Efesobi 5:19 - BAIBLO ALOO NGMAMI KLƆUKLƆU Ɔ

¹⁹ Nyɛɛ kɛ nyɛ sibi nɛ sɛɛ munyuhi nɛ ngɛ saku fiami, yi jemi, kɛ mumi mi la amɛ a mi ɔ a he ní. Nyɛɛ fia saku, nɛ nyɛ la kɛ je nyɛ tsui mi tɔɔ nɛ nyɛ kɛ je Nyɔmtsɛ ɔ yi.

Somi He Ɔ

¹⁹ Nyɛɛ kɛ nyɛ he nɛ tu munyu ngɛ saku fiami kɛ yi jemi lahi kɛ mumi mi lahi a mi; nyɛ la nɛ nyɛɛ fia saku ngɛ nyɛ tsui mi ha Nyɔmtsɛ ɔ.

Efesobi 5:19 ပူးပေါင်းရင်းမြစ်များ

La 147:7

Nyɛ la sina la ha Yawɛ; nyɛɛ fia saku nɛ nyɛ la kɛ je wa Mawu ɔ yi!

La 62:8

Be tsuaa be ɔ, nyɛɛ ngɔ nyɛ hɛ kɛ fɔ Mawu nɔ kɛ nyɛ tsui tsuo. Mawu ji wɔ tsuo wa wesa he.

La 86:12

Nyɔmtsɛ, ye Mawu, ma je o yi kɛ ye tsui tsuo, nɛ o he wami kpetekpleenyɛ ɔ, ma wo ta daa.

La 95:2

Nyɛ ha nɛ waa ba e hɛ mi kɛ sina, nɛ wa he ose, nɛ wa la yi jemi lahi.

Yesaya 65:14

Ye sɔmɔli ɔmɛ ma la, nɛ a bua maa jɔ a he, se nyɛɛ lɛɛ nyɛ ma kpa huhui, nɛ nyɛ maa ye nyɛ tsui wawɛɛ; nyɛ maa ye kɔmɔ, nɛ nyɛ ma fo ya mɔbɔmɔbɔ.

Mateo 15:8

‘Nimli nɛ ɔmɛ ɔ, a nya mi munyu kɛkɛ a kɛ woɔ ye hɛ mi nyami; se a tsui mi lɛɛ, a sume mi saasaa.

Mateo 26:30

Kɛkɛ nɛ a la yi jemi la, nɛ a je kpo, nɛ a pue nɔ kɛ ho Oliv yo ɔ nɔ ya.

Ni Tsumi 16:25

Maa pee nyɔ mi kpɛti ɔ, Paulo kɛ Sila ngɛ sɔlee, nɛ a ngɛ lae kɛ ngɛ Mawu yi jee nɛ pamitsɛmɛ kpa amɛ ngɛ a he nue.

1 Korintobi 14:15

Ke kikɛ nɛ ɔ ji sane ɔ, lɛɛ kɛ ma pee kɛɛ? I kɛ mumi maa sɔle, se i kɛ juɛmi hu maa sɔle; i kɛ mumi ma la, se i kɛ juɛmi hu ma la.

1 Korintobi 14:26

Ye nyɛmimɛ, nɔ́ nɛ i ngɛ tsɔɔe ɔ ji, ke nyɛ nya ba bua kɛ ha Mawu jami ɔ, nyɛ ti nɔ kake nɛ je la, nɔ ko nɛ tsɔɔ ní, nɛ nɔ ko hu nɛ ha sɛ gbi nɛ je Mawu ngɔ. Nɔ kpa nɛ tu gbi slɔɔtohi, konɛ nɔ kpa ko hu nɛ tsɔɔ sisi. Nyɛɛ pee níhi tsuo ngɛ a blɔ nɔ kɛ ha asafo ɔ nɔ yami.

Kolosebi 3:16

Nyɛ ha nɛ Kristo sɛ gbi ɔ nɛ hyi nyɛ fuu. Nyɛɛ tsɔɔ nyɛ he ní, nɛ nyɛɛ wo nyɛ sibi ga kɛ juɛmi nɛ mi kuɔ. Nyɛ la La womi ɔ mi lahi, yi jemi lahi, kɛ mumi mi lahi kɛ je nyɛ tsui mi nɛ nyɛ kɛ na Mawu si.

Yakobo 5:13

Ke amanehlu ba nyɛ ti nɔ ko nɔ ɔ, e sɔle. Ke nyɛ ti nɔ ko bua jɔ ɔ, e la yi jemi la.

Kpojemi 5:9

Hɛ kali ɔmɛ, kɛ ni kpa amɛ la la he kɛ ha To bi ɔ ke, “Mo nɛ o sa kaa o heɔ womi kpo ɔ, nɛ o tsɔɔ nya sɔumi ní ɔmɛ. Ejakaa a gbe mo, nɛ o kɛ o muɔ ɔ he adesahi tsuo, wɛtsohi, gbihi, mahi, kɛ je mahi kɛ ha Mawu.