Efesobi 5:15 - BAIBLO ALOO NGMAMI KLƆUKLƆU Ɔ

¹⁵ Lɔ ɔ he ɔ, nyɛɛ hyɛ nyɛ je mi bami nɛ hi! Nyɛ ko hi si kaa nihi nɛ li nɔ́ ko nɔ́ ko, se mohu kaa ní leli.

Somi He Ɔ

¹⁵ Lɔ ɔ he ɔ nyɛɛ hyɛ bɔ nɛ nyɛ maa hi si ha, pi kaa nihi nɛ li nɔ́, se mohu kaa ni leli,

Efesobi 5:15 ပူးပေါင်းရင်းမြစ်များ

Kolosebi 4:5

Be tsuaa be nɛ nyɛɛ kɛ nihi nɛ he we Kristo yi ma bua a, nyɛɛ ba nyɛ je mi saminya, konɛ a na kaa nyɛɛ lɛɛ nyɛ le Kristo.

Yakobo 3:13

Anɛ ní lelɔ ko ngɛ nyɛ kpɛti lo? Anɛ nɔ ko ngɛ nyɛ kpɛti nɛ nuɔ nɔ́ sisi lo? Jamɛ a nɔ ɔ, e ba e je mi saminya. E ngɔ he si bami kɛ tsu ní kpakpa kɛ ye e nile ɔ he odase.

Filipibi 1:27

Lɔ ɔ he ɔ, nɔ́ nɛ hia pe kulaa ji, nyɛɛ ba nyɛ je mi kaa bɔ nɛ sane kpakpa a nɛ kɔɔ Kristo he ɔ tsɔɔ ɔ, konɛ i nyɛ ba na nyɛ jio, i bɛ́ jio, ma nu nyɛ he kaa nyɛ tsuo nyɛɛ kɛ juɛmi kake hɛɛ hemi kɛ yemi ɔ mi kpɛii kɛ ngɛ sane kpakpa a he plee.

1 Korintobi 14:20

Ye nyɛmimɛ, nyɛ ko susu nyɛ yi mi kaa jokuɛwi. Yayami peemi blɔ fa mi ɔ lɛɛ nyɛɛ pee nyɛ ní kaa jokuɛwi, se nyɛ susu nyɛ yi mi kaa nihi nɛ wa ngɛ mumi mi.

Abɛ Womi 14:8

Ní lelɔ juɛmi tsɔɔ lɛ blɔ nɛ hi. Kuasiahi lɛɛ a juɛmi sisiɔ mɛ.

1 Timoteo 6:9

Nihi nɛ hlaa kaa a na ní ɔ, a sɛɛ ka mi. A ya dii kuasia níhi, kɛ akɔnɔ yayami se. Enɛ ɔ haa nɛ a hemi kɛ yemi taa, nɛ a hɛ mi kpataa.

1 Petro 1:22

Amlɔ nɛ ɔ, anɔkuale tsɔɔmi ɔ nɛ kɔɔ Yesu Kristo he ɔ, nyɛ ye nɔ. Nyɛ tsukɔ nyɛ he, nɛ nyɛ ba na suɔmi kpakpa kɛ ha nyɛ nyɛmimɛ nɛ ngɔ a he ngɔ ha Yesu ɔ. Lɔ ɔ he ɔ, nyɛɛ suɔ nyɛ sibi saminya kɛ nyɛ tsui tsuo.

Mateo 10:16

“Hyɛ, i ngɛ nyɛ tsɔe kaa jijɔhi kɛ yaa ogbeteehi a kpɛti. Nyɛ hɛ mi nɛ tɛ̃ kaa sinɔ, nɛ nyɛɛ pee kpoo kaa okpo.

1 Tesalonikabi 5:15

Nyɛɛ hyɛ nɛ nyɛ ti nɔ ko kó pee yayami kɛ to yayami nane mi. Se mohu daa nɛ ɔ, nyɛɛ bɔ mɔde kaa nyɛ maa pee kpakpa ha nyɛ sibi, kɛ nihi tsuo.

Luka 24:25

Kɛkɛ nɛ Yesu de mɛ ke, “Kuasiahi nɛ nyɛ sume kaa nyɛ ma he níhi tsuo nɛ gbali ɔmɛ de ɔ maa ye!

Galatabi 3:3

Kikɛ nɛ ɔ nyɛ be yi! Nɛ nyɛ ngɔ Mumi Klɔuklɔu ɔ kɛ je sisi ɔ, jehanɛ lɛɛ nyɛɛ kɛ he lo maa gbe nya.

Hiob 2:10

Hiob he nɔ ke, “O ngɛ munyu tue kaa bɔ nɛ yihi kuasia amɛ a ti nɔ ko maa tu munyu pɛ. Ke Mawu ha wɔ nɔ́ kpakpa a, tse wa heɔ. Lɛ ke e ha wɔ nɔ́ yaya a, wa ko ngɔ lo?” Enɛ ɔ tsuo mi ɔ, Hiob pee we yayami; e de we nɔ́ ko kɛ si we Mawu.

