Efesobi 4:22 - BAIBLO ALOO NGMAMI KLƆUKLƆU Ɔ

²² Lɔ ɔ he ɔ, bɔ nɛ nyɛ ba nyɛ je mi saa ngɛ nɔmlɔ su momo ɔ nya, nɛ nyɛ ya nyɛɛ akɔnɔ yayahi nɛ puɛɔ nɔ a se ɔ, nyɛ kpa!

Somi He Ɔ

²² nyɛ sake nyɛ sa je mi bami ɔ nya nɔmlɔ momo nɛ puɛ ngɛ sisimi se dimi ɔmɛ a nya a ngɔ fɔ he,

Efesobi 4:22 ပူးပေါင်းရင်းမြစ်များ

Hiob 22:23

Ee, ba o he si nɛ o kpale kɛ ya Mawu ngɔ. Yayamihi tsuo nɛ a peeɔ ngɛ o we ɔ mi ɔ, a kpa peemi.

Abɛ Womi 11:18

Nɔmlɔ yayami ɔ, nɔ́ ko bɔbɔyoo kɛkɛ e naa kɛ jeɔ e yi wu tso ní peemi níhi a mi. Nɔ nɛ peeɔ nɔ́ nɛ da lɛɛ e nine suu hiɔwo kpakpa nɔ kɛ̃.

Yeremia 17:9

“Mɛnɔ maa le nɔmlɔ adesa tsui mi? E nɔ nɔ sisilɔ ko be ɔ, e hiɔ ɔ hu be tsa ba.

Yeremia 49:16

O he nɔ womi ɔ sisi mo. Nɔ ko nɔ ko pa yi mo gbeye hu kaa bɔ nɛ o susuu ɔ. O hi he ji tɛ sa amɛ a kpɛ, ngɛ yo ɔmɛ a yi mi. E ngɛ mi kaa o hi he ngɛ hiɔwe lokoo kaa kɔle hi he mohu, se kɛ̃ Yawɛ ma je mo kɛ je lejɛ ɔ, nɛ e maa ba mo si. Yawɛ lɛ de.”

Obadia 1:3

O he nɔ womi ɔ sisi mo. O matsɛ ma a, a fia gbogbo kɛ wo he ngɛ tɛ sa nɔ; o hi he ngɛ yo ɔmɛ a nɔ tsitsaa, lɔ ɔ he ɔ, o deɔ ngɛ o yi mi ke, ‘Mɛnɔ po ma nyɛ maa gbla mi kɛ ba zugba?’

Romabi 6:6

Wa le enɛ ɔ, kaa a sɛu wa nɔmlɔ tso momo ɔ ngɔ piɛ Kristo he, konɛ nɔmlɔ tso su nɛ haa nɔ peeɔ yayami ɔ hɛ mi nɛ kpata, nɛ wa ko ye nyɔguɛ ha yayami hu.

Romabi 7:11

Yayami ná he blɔ, nɛ e gu mlaa nɔ kɛ sisi mi, nɛ e gbe mi.

2 Korintobi 11:3

I ngɛ gbeye yee kaa nɔ́ nɛ ba Hawa nɔ be ko ɔ maa ba nyɛ hu nyɛ nɔ. Sinɔ ya sisi Hawa, nɛ Hawa pee yayami. Jã kɛ̃ lɛ a ma puɛ nyɛ tue, nɛ nyɛ be Kristo anɔkuale yee kɛ pi si hu.

Galatabi 1:13

Nyɛ nu bɔ nɛ i ba ye je mi sa a ngɛ Yuda bi a jami ɔ nya. Nyɛ nu bɔ nɛ i wa Mawu asafo ɔ yi mi wawɛɛ, nɛ i bɔ mɔde kaa ma kpata asafo ɔ hɛ mi pɛsɛpɛsɛ.

Efesobi 2:3

Niinɛ, sa a, wɔ tsuo pɛpɛɛpɛ wa ngɛ kaa mɛ; nɛ akɔnɔ yaya nɛ ngɛ wa mi ɔ jeɔ kpo ngɛ wa ní peemi níhi a mi. Níhi nɛ wa nɔmlɔ tso ɔ, kɛ wa juɛmi suɔ ɔ, lɔ ɔmɛ wa peeɔ. Akɛnɛ adesa kɛkɛ ji wɔ kaa bɔ nɛ nihi tsuo ngɛ ɔ, e fɔɔ si paa kaa Mawu maa gbla wa tue. Mawu mi mi fu wɔ kaa bɔ nɛ e mi mi fu adesahi tsuo ɔ, ejakaa wa pee yayami kɛ si lɛ.

Efesobi 4:17

Lɔ ɔ he ɔ, i ngɛ nyɛ kɔkɔ bɔe ngɛ Nyɔmtsɛ ɔ biɛ mi ke, nyɛ ko ba nyɛ je mi kaa ma je li ɔmɛ hu. Ejakaa níhi nɛ a susuu ɔ, pi kaa a he be se nami kɛkɛ,

Efesobi 4:25

Lɔ ɔ he ɔ, nyɛ kpa lakpa yemi, nɛ nɔ tsuaa nɔ nɛ tu e nyɛmi anɔkuale sisiisi. Ejakaa wɔ tsuo pɛpɛɛpɛ wa ngɛ kaa Kristo nɔmlɔ tso ɔ he ní munomunohi.

