Efesobi 4:31 - BAIBLO ALOO NGMAMI KLƆUKLƆU Ɔ

³¹ Nyɛ ha nɛ mi mi doomi, hɛdɔ, mi mi la, kɛ muklii mi fumi se nɛ po ngɛ nyɛ kpɛti. Nyɛɛ ngmɛɛ pɛ, kɛ nɔ jɛmi basabasa, kɛ ninyɛ tsuo he.

Somi He Ɔ

³¹ Nyɛ ha mi mi doomi kɛ mi mi la kɛ muklii mi fumi kɛ huhui kɛ musu bɔmi kulaa se nɛ po ngɛ nyɛ kpɛti, kɛ yayami tsuaa yayami.

Efesobi 4:31 ပူးပေါင်းရင်းမြစ်များ

Mose I, 27:41

Esau nyɛ Yakob ngɛ gbaami ɔ nɛ e tsɛ gbaa Yakob ɔ he. E de ngɛ e yi mi ke, “Tsaatsɛ gbenɔ be su ta. Ke tsaatsɛ gbo nɛ a pee ya se ɔ, ma gbe ye nyɛmi Yakob.”

Mose I, 37:21

Benɛ Ruben nu he ɔ, e hla kaa e ma kpɔ Yosef ngɛ e nyɛmimɛ ɔmɛ a dɛ. E de e nyɛmimɛ ɔmɛ ke, “Wa ko gbe lɛ.

Mose I, 37:4

Benɛ Yosef nyɛmimɛ ɔmɛ na kaa a tsɛ suɔ Yosef pe mɛ tsuo ɔ, a nyɛ lɛ, nɛ a ha we lɛ hɛ mi.

Mose I, 4:8

Pee se ɔ, Kain de e senɔ Habel ke, “Ha nɛ waa ho nga nɔ ya.” Benɛ a ngɛ nga a nɔ ɔ, Kain nu e senɔ ɔ nɛ e gbe lɛ.

Samuel II, 13:22

Absalom hu na ninyɛ agbo kɛ ha Amnon, nɛ e kɛ lɛ hiɔ nya kaa e nyɛ e nyɛmiyo Tamar nɔ pani nya, nɛ e kɛ lɛ hwɔ.

Samuel II, 19:27

nɛ e ba po ye nya ha mo. Mo nyɔmtsɛ matsɛ ɔ, moo lɛɛ o ngɛ kaa Mawu bɔfo, lɔ ɔ he ɔ, nɔ́ tsuaa nɔ́ nɛ da ha mo ɔ, moo pee.

Samuel II, 19:43

Israel bi ɔmɛ he nɔ ke, “Wɛtso nyɔngma lɛ ngɛ Israel; nɛ matsɛ blɔ fa mi hu wa blɔ nya hiɛ pe nyɛ. Mɛni he je mɔ nɛ nyɛ nyɛɛ wɔ? Anɛ pi wɔ nɛ wa sɛ hlami kɛ de ke a ya ngɔ matsɛ ɔ kɛ ba lo?” A hɛɛ sane nɛ ɔ mi kɛ ya kɛ ba; se Yuda bi ɔmɛ a nya wa pe Israel bi ɔmɛ.

La 101:5

Nɔ nɛ gbeɔ e nyɛmi he guɛ ngɛ laami mi ɔ, ma kpata e hɛ mi. Nɔ nɛ ngɛ gegeege, nɛ e woɔ e he nɔ ɔ, i kɛ lɛ be bɔe.

La 140:11

Ko ha lakpatsɛmɛ nɛ gbeɔ nɔ he guɛ nɛ a plɔke ngɛ zugba a nɔ. Ha nɛ yayami peeli a hɛ mi nɛ kpata amlɔ nɔuu.

La 15:3

nɛ e yi nɔ he sieku. Nɔ nɛ tu we nɔ he munyu, nɛ e pee we e nyɛmi yayami.

La 37:8

O mi mi ko fu hu; koo ye o tsui hu. Ní nɛ ɔmɛ haa nɛ nɔ peeɔ yayami.

La 50:20

O yeɔ o nyɛmimɛ a he sieku, nɛ o nyɛbi po o puɛɔ e biɛ.