Hebribi 12:25

Lɔ ɔ he ɔ, nɔ nɛ kɛ nyɛ ngɛ munyu tue ɔ, nyɛɛ bu lɛ tue. Nihi nɛ bui nɔ nɛ bɔ mɛ kɔkɔ ngɛ zugba a nɔ tue ɔ, a yi a he. Nɛ wɔɔ lɛɛ ke nɔ nɛ je hiɔwe ɔ kɛ wɔ ngɛ munyu tue nɛ wa bui lɛ tue ɔ, kɛ wa maa pee kɛ ye wa he kɛɛ?

Mateo 27:24

Pilato na kaa e he hia we hu kaa a ya nɔ, ejakaa basabasa miɔ nɛ e maa te si. Lɔ ɔ he ɔ, e yɛ nyu, nɛ e fɔ e dɛ ngɛ ma kpekpemi ɔ hɛ mi, nɛ e de ke, “Nyumu nɛ ɔ gbenɔ ɔ, ye nine be mi oo, ye nine be mi! Nyɛ, nyɛ sane!”

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ tsuo. Odase ɔ nɛ Yesu ye ɔ, i kɛ nyɛ tsuo lɛ wa he ye. Já Mawu mohu!” Ejakaa odase ɔ nɛ Yesu ye ɔ, lɔ ɔ ji nɔ́ nɛ woɔ gbali ɔmɛ he wami nɛ a kɛ gbaa.

Mateo 8:4

Kɛkɛ nɛ Yesu de lɛ ke, “Hyɛ, ko ya de nɔ ko nɔ́ ko oo! Se mohu yaa nɛ o kɛ o he ya tsɔɔ osɔfo ɔ, nɛ e hyɛ mo. Lɔ ɔ se ɔ, bɔ nɛ pee nɛ nihi tsuo nɛ a na kaa a tsa mo ɔ, yaa sã bɔ kaa bɔ nɛ Mose wo mlaa ke a pee ɔ.”

Efesobi 5:33

Se kɛ̃ ɔ, nɔ́ nɛ ngɛ mi ji, e sa kaa nyɛ ti nɔ tsuaa nɔ nɛ suɔ e yo kaa bɔ nɛ e suɔ lɛ nitsɛ e he, nɛ yogbayo tsuaa yogbayo nɛ bu e huno.

Samuel II, 24:10

Benɛ David kane ni ɔmɛ se ɔ, e he nile hao lɛ; nɛ e de Yawɛ ke, “I pee yayami agbo kaa i tsu kikɛmɛ a ní nɛ ɔ. Lɔ ɔ he ɔ, Yawɛ, i kpa mo pɛɛ nɛ o ngɔ kɛ pa mi.”

Mose II, 23:13

“Nyɛɛ bu níhi tsuo nɛ imi Yawɛ, i de nyɛ ɔ tue saminya nɛ nyɛɛ ye nɔ. Nyɛ ko fa kue ha mawu kpa komɛ, nɛ a ko nu a biɛhi tete po ngɛ nyɛ nya.

Kolosebi 1:9

Enɛ ɔ he ɔ, kɛ je ligbi ɔ nɛ wa nu nyɛ he ɔ kɛ ba si amlɔ nɛ ɔ, wa jɔɔ we Mawu pɛɛ kpami ha nyɛ. Wa biɔ ke Mawu nɛ ha nɛ nyɛɛ le e suɔmi nya ní, nɛ nyɛ ná nile, kɛ nɔ́ sisi numi nɛ mumi ɔ haa nɔ ɔ.

Galatabi 3:1

Nyɛ Galatia bi nɛ nyɛ be yi! Mɛnɔ gbiɛ nyɛ ke nyɛ ko bu anɔkuale ɔ tue? Yesu gbenɔ nɛ e gbo ngɛ sɛumi tso nɔ ɔ, a tsɔɔ nyɛ nɛ nyɛ na paa.

Mateo 27:4

E de mɛ ke “I pee yayami kaa i tsɔɔ nɔ nɛ pee we yayami ɔ se blɔ nɛ a gbe lɛ.” Se mɛɛ lɛɛ a he nɔ ke, “Mɛni enɛ ɔ kɔɔ ngɛ wa he? Mo nitsɛ o sane ji lɔ ɔ!”

Mateo 25:2

A kpɛti ni enuɔ ji kuasiahi, nɛ ni enuɔ lɛɛ ní leli ji mɛ.

La 73:22

i je kuasia; i li nɔ́ ko nɔ́ ko; i pee kaa lohwe ngɛ o hɛ mi.

Abɛ Womi 15:21

Nɔ nɛ be juɛmi nyaa kuasia jemi he; se nɔ nɛ ngɛ juɛmi ɔ, e baa e je mi saminya.

Efesobi 5:2

Nyɛ je nyɛ suɔmi kpo ngɔ tsɔɔ nyɛ sibi ngɛ nyɛ ní peemi mi kaa bɔ nɛ Kristo suɔ wɔ nɛ e ba gbo ngɛ wa he ɔ. Ee, Kristo ngɔ e he ngɔ ha kaa nike ní nɛ a kɛ sã bɔ, nɛ he via, nɛ sa Mawu hɛ mi.