Efesobi 4:25 - BAIBLO ALOO NGMAMI KLƆUKLƆU Ɔ

²⁵ Lɔ ɔ he ɔ, nyɛ kpa lakpa yemi, nɛ nɔ tsuaa nɔ nɛ tu e nyɛmi anɔkuale sisiisi. Ejakaa wɔ tsuo pɛpɛɛpɛ wa ngɛ kaa Kristo nɔmlɔ tso ɔ he ní munomunohi.

Somi He Ɔ

²⁵ Lɔ ɔ he ɔ, nyɛ sake lakpa ngɔ fɔ he nɛ nyɛ ti nɔ tsuaa nɔ kɛ e nyɛmi nɛ tu anɔkuale, ejakaa nɔmlɔ tso kake he nihi ji wɔ.

Efesobi 4:25 ပူးပေါင်းရင်းမြစ်များ

Matsɛmɛ I, 13:18

Gbalɔ nɔmoyo ɔ nɛ je Betel ɔ de lɛ ke, “Imi hu gbalɔ ji mi kaa mo. Yawɛ fa bɔfo ko ke e ba de mi ke ma ba ngɔ mo kɛ ba we mi nɛ o ba ye ní, nɛ o nu nyu.” Se gbalɔ nɔmoyo ɔ sisi lɛ.

La 119:29

Je mi kɛ je yayami peemi mi. Naa mi mɔbɔ, konɛ o tsɔɔ mi o mlaa a.

La 15:2

Nɔ nɛ piami ko be e he, nɛ e peeɔ nɔ́ nɛ da. Nɔ nɛ tuɔ anɔkuale sisiisi,

La 52:3

O suɔ yayami pe kpakpa, nɛ o suɔ lakpa munyu hu pe anɔkuale.

Mose II, 23:7

Koo po sane ngɔ fɔ nɔ nɔ, nɛ nɔ nɛ pee we nɔ́ yaya ko ɔ, koo gbe lɛ; ejakaa nɔ nɛ peeɔ yayami kaa kikɛ nɛ ɔ, i kɛ e he be lɛ kee.

Abɛ Womi 12:17

Ke anɔkualetsɛ ye odase ɔ, a yeɔ dami sane. Lakpa odase yelɔ lɛɛ nɔ e sisiɔ.

Abɛ Womi 12:19

Lakpa hii si be bɔɔ kɛkɛ, se anɔkuale lɛɛ e ngɛ daa.

Abɛ Womi 12:22

Yawɛ hiee lakpatsɛmɛ. Se nihi nɛ yeɔ anɔkuale ɔ, mɛɛ lɛɛ e naa a he bua jɔmi.

Abɛ Womi 21:6

Ní nɛ o gu sisimi blɔ nɔ kɛ na a, e se kɛ we kulaa; kaa bɔ nɛ la muɔ se poɔ be kuku kɛkɛ ɔ, gbenɔ lɛ nyɛɛɔ se.

Abɛ Womi 24:28

Koo ye odase kɛ si o nyɛmi yaka gu, nɛ koo ngɔ o nya mi munyu hu kɛ sisi nɔ.

Abɛ Womi 8:7

Nɔ́ tsuaa nɔ́ nɛ ma de nyɛ ɔ, anɔkuale sɔuu; i be nyɛ munyu kpa ko tue pe anɔkuale. Lakpa lɛɛ i hiee.

Yesaya 63:8

Yawɛ ke, “Imi nitsɛ ye ma ji mɛ; a be mi sisie.” Lɔ ɔ he ɔ, e ha a yi na wami

Yesaya 9:15

Nikɔtɔmahi, kɛ nihi nɛ a buu mɛ ji yi ɔ nɛ; nɛ lakpa gbali ɔmɛ ji hlemi ɔ nɛ.

Hosea 4:2

Kita kami, lakpa yemi, muɔ si puemi, ju, kɛ gba puɛmi sɔuu ji a ní tsumi. Nɔ́ ko nɔ́ ko si we mɛ kpu, nɛ muɔ si kɛkɛ a ngɛ puee.

