Efesobi 5:11 - BAIBLO ALOO NGMAMI KLƆUKLƆU Ɔ

¹¹ Diblii mi níhi nɛ se nami be he ɔ, nyɛ ko pee. Mohu ɔ, nyɛ je mɛ kpo nɛ nihi nɛ a na.

Somi He Ɔ

¹¹ Nyɛɛ kɛ diblii ni tsumi ɔmɛ nɛ wui yiblii ɔ ko bɔ, se mohu nyɛ je mɛ si.

Efesobi 5:11 ပူးပေါင်းရင်းမြစ်များ

Mose I, 20:16

Lɔ ɔ se ɔ, e de Sara ke, “I kɛ sika hiɔ yi akpe kake ngɛ o nyɛminyumu ɔ hae kaa kpatami dã ngɛ nɔ́ nɛ i pee ɔ he. I pee nɔ́ nɛ ɔ kɛ ngɛ mo nguɔ woe, konɛ nihi tsuo nɛ kɛ mo ngɛ ɔ, a ná nɛ a le kaa o pee we yayami ko.”

La 141:5

Ha nɛ dalɔ nɛ gba mi ma, nɛ e ngɔ e mi mi himi ɔ kɛ ka ye hɛ mi; se ko ha nɛ yayami peeli nɛ a je ye yi; ejakaa be tsuaa be ɔ, i faa kue kɛ siɔ a yayami ɔmɛ.

Abɛ Womi 1:10

Ye bi, ke yayami peeli ngɛ mo mlɔɔe ɔ, koo nyɛɛ a se.

Abɛ Womi 1:31

Lɔ ɔ he ɔ, nɔ́ nɛ nyɛ tsu ɔ, lɔ ɔ he hiɔwo nyɛ ma na; nyɛ ní yaya amɛ nɔuu maa hao nyɛ.

Abɛ Womi 13:18

Nɔ nɛ sume tsɔsemi ɔ, e yeɔ ohia, nɛ e hɛ mi pueɔ si. Se nɔ nɛ kplɛɛɔ nɛ a kaa e hɛ mi ɔ, a buɔ lɛ.

Abɛ Womi 15:12

He fɛu yelɔ ngɛ nɛ ɔ, e sume kaa nɔ ko kaa e hɛ mi; nɛ e ya bi we ga womi ngɛ ní leli a ngɔ hulɔ.

Abɛ Womi 19:25

Gbla he nɔ wolɔ tue, nɛ ni guhi maa kase nile. Ka ní lelɔ hɛ mi, nɛ e maa kase ní kɛ piɛ he.

Abɛ Womi 25:12

Ke ní lelɔ ka o hɛ mi nɛ o bu tue ɔ, e ngɛ kaa june kpakpa nɛ e ke mo.

Abɛ Womi 28:4

Nɔ nɛ bui mlaa a, e kɛ nimli yayamihi lɛ bɔɔ. Se nɔ nɛ yeɔ mlaa nɔ ɔ, lɛɛ e kɛ mɛ toɔ ní.

Abɛ Womi 29:1

Nɔ nɛ ke a ka e hɛ mi, nɛ e waa tue kɛ mwɔɔ ɔ, e maa ku kɛ pue si tlukaa, nɛ e be hie tsami.

Yesaya 29:21

Mawu ma kpata nimli nɛ ɔmɛ hu a hɛ mi: nihi nɛ a kɛ a nya mi munyu poɔ nihi a nya kaa a tɔ mlaa, kɛ nihi nɛ tsɔɔ klama ha kojoli ngɛ kojomi he, nɛ a kɛ lakpa yemi haa nɛ a plɛɔ nɔ nɛ sane da a e sane hɛ mi kɛ buɔ si.

Yeremia 15:17

I ya piɛ we nihi nɛ ngɛ mle yee ɔ a he; i kɛ mɛ muɛ, nɛ i kɛ mɛ nya we. Se imi nɔ kake too i hi si kaa bɔ nɛ o fa mi ke ma pee ɔ; ejakaa o ha nɛ ye mi mi fu wawɛɛ nitsɛ.

Mose III, 19:17

“Koo nyɛ o nyɛmi ngɛ o tsui mi. Ke sane ko ba a, o kɛ lɛ nɛ hla mi, konɛ e he ɔ, mo mohu o ko ba pee yayami.

Mateo 18:15

“Ke o nyɛmi pee mo yayami ɔ, yaa nɛ o ya tsɔɔ lɛ e tɔmi ɔ, o kɛ lɛ ni enyɔ kɛkɛ. Ke e bu mo tue ɔ, kɛkɛ nyɛmi pee nyɛmi.

Luka 3:19

Se Yohane kã amlaalo nɔkɔtɔma Herode hɛ mi, ejakaa Herode ya ngɔ lɛ nitsɛ e nyɛmi Filipo e yo Herodia; Herode pee yayami kpahi fuu hu ngɔ piɛ he.

Ni Tsumi 26:18

O ma ya bli a hɛngmɛ, konɛ a je diblii mi kɛ ba la he; o ma ya je mɛ kɛ je Abosiami ɔ he wami sisi kɛ ba Mawu ngɔ. Kɛkɛ ɔ, a ma he imi Yesu nɛ a ye, nɛ Mawu maa ngɔ a he yayami kɛ pa mɛ, nɛ a maa ba a hi he ngɛ nihi nɛ Mawu hla kɛ pee e ma a a kpɛti.’

