ Mawu nitsɛ suɔ nyɛ ɔ. I suɔ kaa nyɛɛ ye Kristo anɔkuale kaa bɔ nɛ yomiyo yeɔ nyumu nɛ ba bi e si ɔ anɔkuale, nɛ e hyɛɛ e he nɔ saminya kɛ ya siɔ yo kpeemi ligbi ɔ.

Efesobi 5:31

Kaa bɔ nɛ ngmami ɔ deɔ ɔ, “Enɛ ɔ he nɛ nyumu ma si e tsɛ kɛ e nyɛ, nɛ e maa mɛtɛ e yo he, nɛ mɛ ni enyɔ ɔmɛ tsuo maa pee he lo kake.”

Efesobi 5:33

Se kɛ̃ ɔ, nɔ́ nɛ ngɛ mi ji, e sa kaa nyɛ ti nɔ tsuaa nɔ nɛ suɔ e yo kaa bɔ nɛ e suɔ lɛ nitsɛ e he, nɛ yogbayo tsuaa yogbayo nɛ bu e huno.

Efesobi 6:19

Nyɛɛ sɔle ha imi hulɔ, konɛ be tsuaa be nɛ ma tu munyu ɔ, Mawu nɛ ha mi e sɛ gbi, nɛ e ha mi kã nɛ ma kɛ fiɛ sane kpakpa a mi laami sane ɔ.

Kolosebi 2:2

I ngɛ enɛ ɔ pee nɛ ma kɛ wo mɛ bua, konɛ suɔmi nɛ ha a pee kake. Kɛkɛ ɔ, a maa nu ní kpakpahi nɛ a mi kuɔ ɔ tsuo a sisi saminya nɛ nɔ jemi be mi, nɛ a maa le Mawu laami sane ɔ. Mawu laami sane ɔ ji Kristo ɔ nɛ.

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

1 Timoteo 3:8

Asafo ɔ mi sɔmɔli nɛ yeɔ bua a, e hia kaa a pee nihi nɛ tsuɔ ní kɛ hɛdɔ, pi nihi nɛ a nya ngɛ enyɔɔnyɔ. A ko nu wai tsɔ, nɛ a hɛ ko tsu ngɛ sika he hulɔ.

Kpojemi 21:2

Kɛkɛ nɛ i na ma klɔuklɔu ɔ, Yerusalem ma he ɔ nɛ je Mawu ngɔ ngɛ hiɔwe kɛ ma zugba. A dla e he ha lɛ kaa ayɛflo nɛ a wo lɛ ní ta nɛ a kɛ lɛ yaa ha e huno.