La 64:3

A duɔ a lilɛhi a nya kaa klaate; a munyu yaya amɛ ngɛ kaa kɛ̃ɛ̃ mi bihi

Abɛ Womi 10:12

Ninyɛ woɔ pɛ; se suɔmi haa tɔmihi tsuo a nɔ.

Abɛ Womi 10:18

Nɔ tsuaa nɔ nɛ nyɛɛ nɔ ngɛ laami mi ɔ, lakpatsɛ ji lɛ. Nɔ nɛ tuɔ nihi a he munyu kɛ puɛɔ mɛ ɔ, kuasia ji lɛ.

Abɛ Womi 14:17

Nihi nɛ a mi mi kɛ́ fumi peeɔ a níhi basabasa kaa kuasiahi. Se ní leli lɛɛ a toɔ a tsui si.

Abɛ Womi 18:8

Sieku yelɔ munyu ngɛ kaa niye ní nɛ ngɔɔ. Nimli adesahi suɔ kaa a maa mi kɛ ya a muklii mi tɔɔ.

Abɛ Womi 19:12

Ke matsɛ mi mi wo la a, e ngɛ kaa jata nɛ ngɛ huae; se ke e ná nɔ he bua jɔmi ɔ, e ngɛ kaa bɔ́ ngɛ nga nɔ.

Abɛ Womi 25:23

Kɔɔhiɔ nɛ jeɔ omleyi ɔ, hiɔmi e kɛ baa kaa bɔ nɛ sieku yemi kɛ hɛ mi tumi baa a.

Abɛ Womi 26:20

Ke lɛ́ be la tɛ mi ɔ, la gboɔ; he nɛ siekutsɛ be ɔ, pɛ se poɔ.

Abɛ Womi 29:22

Nɔ nɛ woɔ e mi mi la a, e woɔ pɛ. Nɔ nɛ naa abofu peeɔ tɔmi babauu.

Abɛ Womi 29:9

Ke ní lelɔ kɛ kuasia na sane ɔ, nɔ́ nɛ kuasia peeɔ kɛkɛ ji kaa e hii kuɛe, nɛ e hii muɔe, nɛ lejɛ ɔ tsuo peeɔ hoo.

Fiɛlɔ 7:9

Hyɛ nɛ o mi mi ko fu mlamlaamla, ejakaa kuasia lɛ ngɔɔ nɔ́ kɛ toɔ e tsui mi.

Yeremia 6:28

Mɛ tsuo pɛpɛɛpɛ atuã tsɔli, kɛ yakayaka nimli ji mɛ; a tue wa kaa akɔblee kɛ dade. Daa nɛ ɔ, a ngɛ nihi a sisi nyɛɛe kɛ ngɛ bee.

Yeremia 9:4

Nyɛ ti nɔ tsuaa nɔ nɛ hyɛ e he saminya ngɛ e nyɛmi he; nɔ ko nɔ ko nɛ ko ngɔ e hɛ ngɔ fɔ e nyɛmi nɔ. Ejakaa nɔ tsuaa nɔ pee e he Yakob kɛ ngɛ e nyɛmi sisie, nɛ jã kɛ̃ nyɛmi ngɛ e nyɛmi he guɛ gbee kɛ ngɛ bee.

Ni Tsumi 21:30

Ma a mi tsuo pee gidigidi; ni ɔmɛ tu kɛ ba kɛ fo, nɛ a ba nu Paulo; kɛkɛ nɛ a gbla lɛ kɛ je sɔlemi we ɔ kɛ je kpo. Amlɔ nɔuu ɔ, a nga sinya amɛ.

Romabi 3:14

Gbiɛmi munyu nɛ kɛ nɔ woɔ haomi mi nɛ jeɔ a nya mi.

1 Korintobi 14:20

Ye nyɛmimɛ, nyɛ ko susu nyɛ yi mi kaa jokuɛwi. Yayami peemi blɔ fa mi ɔ lɛɛ nyɛɛ pee nyɛ ní kaa jokuɛwi, se nyɛ susu nyɛ yi mi kaa nihi nɛ wa ngɛ mumi mi.

