Efesobi 4:24 - BAIBLO ALOO NGMAMI KLƆUKLƆU Ɔ

²⁴ Nyɛɛ ba nyɛ je mi kaa ni hehi nɛ a bɔ mɛ ehe ngɛ Mawu subai nɔ; konɛ a na nyɛ kaa anɔkuale mi ɔ, nyɛ peeɔ nɔ́ nɛ da, nɛ nyɛ he hu tsɔ.

Somi He Ɔ

²⁴ nɛ nyɛɛ wo nɔmlɔ he nɛ a bɔ ngɛ Mawu subai nɔ ngɛ anɔkuale dami kɛ he tsɔmi mi ɔ.

Efesobi 4:24 ပူးပေါင်းရင်းမြစ်များ

2 Korintobi 5:17

Ke nɔ ko ba pee Kristo nɔ́ kɛkɛ e plɛ bɔ nɔ́ he; blema ní ɔmɛ tsuo be kɛ ho. Hyɛ, níhi tsuo pee e he.

Efesobi 2:10

Mawu nitsɛ lɛ pee wɔ bɔ nɛ wa ngɛ nɛ ɔ. E ha waa kɛ Kristo Yesu ba nu huɛ, bɔ nɛ pee nɛ waa ngɔ wa wami be ɔ tsuo kɛ pee nihi kpakpa. E to blɔ nya nɛ ɔ blema lokoo konɛ waa nyɛɛ ngɛ nya.

Romabi 13:14

Nyɛ ha Nyɔmtsɛ Yesu nɛ pee kaa tade nɛ nyɛ wo; nyɛ ko susu he lo nya níhi a he, ke pi ja a, e ma jlo nyɛ kaa nyɛ pee.

Efesobi 6:11

Nyɛ kpla tahwu ní ɔmɛ tsuo nɛ Mawu ha nyɛ ɔ, konɛ nyɛ nyɛ Abosiami ga tsɔmi ɔmɛ a nya nɛ nyɛɛ da.

Romabi 6:4

Lɔ ɔ he ɔ, nɛ a sɔle wɔ ɔ, wa gbo kaa bɔ nɛ Kristo gbo ɔ, nɛ a pu waa kɛ lɛ tsuo, konɛ bɔ nɛ Tsɛ ɔ tle Kristo si ngɛ nyami mi ɔ, wɔ hu wa na wami he.

2 Korintobi 3:18

Wɔ Kristo we bi lɛɛ hɛ mi hami nɔ́ ko be wa hɛ mi; wa ngɛ kaa a huhuɛ nɛ Nyɔmtsɛ ɔ hɛ mi nyami ɔ kpɛɔ kɛ guu mi. Kikɛmɛ a hɛ mi nyami ɔ ji Nyɔmtsɛ ɔ mumi ɔ nɛ. Nɛ akɛnɛ mumi ɔ ngɛ ní tsue ngɛ wa mi daa he je ɔ, wa ngɛ tsakee ngɛ pee kaa lɛ.

2 Korintobi 4:16

Enɛ ɔ he ɔ, wa kɔni mi jɔ̃ we gblegbleegble. E ngɛ mi kaa wa nɔmlɔ tso ɔ ngɛ puɛe bɔɔbɔɔbɔɔ mohu, se mumi mi ɔ, wa ngɛ wae daa ligbi.

Romabi 13:12

Nyɔ ɔ be ta kulaa, nɛ je mi miɔ nɛ e ma tsɔ. Lɔ ɔ he ɔ, nyɛ ha wa kpa níhi nɛ wa peeɔ ngɛ laami mi ɔ; wa ní peemi ɔmɛ nɛ a kpɛ́ kaa níhi nɛ ta bulɔ kɛ mia.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

1 Petro 2:2

Nyɛɛ pee nyɛ ní kaa bimwɔwi, nihi nɛ a fɔ mɛ ehe. Nyɛ ha nɛ mumi mi nyɔ nyu nɛ mi tsɔ ɔ nɛ jlo nyɛ. Nyɛ hla nɛ nyɛɛ nu, nɛ nyɛɛ wa, konɛ a he nyɛ yi wami.

Romabi 8:29

Nihi nɛ Mawu hla ngɔ to momo ɔ, e pee mɛ klɔuklɔu, konɛ a subai nɛ hi kaa Bi ɔ nɔ. Kɛkɛ ɔ, Bi ɔ maa pee nɔkɔtɔma ngɛ e nyɛmimɛ babauu a kpɛti.