Mose III, 19:11

“Nyɛ ko ju; nyɛ ko sisi nɔ, nɛ nyɛ ko ye nyɛ sibi lakpa.

Zakaria 8:16

Níhi nɛ sa kaa nyɛɛ pee ji nɛ ɔmɛ: nyɛɛ ye nyɛ sibi anɔkuale; nyɛɛ kɛ juɛmi kpakpa nɛ ye dami sane ngɛ nyɛ kojomi he ɔmɛ, konɛ tue mi jɔmi nɛ ba.

Zakaria 8:19

“Nyɔhiɔ eywiɛne, enuɔne, kpaagone, kɛ nyɔngmane ɔ nɛ nyɛ haa hwɔ ngɛ a mi ɔ, a ma ba pee bua jɔmi, ní yemi kɛ nyami be ha Yuda ma a. Enɛ ɔ he ɔ, nyɛɛ suɔ anɔkuale, kɛ tue mi jɔmi.”

Yohane 8:44

Nyɛ tsɛ nɛ fɔ nyɛ ji Abosiami; nɛ nyɛ suɔ kaa nyɛ maa pee e suɔmi nya ní. Kɛ je sisije ɔ, nɔ gbelɔ ji lɛ, nɛ e kɛ anɔkuale yi gblegbleegble, ejakaa anɔkuale be e mi. Ke e ye lakpa a, e tsɔɔ bɔ nɛ e su ngɛ, ejakaa lakpatsɛ kpanaku ji lɛ.

Romabi 12:5

Jã kɛ̃ wɔ nimli babauu nɛ ɔ, wa peeɔ nɔmlɔ tso kake ngɛ Kristo mi, nɛ wa ti nɔ tsuaa nɔ ɔ, e nyɛmimɛ ɔmɛ a nɔ ji lɛ.

1 Korintobi 10:17

Bɔ tsuaa bɔ nɛ wa hiɛmi ngɛ ɔ, wɔ tsuo wa yeɔ abolo kake ɔ eko. Enɛ ɔ tsɔɔ kaa Kristo nɔmlɔ tso ɔ he níhi ji wɔ tsuo.

2 Korintobi 7:14

I je nyɛ yi ha Tito, nɛ nyɛ gbi mi zo. Wa tuɔ nyɛ anɔkuale daa. Jã kɛ̃ ɔ, fiami nɛ wa fĩa fɔ nyɛ nɔ ngɔ tsɔɔ Tito ɔ hu ya pee we lakpa.

Efesobi 4:15

Mohu ɔ, e hia kaa waa kɛ anɔkuale yemi nɛ suɔ wa sibi. Kɛkɛ ɔ, wa maa wa ngɛ mumi mi, nɛ wa maa hi kaa Kristo nɛ lɛ ji asafo ɔ yi ɔ.

Efesobi 4:22

Lɔ ɔ he ɔ, bɔ nɛ nyɛ ba nyɛ je mi saa ngɛ nɔmlɔ su momo ɔ nya, nɛ nyɛ ya nyɛɛ akɔnɔ yayahi nɛ puɛɔ nɔ a se ɔ, nyɛ kpa!

Efesobi 4:31

Nyɛ ha nɛ mi mi doomi, hɛdɔ, mi mi la, kɛ muklii mi fumi se nɛ po ngɛ nyɛ kpɛti. Nyɛɛ ngmɛɛ pɛ, kɛ nɔ jɛmi basabasa, kɛ ninyɛ tsuo he.

Efesobi 5:30

Wa ngɛ kaa Kristo nɔmlɔ tso ɔ he níhi.)

Kolosebi 3:8

Se jehanɛ ɔ lɛɛ nyɛ kpa ní nɛ ɔmɛ tsuo: mi mi la, mimi fumi, kɛ yi wu tso ní peemi. Nyɛ ko gbe nɔ he guɛ, nɛ munyu yaya ko kó je nyɛ nya.