1 Korintobi 5:8

Lɔ ɔ he ɔ, ke wa ngɛ wa Hetsɔmi nyami be ɔ yee ɔ, nyɛ ko ha nɛ waa ngɔ ma momo kɛ ye. Ma momo nɛ ɔ ji yayami, kɛ yi wu tso níhi. Nyɛ ha waa ye lɛ ngɛ anɔkuale yemi mi.

2 Korintobi 12:20

I ngɛ gbeye yee kaa ke i ba nyɛ slaami ɔ, i ba be nyɛ nae bɔ nɛ i ko suɔ, nɛ nyɛ hu nyɛ be mi nae bɔ nɛ nyɛ ko suɔ. Eko piɔ ɔ, níhi nɛ ma ba na kɛkɛ ji pɛ, hunga jemi, mi mi la, mi gbami, nɔ biɛ puɛmi, sieku yemi, he nɔ womi, kɛ basabasa peemi.

Galatabi 5:20

amaga jami, kunya tsumi, ninyɛ, pɛ hlami, hunga jemi, mi mi la womi, pɛ, mi gbami, nya hiɔmi,

Efesobi 4:22

Lɔ ɔ he ɔ, bɔ nɛ nyɛ ba nyɛ je mi saa ngɛ nɔmlɔ su momo ɔ nya, nɛ nyɛ ya nyɛɛ akɔnɔ yayahi nɛ puɛɔ nɔ a se ɔ, nyɛ kpa!

Efesobi 4:25

Lɔ ɔ he ɔ, nyɛ kpa lakpa yemi, nɛ nɔ tsuaa nɔ nɛ tu e nyɛmi anɔkuale sisiisi. Ejakaa wɔ tsuo pɛpɛɛpɛ wa ngɛ kaa Kristo nɔmlɔ tso ɔ he ní munomunohi.

Efesobi 4:26

Ke e ba mi kaa nyɛ ti nɔ ko mi mi fu e nyɛmi ɔ, e ko ngmɛ blɔ nɛ lɔ ɔ nɛ ha nɛ e pee yayami. E bɔ mɔde nɛ e tsui he nɛ jɔ loko pu nɛ nɔ si.

Kolosebi 3:19

Nyɛ hunomɛ, nyɛɛ suɔ nyɛ yi ɔmɛ, nɛ nyɛ ko wa mɛ yi mi.

Kolosebi 3:8

Se jehanɛ ɔ lɛɛ nyɛ kpa ní nɛ ɔmɛ tsuo: mi mi la, mimi fumi, kɛ yi wu tso ní peemi. Nyɛ ko gbe nɔ he guɛ, nɛ munyu yaya ko kó je nyɛ nya.

1 Timoteo 3:11

Sɔmɔli yi ɔmɛ hu ja nɔuu a pee nihi nɛ tsuɔ ní kɛ hɛdɔ, nɛ a ko ye sieku. A pee nihi nɛ a hɛ ka si, nɛ a yeɔ anɔkuale ngɛ nɔ́ tsuaa nɔ́ mi.

1 Timoteo 3:3

E ko pee e he dã delɔ; nɛ e ko pee nɔ nɛ hɛ mi jɔɛ, loo nɔ nɛ suɔ pɛ. E ko pee e he sika suɔlɔ.

1 Timoteo 5:13

Enɛ ɔ se hu a puɛɔ be kɛ hii nihi a we mi kpae. Nɔ́ nɛ pe enɛ ɔ po ji kaa a yeɔ sieku; a jeɔ si, nɛ a ngɔɔ a nya kɛ woɔ nihi a munyu mi; nɛ nɔ́ nɛ sɛ́ kaa a deɔ hu, a maa hi dee putɛputɛɛ.

2 Timoteo 2:23

Kuasiahi a nɔ́ jemi nɛ a kase we nɔ́ kpakpa ko kɛ ji mi ɔ, tuu nya fo, ejakaa o le kaa nɔ́ jemi ɔ, kunɔ e kɛ baa.

2 Timoteo 3:3

Nihi maa pee a ní kaa nɔ́ nɛ pi adesahi kulaa ji mɛ, nihi nɛ mɔbɔ nami ko be a mi, nihi a biɛ puɛli, nihi nɛ peeɔ basabasa nɛ a li zo, awi yeli, kɛ nihi nɛ sume nɔ́ kpakpa.

