Efesobi 4:9 - BAIBLO ALOO NGMAMI KLƆUKLƆU Ɔ

⁹ Munyu nɛ ɔ sisi ji, loko e ho hiɔwe ya a, e ba zugba a nɔ, nɛ e ya su zugba a sisi tɔɔ.

Somi He Ɔ

⁹ Se nɛ a ke “E kuɔ” ɔ, kɛ ji e sisi kɛɛ? E sisi ji e kple si kɛ ya zugba a sisi ni ɔmɛ a mi kekle.

Efesobi 4:9 ပူးပေါင်းရင်းမြစ်များ

Mose I, 11:5

Kɛkɛ nɛ Yawɛ kple si nɛ e ba hyɛ ma a, kɛ mɔ ɔ nɛ jamɛ a ni ɔmɛ ma a,

La 139:15

Benɛ a ngɛ mi puɛe ngɛ laami mi, nɛ wu ɔmɛ ngɛ wae ngɛ ye nyɛ muklii mi tɔɔ ɔ, i fɔɔ si paa ngɛ o hɛ mi.

La 63:9

Ni nɛmɛ nɛ ngɛ hlae nɛ a kpata ye hɛ mi ɔ ma ya su tsitsaa gbeje tɔɔ.

La 8:5

Nɛ́ o bɔ nɔmlɔ ɔ, nɔ́ ko bɔɔ pɛ lɛ mo, Mawu ɔ o ngɔ kɛ pe lɛ. Se o wo e hɛ mi nyami babauu.

Mose II, 19:20

Yawɛ kple si kɛ ba Sinai yo ɔ nɔ nɛ e tsɛ Mose, nɛ Mose kuɔ kɛ ho yo ɔ yi mi ya.

Abɛ Womi 30:4

Mɛnɔ lɛ ya hiɔwe nɛ e kpale kɛ ba zugba hyɛ? Mɛnɔ lɛ bua kɔɔhiɔ nya kɛ wo e dɛ mi hyɛ? Mɛnɔ lɛ yɛ wo mi nyu ɔ tsuo kɛ wo bo mi, nɛ e fi nya hyɛ? Aloo mɛnɔ lɛ ma buna ngɛ je ɔ mi nyagbe he ɔmɛ? Kɛ a tsɛɔ lɛ kɛɛ? E bi ɔ hu, mɛni ji e biɛ? Tse o le?

Yesaya 44:23

Nyɛ hiɔwe tsuo, nyɛ la nɛ nyɛ nya; nyɛ zugba a sisi hehi nɛ kuɔ, nyɛ he ose! Nyɛ yo ɔmɛ, kɛ hue ɔmɛ kɛ a mi tso ɔmɛ tsuo, nyɛɛ kɛ bua jɔmi nɛ he ose. A je Yawɛ he wami kpetekpleenyɛ ɔ yi; ejakaa e he e ma Israel yi wami.

Ezekiel 31:14

Lɔ ɔ he ɔ, kɛ je mwɔnɛ ɔ kɛ yaa a, tso nɛ naa nyu saminya a ekoeko be kae kɛ ya hiɔwe ja hu, loo kaa e ma ha e yi mi ma ya su bɔku mi ploplooplo kikɛ nɛ ɔ. Mɛ tsuo a ma gbo kaa bɔ nɛ nɔmlɔ adesa gboɔ ɔ. Mɛ tsuo a ma ya piɛ nihi nɛ ho gbeje ya a a he.”

Mateo 12:40

Bɔ nɛ Yona ye nyɔ kɛ pia ligbi etɛ ngɛ wo mi lo nguaa a muklii mi ɔ, jã Nɔmlɔ Bi ɔ maa ye nyɔ kɛ pia ligbi etɛ ngɛ zu mi.

Yohane 20:17

Yesu de lɛ ke, “Koo ta ye he, ejakaa i na we ma ya hiɔwe ngɛ Tsɛ ɔ ngɔ lolo. Se yaa ye nyɛmimɛ ɔmɛ a ngɔ, nɛ o ya de mɛ ke, ‘I yaa hiɔwe ngɛ Tsaatsɛ, kɛ nyɛ hu nyɛ Tsɛ; ye Mawu, kɛ nyɛ hu nyɛ Mawu ɔ ngɔ.’ ”

Yohane 3:13

Nɔ ko yɛ hiɔwe gblee kaa ja Nɔmlɔ Bi ɔ, nɔ nɛ je hiɔwe kple si kɛ ba a.”

Yohane 6:33

Mawu we abolo ɔ ji nɔ nɛ je hiɔwe kɛ ba a, nɛ lɛɛ e ma ha je ɔ wami.”

Yohane 6:38

Ejakaa i je hiɔwe kɛ ba nɛ ma ba pee nɔ nɛ tsɔ mi ɔ suɔmi nya ní, se pi imi nitsɛ ye suɔmi nya ní.

Yohane 6:41

Benɛ Yesu de ke, “Imi ji abolo nɛ je hiɔwe ɔ”, ni ɔmɛ tu munyu huitihuiti kɛ si lɛ;

Yohane 6:51

Imi ji abolo nɛ je hiɔwe nɛ haa nɔ wami. Nɔ nɛ maa ye kikɛmɛ a abolo nɛ ɔ eko ɔ maa hi si kɛ maa ya neneene. Abolo nɛ ma ha lɛ ɔ ji imi nitsɛ ye he lo nɛ i ngɔ kɛ ha, bɔ nɛ pee nɛ je ɔ tsuo yi nɛ na wami.”

Yohane 6:58

Abolo nɛ je hiɔwe ɔ ji nɛ ɔ nɛ. Abolo nɛ ɔ be kaa nɔ́ nɛ nyɛ nɛmɛ ɔmɛ ye nɛ pee se a gbo ɔ. Mohu ɔ, nɔmlɔ nɛ maa ye abolo nɛ ɔ maa hi si kɛ maa ya neneene.”

Yohane 6:62

Ke nyɛ na Nɔmlɔ Bi ɔ nɛ kpale kɛ yaa hiɔwe he nɛ e je kɛ ba a, kɛ nyɛ maa pee kɛɛ?

Yohane 8:14

Yesu he nɔ ke, “E ngɛ mi mohu kaa imi nitsɛ i ngɛ ye he odase yee lɛɛ, se ye odase ɔ ngɛ mi, ejakaa i le he nɛ i je, kɛ he nɛ i yaa. Nyɛɛ lɛɛ nyɛ li he nɛ i je kɛ ba; nɛ he nɛ i yaa hu nyɛ li.

Hebribi 2:7

Nɛ o bɔ lɛ ɔ, nɔ́ ko bɔɔ pɛ o ha bɔfo ɔmɛ kɛ pe lɛ. O wo e hɛ mi nyami, nɛ o ha bu ba e he.

Hebribi 2:9

Se Yesu lɛɛ wa na kaa gbenɔ mi amanehlu ɔ nɛ e na a ha nɛ a kɛ hɛ mi nyami kɛ bu fi lɛ jlasi. Nɛ Mawu bɔ lɛ ɔ, nɔ́ ko bɔɔ pɛ e ha bɔfo ɔmɛ kɛ pe lɛ. Mawu pee lɛ jã, konɛ lɛ Mawu ɔ dloomi ɔ nya a, Yesu nɛ ba gbo kɛ ha nihi tsuo.