Kolosebi 3:9

Nyɛ ko ye nyɛ sibi lakpa; nyɛ sake nɔmlɔ su momo ɔ, kɛ e ní tsumi ɔmɛ ngɔ pue.

1 Timoteo 1:10

Ni kpahi hu nɛ a woɔ mlaa ha mɛ ji nihi nɛ fiɛɔ yo kɛ nyumu yakayaka fiɛmi, nyumuhi nɛ kɛ nyumuhi hwɔɔ, nɔmlɔ juli, nihi nɛ ngɔɔ nya, nihi nɛ kaa kita kɛ yeɔ lakpa odase, kɛ nihi tsuo nɛ peeɔ níhi nɛ kɛ tsɔɔmi kpakpa a yɛ́.

1 Timoteo 4:2

A maa pee a he lakpatsɛmɛ, kɛ nɔ sisili nɛ a he nile gbo pɛsɛpɛsɛ.

Tito 1:12

Kreta fɔfɔɛ, nɛ ji mɛ nitsɛmɛ a gbalɔ ko lɛ de ke, “Daa nɛ ɔ, Kreta bi ngɛ lakpa yee; a ngɛ kaa lohwe awi yeli pɛ! Daa nɛ ɔ, hejɔ peemi, kɛ a ye nɛ a tɔ pɛ ji a ní tsumi.”

Tito 1:2

Wa ngɛ hɛ kɛ nɔ fɔmi kaa enɛ ɔ ma ha wɔ neneene wami. Mawu nɛ yi lakpa a wo si kaa e ma ha wɔ kikɛmɛ a neneene wami nɛ ɔ be nɛ a na we nɛ a bɔ nɔ́ ko nɔ́ ko.

Hebribi 12:1

Amlɔ nɛ ɔ, nyɛɛ hyɛ nimli kpekpemi nitsɛnitsɛ kaa bɔku nɛ tsu a hemi kɛ yemi he ní nɛ bɔle wɔ kɛ kpe. Lɔ ɔ he ɔ, níhi tsuo nɛ tsiɔ wɔ blɔ, titli ɔ, yayami peemi nɛ gblaa wɔ se ɔ, nyɛ ha waa ngmɛɛ he, konɛ waa kɛ hɛ mi miami nɛ tu fo nɛ fɔɔ si ngɛ wa hɛ mi ɔ.

Yakobo 1:21

Lɔ ɔ he ɔ, je mi bami yaya nɛ woɔ nɔ he mu ɔ, nyɛ kpa lɛ tsuo, nɛ nyɛ ko pee nyɛ sibi yi wu tso nihi hu. Nyɛɛ kɛ he si bami nɛ he munyu ɔ nɛ a du kɛ wo nyɛ mi ɔ, ejakaa lɔ ɔ nɛ ma he nyɛ klaa yi wami.

1 Petro 2:1

Lɔ ɔ he ɔ, nyɛ kpa yayami tsuaa yayami peemi, lakpa, osato, ninyɛ, kɛ nihi a he munyu tumi.

Kpojemi 21:8

Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”

Kpojemi 22:15

Se ni nɛ ɔmɛ lɛɛ a be mɛ blɔ hae nɛ a sɛ ma a mi: gbe ɔmɛ, nyuali ɔmɛ, nihi nɛ fiɛɔ yo kɛ nyumu yakayaka fiɛmi ɔ, nɔmlɔ gbeli ɔmɛ, amaga jali ɔmɛ, kɛ nihi nɛ suɔ lakpa yemi ɔ.

Manyadali 16:11

Samson de lɛ ke, “Ke a ngɔ tangme hehi nɛ a kɛ tsu we nɔ́ ko hyɛ kɛ fi mi ɔ, ma gbɔjɔ, nɛ ma hi kaa bɔ nɛ nɔmlɔ adesa tsuaa nɔmlɔ adesa ngɛ ɔ.”