Tito 1:7

Asafo nya dalɔ ɔ, akɛnɛ Mawu ní tsumi nɔ e ngɛ hyɛe he je ɔ, e sɛ kaa piami ko hii e he. E ko pee nɔ nɛ woɔ e he nɔ, loo nɔ nɛ tsui fiaa mlamlaamla, loo dã tɔlɔ, loo kunɔ nɔlɔ, loo nɔ ko nɛ dii sika se tsɔ.

Tito 2:3

Yi nikɔtɔma amɛ hu o kɛ mɛ nɛ tu munyu jã nɔuu, konɛ a ba a je mi saminya kaa nihi nɛ yeɔ Mawu gbeye. A ko pee a he sieku yeli, nɛ a ko ngɔ dã numi ngɔ pee a ní tsumi. Mohu ɔ, a tsɔɔ nɔ́ kpakpa,

Yakobo 1:19

Ye nyɛmimɛ nɛ i suɔ, nyɛ hɛ nɛ hi enɛ ɔ nɔ. Ke nɔ ko ngɛ munyu tue ɔ, nyɛɛ bu tue; nyɛ he ko sɔ kɛ tu munyu, nɛ nyɛ mi mi hu ko fu mla.

Yakobo 3:14

Se ke hunga jemi yaya, kɛ pɛ ngɛ nyɛ tsui mi, nɛ nyɛ ti nɔ tsuaa nɔ ngɛ hlae kaa e hi ha lɛ nɔ kake pɛ ɔ, nyɛ ko fĩa, nɛ́ nyɛ ba ye lakpa ngɔ si anɔkuale ɔ.

Yakobo 4:11

Ye nyɛmimɛ, nyɛ ko tu nyɛ sibi a he munyu yaya. Nɔ nɛ tuɔ e nyɛmi he nyumu yaya a, mlaa a e ngɛ munyu tue kɛ ngɛ sie ɔ nɛ; nɛ nɔ tsuaa nɔ nɛ kojoɔ e nyɛmi ɔ, e ngɛ mlaa a kojoe. Ke nɔ ko tuɔ munyu kɛ siɔ mlaa a, pi mlaa a nɔ yelɔ ji lɛ, se mohu e peeɔ mlaa a kojolɔ.

1 Petro 2:1

Lɔ ɔ he ɔ, nyɛ kpa yayami tsuaa yayami peemi, lakpa, osato, ninyɛ, kɛ nihi a he munyu tumi.

1 Yohane 3:12

Wa ko pee kaa bɔ nɛ Kain pee ɔ; ejakaa Abosiami mumi ngɛ e mi, nɛ e gbe lɛ nitsɛ e nyɛmi Habel. Mɛni he je Kain gbe e nyɛmi ɔ? Ejakaa níhi nɛ e tsu ɔ, ní ɔmɛ dɛ, se e nyɛmi ɔ lɛɛ níhi nɛ e tsu ɔ da.

1 Yohane 3:15

Nɔ tsuaa nɔ nɛ nyɛɔ e nyɛmi ɔ, nɔmlɔ gbelɔ ji lɛ; nɛ nyɛ le kaa nɔmlɔ gbelɔ ko nɔmlɔ gbelɔ ko be neneene wami nae.

Kpojemi 12:10

Kɛkɛ nɛ i nu gbi ko nɛ ngɛ pɛe kɛ ngmlaa ngɛ hiɔwe ke, “Jehanɛ ɔ lɛɛ yi wami hemi ba! Jehanɛ ɔ lɛɛ Mawu maa ngɔ e he wami kpetekpleenyɛ ɔ kɛ ye matsɛ! Jehanɛ ɔ lɛɛ e Kristo he wami ɔ je kpo. Ejakaa Abosiami nɛ daa si ngɛ wa Mawu ɔ hɛ mi nyɔ kɛ pia, nɛ e poɔ wa nyɛmimɛ ɔmɛ a nya haa lɛ ɔ be lejɛ ɔ hu. A sake Abosiami kɛ je hiɔwe ngɔ fɔ si.