Efesobi 4:31

Nyɛ ha nɛ mi mi doomi, hɛdɔ, mi mi la, kɛ muklii mi fumi se nɛ po ngɛ nyɛ kpɛti. Nyɛɛ ngmɛɛ pɛ, kɛ nɔ jɛmi basabasa, kɛ ninyɛ tsuo he.

Kolosebi 2:11

Nɛ nyɛɛ kɛ Kristo pee kake ɔ, e tsɔɔ kaa a po nyɛ; pi he lo mi nɔ pomi. Mohu Kristo ha he lo nɛ ɔ we akɔnɔ nɛ nya wa a be nyɛ nɔ he wami hu.

Tito 3:3

Ejakaa sa a, wɔ nitsɛmɛ hu wa je kuasia; wa gbo tue, nɛ wa tla blɔ. Wa ya di akɔnɔ yaya, kɛ he lo mi níhi nɛ haa wɔ bua jɔmi a se. Wa susuu nihi a he yayami, nɛ wa hɛ kɔ̃ɔ̃; nɔ́ peeɔ wɔ tai, nɛ wa nyɛɛ wa sibi.

Hebribi 12:1

Amlɔ nɛ ɔ, nyɛɛ hyɛ nimli kpekpemi nitsɛnitsɛ kaa bɔku nɛ tsu a hemi kɛ yemi he ní nɛ bɔle wɔ kɛ kpe. Lɔ ɔ he ɔ, níhi tsuo nɛ tsiɔ wɔ blɔ, titli ɔ, yayami peemi nɛ gblaa wɔ se ɔ, nyɛ ha waa ngmɛɛ he, konɛ waa kɛ hɛ mi miami nɛ tu fo nɛ fɔɔ si ngɛ wa hɛ mi ɔ.

Hebribi 3:13

Mohu ɔ, nyɛɛ kɛ nyɛ sibi nɛ tu he wami womi munyu daa ligbi nɛ nyɛ ma nyɛ ma de ke “mwɔnɛ ɔ.” Kɛkɛ ɔ, yayami be nyɛ ti nɔ ko sisie nɛ e gbo Mawu tue.

Yakobo 1:21

Lɔ ɔ he ɔ, je mi bami yaya nɛ woɔ nɔ he mu ɔ, nyɛ kpa lɛ tsuo, nɛ nyɛ ko pee nyɛ sibi yi wu tso nihi hu. Nyɛɛ kɛ he si bami nɛ he munyu ɔ nɛ a du kɛ wo nyɛ mi ɔ, ejakaa lɔ ɔ nɛ ma he nyɛ klaa yi wami.

Yakobo 1:26

Anɛ nyɛ ti nɔ ko susuu kaa e ngɛ Mawu jae bɔ nɛ sa lo? Jamɛ a nɔ ɔ, e kɔ e lilɛ mi. Ke e kɔɛ e lilɛ mi ɔ, tsa pi Mawu nɛ e ngɛ jae, se lɛ nitsɛ e he kɛkɛ nɛ e ngɛ sisie.

1 Petro 1:18

Ejakaa yakayaka si himi nɛ nyɛ nɛmɛ ɔmɛ si ha nyɛ ɔ, nyɛ le hĩɔ nɛ Mawu wo loko e kɛ kpɔ nyɛ kɛ je mi nɛ nyɛ ye nyɛ he. Pi nɔ́ ko nɛ puɛɔ kaa sika hiɔ, loo sika tsu nɛ Mawu ngɔ kɛ tsu kikɛmɛ a ní nɛ ɔ,

1 Petro 4:3

Sa a, nyɛ puɛ be babauu kɛ pee níhi nɛ ma je li suɔ peemi, yahomi, akɔnɔ níhi a se dimi, dã demi, fiɛmi sakasaka, jiklɔɔ peemi, kɛ wɔ jami ní kpɔtɔkpɔtɔ peemi.

2 Petro 2:13

nɛ ní yayamihi nɛ a pee ɔ, a maa na nɔ́ kɛ to nya. Piani ke a ngɛ yakayaka fiɛmihi fiɛe kikɛ nɛ ɔ, kɛkɛ a bua jɔ; zotsɛmɛ kɛ ahluatsɛmɛ ji mɛ. Benɛ a futu nyɛ kɛ ngɛ ní yee ɔ, jamɛ a be ɔ tsuo a ngɛ a yakayaka nyɛɛmi ɔmɛ nyɛɛe.

2 Petro 2:7

E he Lot hu yi wami. Lot nɛ ɔ, nɔmlɔ kpakpa ji lɛ, nɛ nihi nɛ bui mlaa a yakayaka je mi bami haoɔ lɛ wawɛɛ.

Samuel I, 1:14

nɛ e de ke, “Mɛni be o maa de dã kɛ yaa si? Ha dã nɛ je o hɛ mi!”