Yohane 17:17

Ngɔɔ o we anɔkuale munyu ɔ kɛ tsu a he.

Galatabi 6:15

A po nɔ ko jio, a pui nɔ ko jio, e he hia we kulaa. Nɔ́ nɛ he hia kɛkɛ ji kaa nɔ ko ma tsake kɛ pee bɔ nɔ he.

Galatabi 3:27

Nyɛ nihi tsuo nɛ a sɔle nyɛ ngɔ wo Kristo mi ɔ, amlɔ nɛ ɔ, Kristo pee kaa tade nɛ nyɛ wo.

Yesaya 52:1

Yerusalem, tee si nɛ o pee ma nguaa ekohu! Mawu ma klɔuklɔu, o hɛ mi nɛ ba nyami, nɛ́ a bu mo saminya! Ma je li be hiɛ ɔ bae hu gblegbleegble.

1 Korintobi 15:53

Ejakaa ja nɔ́ nɛ puɛɔ nɛ ɔ tsake pee nɔ́ nɛ puɛ we; nɛ nɔ́ nɛ gboɔ nɛ ɔ tsake pee nɔ́ nɛ gbo we.

Hiob 29:14

Be tsuaa be ɔ, i yeɔ dami sane, nɛ i peeɔ nɔ́ nɛ da.

Efesobi 2:15

Kristo gbo nɛ e kɛ po Yuda bi a mlaa a, kɛ a kɔ ɔmɛ a mi, nɛ e pee Yuda bi ɔmɛ, kɛ ma je li ɔmɛ kake ngɛ lɛ nitsɛ e mi; nɛ enɛ ɔ kɛ he jɔmi ba.

Yesaya 59:17

E maa ye dami sane be tsuaa be; dami sane yemi maa pee kaa tsɛ̃i nɛ ha e he. Yi wami hemi hu maa pee e hiami nɔ́; e maa pee kaa dade pɛɛ nɛ e bu. E kɛ abofu, kɛ hɛdɔ maa gbla he nyɛli ɔmɛ a tue kɛ fa ni nɛmɛ nɛ a ngɛ mɛ amimi yee ɔ a he.

Hebribi 12:14

Nyɛɛ bɔ mɔde nɛ nyɛɛ kɛ nihi tsuo nɛ hi si ngɛ tue mi jɔmi mi. Nyɛɛ bɔ mɔde nɛ nyɛɛ pee klɔuklɔu, ejakaa nɔ nɛ be klɔuklɔu ɔ, e be Nyɔmtsɛ ɔ nae.

Hebribi 1:8

Bi ɔ lɛɛ Mawu de ngɛ e he ke, “Mawu ji mo; o maa ye matsɛ kɛ maa ya neneene! Nɛ dami sane yemi maa pee o matsɛ tso.

Mose I, 5:1

Adam nina he sane ji nɛ ɔ nɛ. Benɛ Mawu bɔ nɔmlɔ ɔ, e pee nɔmlɔ ɔ kaa bɔ nɛ lɛ Mawu ɔ e ngɛ ɔ.

Luka 1:75

nɛ waa hi klɔuklɔu, nɛ waa pee nɔ́ nɛ da ngɛ e hɛ mi wa wami be ɔ tsuo.

Romabi 7:6

Se jehanɛ lɛɛ wa ye wa he kɛ je mlaa a dɛ mi. Wa ngɛ kaa nihi nɛ gbo, nɛ mlaa nɛ fiɔ wɔ ɔ be wa nɔ he wami hu. Wa tsu we mlaa momo ɔ nɛ a ngma a nya ní hu. Se mohu blɔ he nɛ Mawu mumi ɔ tsɔɔ wɔ ɔ, lɔ ɔ nya wa sɔmɔɔ ngɛ.

Romabi 12:2

Nyɛ ko ba nyɛ je mi kaa je mi bi ɔmɛ hu; se mohu nyɛ ha Mawu nɛ tsake nyɛ juɛmi, konɛ nyɛ yɔse níhi nɛ ji Mawu suɔmi nya ní kpakpahi nɛ sa e hɛ mi saminya, nɛ hi kɛ pi si ɔ.

2 Petro 1:4

E ha wɔ nike ní nguanguahi nɛ a he jua wa, kaa bɔ nɛ e wo si ɔ. Kɛ gu nike ní nɛ ɔmɛ a nɔ ɔ, nyɛ maa tu je nɛ ɔ mi akɔnɔ níhi nɛ kpataa nɔ hɛ mi ɔ a nya fo, konɛ nyɛ na lɛ Mawu ɔ e su ɔ eko.