Efesobi 5:10 - BAIBLO ALOO NGMAMI KLƆUKLƆU Ɔ

¹⁰ Nyɛɛ bɔ mɔde nɛ nyɛɛ kase Nyɔmtsɛ ɔ suɔmi nya ní.

Somi He Ɔ

¹⁰ Nyɛɛ ka nɔ́ tsuaa nɔ́ hyɛ kaa e sa Nyɔmtsɛ ɔ hɛ mi lo.

Efesobi 5:10 ပူးပေါင်းရင်းမြစ်များ

La 19:14

Yawɛ, ye wesa he, kɛ ye kpɔlɔ! Ha nɛ ye nya mi munyu, kɛ ye tsui mi susumi nɛ sa o hɛ mi.

Abɛ Womi 21:3

Pee nɔ́ nɛ sa, kɛ nɔ́ nɛ da; lɔ ɔ saa Yawɛ hɛ mi pe nɔ nɛ a maa sã bɔ ha lɛ.

Yesaya 58:5

Anɛ hwɔ hami kaa kikɛ nɛ ɔ i ngɛ hlae lo? Anɛ nɔ nitsɛ e he pimi kaa kikɛ nɛ ɔ i suɔ lo? Ke nɔ ko ma e yi si kudɔɔ kaa ngɔwu, nɛ e ngmɛ kpekpe ngɛ la zu mi nɛ e hwɔ nɔ ɔ, enɛ ɔ nyɛ tsɛɔ hwɔ hami ɔ? Enɛ ɔ maa sa ye hɛ mi lo?

Yeremia 6:20

Tsopa kɛ e he via nɛ a kɛ jeɔ Sheba kɛ ba haa mi ɔ, mɛni ma pee he? Nu he via nɛ a kɛ jeɔ ma se lokoo kɛ ba haa mi ɔ, i hla we. I be a sami bɔ ɔmɛ ngɔe; bɔ kpa amɛ hu i sume.

Romabi 14:18

Ke nɔ ko ngɛ Kristo sɔmɔe ngɛ kikɛmɛ a blɔ nɛ ɔ nɔ ɔ, e ngɛ Mawu suɔmi nya ní pee, nɛ e saa nimli adesahi hu a hɛ mi.

Filipibi 1:10

konɛ nyɛɛ le kpakpa mi tso. Kɛkɛ ɔ, mu ko mu ko, kɛ piami ko piami ko be nyɛ he sae kɛ yaa su ligbi ɔ nɛ Kristo maa ba.

Filipibi 4:18

Níhi tsuo nɛ nyɛ mane ɔ ba su mi; a hiɛ kulaa pe bɔ nɛ i susu! Epafrodito ngɔ nyɛ manemi ɔmɛ tsuo kɛ ba, nɛ nɔ́ ko nɔ́ ko hia we mi hu. Nike ní nɛ ɔmɛ ngɛ kaa bɔ ko nɛ a sã ha Mawu. Bɔ kaa kikɛ nɛ ɔ jeɔ via liliili; e saa Mawu hɛ mi, nɛ e naa he bua jɔmi.

Kolosebi 1:10

Kɛkɛ ɔ, nyɛ maa ba nyɛ je mi bɔ nɛ maa sa Nyɔmtsɛ ɔ hɛ mi. Nyɛ ma tsu ní kpakpa sɔuu, nɛ nyɛ maa le Mawu saminya pe bɔ nɛ nyɛ le lɛ daa.

1 Tesalonikabi 5:21

Nyɛɛ ka nɔ́ tsuaa nɔ́ hyɛ. Nɔ́ nɛ hi ɔ, nyɛɛ pɛtɛ he nɛ wa;

1 Timoteo 2:3

Sɔlemi kaa kikɛ nɛ ɔ hi, nɛ e saa Mawu, wa kpɔlɔ ɔ hɛ mi.

1 Timoteo 5:4

Se ke yalɔyo ko ngɛ bimɛ, loo bibimɛ ɔ, bimɛ ɔmɛ, kɛ bibimɛ ɔmɛ nɛ a le kaa ngɛ Mawu jami blɔ nya tomi nya a, kekleekle nɔ́ nɛ sa nɛ a peeɔ ha a fɔli ji a hyɛ a nɔ. A pee enɛ ɔ kɛ to fɔli ɔmɛ nane mi, ejakaa enɛ ɔ saa Mawu hɛ mi.

Hebribi 12:28

Lɔ ɔ he ɔ, nyɛ ha waa na Mawu si, ejakaa e ha wɔ blɔ nya nɛ waa ye tsɛ nɛ be tsakee gblegbleegble. Nyɛ ha waa ngɔ bu, kɛ gbeye yemi kɛ ba ja lɛ kɛ wa tsui tsuo bɔ nɛ maa sa e hɛ mi;

1 Petro 2:20

Ke o pee nɔ́ nɛ dɛ, nɛ a ngɛ mo kpa fiae ngɛ he, nɛ o to o tsui si ɔ, mɛni se nami ngɛ he? Se ke o pee kpakpa, nɛ o ngɛ he amanehlu nae, nɛ o to o tsui si ɔ, Mawu maa gbaa mo.

1 Petro 2:5

Nyɛɛ ba kaa tɛhi nɛ a hɛ ngɛ, nɛ nyɛ ha nɛ a fia nyɛ kɛ ma si kaa mumi mi we. Nyɛ maa pee osɔfo klɔuklɔuhi, nɛ kɛ gu Yesu Kristo nɔ ɔ, nyɛ maa sã mumi mi bɔ nɛ maa sa Mawu hɛ mi.

Samuel I, 17:39

David fi Saul klaate ɔ kɛ wo dama a he, nɛ e ka nyɛɛmi, se e yɛ nya; ejakaa e kpla we jamɛ a ní ɔmɛ eko hyɛ. David de Saul ke, “I be nyɛe ma kpla ní nɛ ɔmɛ kɛ ya, ejakaa a dɛ́ mi.” Lɔ ɔ he ɔ, David je ní ɔmɛ pue si.