Efesobi 5:29 - BAIBLO ALOO NGMAMI KLƆUKLƆU Ɔ

²⁹ (Nɔ ko nyɛ́ lɛ nitsɛ e he lo, se mohu e lɛɛ e nɔmlɔ tso ɔ, nɛ e baa e yi saminya kaa bɔ nɛ Kristo hu hyɛɛ asafo ɔ.

Somi He Ɔ

²⁹ Ejakaa nɔ ko nyɛ́ lɛ nitsɛ e he lo hyɛ, se mohu e lɛɛ lɛ, nɛ e hɛɛ lɛ dɔdɔɔdɔ, kaa bɔ nɛ Nyɔmtsɛ ɔ hɛɛ asafo ɔ;

Efesobi 5:29 ပူးပေါင်းရင်းမြစ်များ

Mose I, 2:23

Nyumu ɔ de ke, “Ɛhɛɛ! Jehanɛ lɛɛ i na ye henɔ tutuutu: imi nitsɛ ye muɔ ji nɛ ɔ nɛ. A je lɛ kɛ je nyumu mi; a ma tsɛ lɛ yo.”

Abɛ Womi 11:17

Nɔ nɛ naa mɔbɔ ɔ, lɛ nitsɛ e he kpakpa lɛ e ngɛ pee. Se nɔ nɛ yi mi wa a, e ngɛ lɛ nitsɛ e he plaae.

Fiɛlɔ 4:5

Kuasia buaa e ninehi a nya kɛ woɔ e gblɛɛ mi, nɛ e gboɔ kɛ hwɔ.

Yesaya 40:11

E maa lɛ e to kuu ɔ kaa to hyɛlɔ kpakpa; e ma bua e to bi ɔmɛ a nya, nɛ e maa hɛɛ mɛ ngɛ e bɔkɔ mi; to nyɛ ɔmɛ hu e ma tsɔ̃ mɛ blɛuu.

Ezekiel 34:27

Nga nɔ tso ɔmɛ maa wo yiblii, nɛ zugba a maa ba ní saminya; kɛkɛ ɔ, tue mi jɔmi maa ba zugba a nɔ. Ma kplɔ kɔsɔkɔsɔ ɔmɛ kɛ je a kuɛ mi, nɛ a ye a he kɛ je nyɔguɛ si himi mi. A ma ba hi mɛ nitsɛmɛ a zugba nɔ. Kɛkɛ ɔ, a maa le kaa imi ji Yawɛ.

Mateo 23:37

“Yerusalem! Yerusalem! Mo nɛ o gbee gbali ɔmɛ, nɛ nihi nɛ Mawu tsɔ mɛ o ngɔ ɔ, o fiaa mɛ tɛ! Hyɛ kaa jinɛ i hla si abɔ kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya kɛ woɔ e pɛli sisi ɔ. Se o kplɛɛ we!

Mateo 6:26

Nyɛɛ hyɛ lohwe pɛlitsɛmɛ ha; a du we ní, nɛ a kpa we ní; jehanɛ hu, a bua we ní nya kɛ wui ngma gba mi. Se nyɛ Tsɛ nɛ ngɛ hiɔwe ɔ lɛɔ mɛ. Anɛ nyɛ he jua wɛ hluu pi mɛ lo?

Romabi 1:31

a he nile gbo; ke a wo si ɔ, a yi nɔ, nɛ a nɛ́ mɔbɔ.

Efesobi 5:28

Jã nɔuu kɛ̃, e sa kaa nyumu nɛ suɔ e yo kaa bɔ nɛ e suɔ lɛ nitsɛ e he. Ke nyumu ko suɔ e yo ɔ, ngɛ blɔ ko nɔ ɔ, e suɔ lɛ nitsɛ e he.

Efesobi 5:30

Wa ngɛ kaa Kristo nɔmlɔ tso ɔ he níhi.)

Efesobi 5:31

Kaa bɔ nɛ ngmami ɔ deɔ ɔ, “Enɛ ɔ he nɛ nyumu ma si e tsɛ kɛ e nyɛ, nɛ e maa mɛtɛ e yo he, nɛ mɛ ni enyɔ ɔmɛ tsuo maa pee he lo kake.”