Efesobi 5:24 - BAIBLO ALOO NGMAMI KLƆUKLƆU Ɔ

²⁴ Lɔ ɔ he ɔ, e hia kaa yigbayi nɛ a ba a he si ha a hunomɛ ngɛ nɔ́ tsuaa nɔ́ mi kaa bɔ nɛ asafo ɔ hu baa e he si ha Kristo ɔ.

Somi He Ɔ

²⁴ Se kaa bɔ nɛ asafo ɔ baa e he si ngɔ haa Kristo ɔ, ja nɔuu yi ɔmɛ hu a pee ha mɛ nitsɛmɛ a hunomɛ ngɛ nɔ́ tsuaa nɔ́ mi.

Efesobi 5:24 ပူးပေါင်းရင်းမြစ်များ

Efesobi 5:33

Se kɛ̃ ɔ, nɔ́ nɛ ngɛ mi ji, e sa kaa nyɛ ti nɔ tsuaa nɔ nɛ suɔ e yo kaa bɔ nɛ e suɔ lɛ nitsɛ e he, nɛ yogbayo tsuaa yogbayo nɛ bu e huno.

Tito 2:7

Mo nitsɛ o ba o je mi saminya ngɛ nɔ́ tsuaa nɔ́ mi, konɛ lɔ ɔ nɛ pee nɔ hyɛmi nɔ́ kpakpa ha ni ɔmɛ. Ke o ngɛ ní tsɔɔe ɔ, ha nɛ a na kaa o juɛmi mi tsɔ, nɛ o hɛ dɔ.

Kolosebi 3:20

Bimɛ, nyɛɛ bu nyɛ fɔli ngɛ nɔ́ tsuaa nɔ́ mi, ejakaa enɛ ɔ saa Mawu hɛ mi saminya.

Tito 2:9

Tu munyu kɛ tsɔɔ nyɔguɛ ɔmɛ nɛ a ba a he si ha a nyɔmtsɛmɛ ɔmɛ, nɛ a sa a hɛ mi ngɛ nɔ́ tsuaa nɔ́ mi. A ko je munyu nya,

Kolosebi 3:22

Nyɔguɛhi, nyɛɛ bu nyɛ je nɛ ɔ mi nyɔmtsɛmɛ ɔmɛ ngɛ nɔ́ tsuaa nɔ́ mi, pi kɛ hɛ mi sɔmɔmi nɛ ma ha nyɛ nyɔmtsɛmɛ ɔmɛ maa suɔ nyɛ sane. Mohu ɔ, nyɛɛ bu mɛ kɛ je nyɛ tsui mi kaa nihi nɛ yeɔ Mawu gbeye.

Mose II, 29:35

“Aaron kɛ e binyumu ɔmɛ a osɔfo womi kusumi ɔ, moo pee lɛ ligbi kpaago kaa bɔ nɛ i fa mo ɔ pɛpɛɛpɛ.

Mose II, 23:13

“Nyɛɛ bu níhi tsuo nɛ imi Yawɛ, i de nyɛ ɔ tue saminya nɛ nyɛɛ ye nɔ. Nyɛ ko fa kue ha mawu kpa komɛ, nɛ a ko nu a biɛhi tete po ngɛ nyɛ nya.

Luka 10:17

Ni nyingmi kpaago kɛ enyɔ ɔmɛ kpale kɛ ba kɛ bua jɔmi babauu. A ba de ke, “Nyɔmtsɛ, mumi yayamihi tete bu wɔ tue benɛ waa kɛ o biɛ hia mɛ ɔ!”

Efesobi 5:23

Ejakaa huno ɔ ngɛ e yo ɔ nɔ he wami kaa bɔ nɛ Kristo hu ngɛ asafo ɔ nɔ he wami ɔ. Kristo ngɔ e wami ngɔ ha, nɛ e kɛ he asafo ɔ yi wami; ee, asafo ɔ ngɛ kaa Kristo nitsɛ e nɔmlɔ tso.

Efesobi 5:25

Nyɛ hunomɛ, nyɛɛ suɔ nyɛ yi ɔmɛ kaa bɔ nɛ Kristo hu suɔ asafo ɔ, nɛ e ngɔ lɛ nitsɛ e wami ngɔ ha ngɛ e he ɔ.