Romabi 13:12

Nyɔ ɔ be ta kulaa, nɛ je mi miɔ nɛ e ma tsɔ. Lɔ ɔ he ɔ, nyɛ ha wa kpa níhi nɛ wa peeɔ ngɛ laami mi ɔ; wa ní peemi ɔmɛ nɛ a kpɛ́ kaa níhi nɛ ta bulɔ kɛ mia.

Romabi 16:17

Ye nyɛmimɛ, i kpa nyɛ pɛɛ, nihi nɛ teɔ si kɛ siɔ níhi nɛ wa tsɔɔ nyɛ, nɛ a ngɛ nyɛ tue puɛe, nɛ a kɛ mi gbami ngɛ asafo ɔ mi bae ɔ, nyɛ hɛ nɛ hi nyɛ he ngɛ a he, nɛ nyɛɛ kɛ mɛ ko bɔ.

Romabi 6:21

Níhi nɛ nyɛ pee, nɛ jehanɛ lɛɛ a he ngɛ nyɛ zo pee ɔ, mɛni se nyɛ na kɛ je mi? Nɔ́ nɛ jeɔ mi ji gbenɔ!

Galatabi 6:8

Ke nɔ ko ya tsu ní ngɛ he lo mi ɔ, e ma kpa nɔ́ nɛ puɛɔ nɛ ma kpata e hɛ mi. Jã kɛ̃ ke nɔ ko tsu ní ngɛ Mawu mumi ɔ nya, Mawu mumi ɔ ma ha e na neneene wami.

Efesobi 4:22

Lɔ ɔ he ɔ, bɔ nɛ nyɛ ba nyɛ je mi saa ngɛ nɔmlɔ su momo ɔ nya, nɛ nyɛ ya nyɛɛ akɔnɔ yayahi nɛ puɛɔ nɔ a se ɔ, nyɛ kpa!

Efesobi 5:12

(Níhi nɛ nihi peeɔ ngɛ laami mi ɔ ngɛ zo tsɔ kaa a maa wo ta tete).

Efesobi 5:7

Lɔ ɔ he ɔ, nyɛɛ kɛ mɛ ko bɔ.

1 Tesalonikabi 5:7

Ejakaa nyɔ mi nɛ a hwɔɔ mahe, nɛ nyɔ mi dã deli deɔ dã.

2 Tesalonikabi 3:14

Ke nɔ ko sume kaa e maa ye nɔ́ nɛ wa ngma nyɛ nɛ ɔ nɔ ɔ, nyɛ kadi lɛ, nɛ nyɛɛ kɛ lɛ ko bɔ. Kɛkɛ ɔ, zo maa gbe lɛ.

2 Tesalonikabi 3:6

Nyɛmimɛ, wa ngɛ nyɛ fae ngɛ wa Nyɔmtsɛ Yesu biɛ mi ke nyɛɛ kɛ nihi nɛ tsu we ní, kɛ ni nɛmɛ nɛ bɛ a je mi saminya kaa bɔ nɛ wa tsɔɔ mɛ ɔ kó bɔ.

1 Timoteo 5:20

Nihi nɛ peeɔ yayami ɔ, ka a hɛ mi ngɛ asafo ɔ tsuo hɛ mi, kɛkɛ ɔ, ni nɛmɛ nɛ piɛ ɔ maa ye gbeye.

1 Timoteo 5:22

Koo ye esɔ kaa o maa ngɔ o nine kɛ pue nɔ ko nɔ kɛ wo lɛ asafo nɔkɔtɔma nɛ e tsu ní ha Nyɔmtsɛ ɔ. Ke nɔ ko ngɛ yayami pee ɔ, ko ya piɛ e he. Pee o he klɔuklɔu.

1 Timoteo 6:5

nɛ a sãã nya be tsuaa be. A juɛmi be tutuutu, nɛ a li nɔ nɛ ji anɔkuale hu. E peeɔ mɛ kaa Mawu jami ji blɔ ko nɛ a guu nɔ kɛ naa ní kpɔtɔɔ.

2 Timoteo 3:5

nihi nɛ tsɛɔ a he Mawu jali, se anɔkuale mi ɔ, a bui e mi he wami ɔ kulaa. Nimli kaa kikɛ nɛ ɔ, yu o he kɛ je a he.

2 Timoteo 4:2

Lɔ ɔ he ɔ, yaa nɔ nɛ o fiɛ sɛ gbi ɔ be tsuaa be nɛ o ko kpa. Ke o ngɛ munyu ɔ fiɛe ɔ, ná tsui kɛ tsɔɔ tue buli ɔmɛ nɔ́ nya konɛ a na nya saminya. Ka ni ɔmɛ a hɛ mi, nɛ o wo mɛ ga ngɛ be nɛ sa mi.

Tito 2:15

Tsɔɔ o we bi ɔmɛ ní nɛ ɔmɛ, nɛ o ngɔ he blɔ nɛ o ngɛ ɔ tsuo kɛ wo mɛ he wami, nɛ o kɛ ka a hɛ mi hulɔ. Ko ha nɛ nɔ ko nɛ gbe o he guɛ.

Kpojemi 18:4

Kɛkɛ nɛ i nu gbi kpa nɛ tu munyu kɛ je hiɔwe ke, “Ye ma! Nyɛɛ je kpo ngɛ e mi oo, nyɛɛ je ma a mi! Nyɛ ko ya piɛ ma mi bi ɔmɛ a he kɛ pee yayami, konɛ haomi nɛ ba a nɔ ɔ, ko ba nyɛ hu nyɛ nɔ!