Efesobi 5:16 - BAIBLO ALOO NGMAMI KLƆUKLƆU Ɔ

¹⁶ Nɔ́ tsuaa nɔ́ nɛ hia kaa a pee ɔ, nyɛɛ pee; ejakaa be nɛ wa ngɛ mi nɛ ɔ, adesa yi mi wa saminya.

Somi He Ɔ

¹⁶ nihi nɛ tsuɔ a deka he ni, ejakaa yi nɔ nɛ ɔ, yi nɔ yaya ʼi.

Efesobi 5:16 ပူးပေါင်းရင်းမြစ်များ

Mose I, 29:7

Yakob de mɛ ke, “Je jɔɛ lolo; e sui be nɛ a maa wo lohwe ɔmɛ tsu mi. Nyɛ ha to ɔmɛ nyu nɛ a nu, nɛ nyɛɛ kpale mɛ kɛ ho nɛ a ya ye ní.”

La 37:19

Ke haomi ba a, a hɛ mi be si puee. Hwɔ be mi ɔ, mɛɛ lɛɛ a maa tɔ.

Fiɛlɔ 11:2

Ngɔɔ o ní kpakpahi ngɔ to hehi munomuno; ejakaa o li matahu ko nɛ ma ba po mo ngɛ je mi.

Fiɛlɔ 12:1

Lɔ ɔ he ɔ, mo kai o bɔlɔ ɔ ngɛ o nihe mi, be mi nɛ ligbi yayami ɔmɛ, kɛ jeha yayami ɔmɛ na we nɛ a ba, nɛ o ma de ke, “I be bua jɔmi ngɛ je mi.”

Fiɛlɔ 9:10

Nɔ́ tsuaa nɔ́ nɛ o ngɛ tsue ɔ, tsu kɛ o he wami tsuo. Ejakaa gbeje, he nɛ o maa ya hwɔɔ se ɔ, ní tsumi, loo yi mi susumi, loo nile, loo ga be lejɛ ɔ.

Daniel 2:8

Kɛkɛ nɛ matsɛ ɔ de ke, “I na nyɛ juɛmi ɔ momo! Nyɛ ngɛ nɔ́ nɛ ɔ mi gblae nɛ nyɛ kɛ puɛ be, ejakaa nyɛ na kaa i muɔ ye yi mi kpɔ,

Amos 5:13

Lɔ ɔ he ɔ, ní lelɔ ɔ, nɔ́ nɛ sa nɛ e pee ngɛ kikɛmɛ a be yaya nɛ ɔmɛ a mi ji, e ma e nya nɛ e ko tu munyu.

Mateo 25:17

Nɔ nɛ na sika tsu yi akpe enyɔ ɔ hu ya na enyɔ kɛ bɔ he ja nɔuu.

Yohane 12:35

Yesu he nɔ ke, “Be bɔɔ ko pɛ nɛ e piɛ nɛ la a kɛ nyɛ maa hi si kɛ yaa si. Be mi nɛ la a ngɛ nɛ ɔ, nyɛɛ nyɛɛ blɔ ɔ nɔ, konɛ diblii ɔ nɛ ko ba na nyɛ, ejakaa nɔ nɛ nyɛɛɔ diblii mi ɔ, e li he nɛ e yaa.

Romabi 13:11

Jehanɛ ɔ, nyɛ le be nɔ nɛ mi nɛ wa ngɛ nɛ ɔ, kaa e sa nɛ nyɛ hɛ nɛ tsɛ kɛ je mahe nɛ nyɛ ngɛ hwɔe ɔ mi. Ejakaa be ɔ nɛ Mawu ma he wa yi wami ɔ, amlɔ nɛ ɔ, e na wɔ haa pe kekleekle nɛ wa he ye ɔ.

1 Korintobi 7:26

Amlɔ nɛ ɔ, he hiami be ɔ je sisi momo. Lɔ ɔ he ɔ, i susuu kaa mo nɔ, bɔ nɛ o ngɛ ɔ, o hi si jã kɛkɛ.

Galatabi 1:4

Yesu Kristo ngɔ e he ngɔ ha ngɛ wa he yayami ɔmɛ a he, konɛ a je wɔ kɛ je yi nɔ nɛ ɔ yi wu tso ní peemi ɔmɛ a mi. Enɛ ɔ ji wa Mawu, kɛ wa Tsɛ ɔ suɔmi nya ní.

Galatabi 6:10

Lɛɛ ke e maa hi ɔ, waa pee nihi tsuo kpakpa daa, titli ɔ, nihi nɛ waa kɛ mɛ hɛɛ hemi kɛ yemi kake ɔ.

Efesobi 6:13

Lɔ ɔ he ɔ, nyɛ kpla ta hwumi níhi tsuo nɛ Mawu ha nyɛ ɔ. Kɛkɛ ɔ, ke ligbi yobu ɔ ba a, nyɛ ma nyɛ maa da nya, nɛ́ ke nyɛɛ kɛ lɛ to ní gbe nya a, nyɛ nyɛ nyɛɛ da si kpɛii.

Efesobi 6:15

Nɔ́ tsuaa nɔ́ nɛ ma ha nɛ nyɛɛ pee klaalo kɛ fiɛ he jɔmi sane kpakpa a, nyɛ kɛ pee tokota nɛ nyɛɛ wo.

Kolosebi 4:5

Be tsuaa be nɛ nyɛɛ kɛ nihi nɛ he we Kristo yi ma bua a, nyɛɛ ba nyɛ je mi saminya, konɛ a na kaa nyɛɛ lɛɛ nyɛ le Kristo.