Efesobi 4:17 - BAIBLO ALOO NGMAMI KLƆUKLƆU Ɔ

¹⁷ Lɔ ɔ he ɔ, i ngɛ nyɛ kɔkɔ bɔe ngɛ Nyɔmtsɛ ɔ biɛ mi ke, nyɛ ko ba nyɛ je mi kaa ma je li ɔmɛ hu. Ejakaa níhi nɛ a susuu ɔ, pi kaa a he be se nami kɛkɛ,

Somi He Ɔ

¹⁷ Lɔ ɔ he ɔ, i ngɛ dee, nɛ i ngɛ nɔ mi mae ngɛ Nyɔmtsɛ ɔ mi, kaa nyɛ ko nyɛɛ kaa bɔ nɛ majeli a bimɛ kpa amɛ hu nyɛɛ ngɛ a yaka juɛmi ɔ mi ɔ hu;

Efesobi 4:17 ပူးပေါင်းရင်းမြစ်များ

Nehemia 13:15

Jamɛ a be ɔ, i na ni komɛ ngɛ Yuda nɛ a ngɛ wai yiblii ngae ngɛ Hejɔɔmi ligbi ɔ nɔ. Ni komɛ hu ngɛ tlomi fie kɛ ngɛ a tejihi a nɔ woe kɛ yaa Yerusalem. Tlomi ɔmɛ ji nɛ ɔmɛ nɛ: blɛfo, wai, wai yiblii, ngmɔkɔ, kɛ ní kpa komɛ. I bɔ mɛ kɔkɔ ke Hejɔɔmi ligbi ɔ, a ko jua ní.

Yeremia 42:19

I ya nɔ nɛ i de ke, “Nyɛ ni nɛmɛ nɛ nyɛ piɛ ngɛ Yuda a, Yawɛ de nyɛ ke, ‘Nyɛ ko ya Egipt.’ Nyɛ ná nɛ nyɛɛ le kaa i bɔ nyɛ kɔkɔ mwɔnɛ ligbi nɛ ɔ,

Mose III, 15:18

Ke nyumu kɛ yo na bɔmi nɛ nyumu ɔ he nyu be ɔ, mɛ ni enyɔ ɔmɛ tsuo a du a he. A he be tsɔe kɛ yaa si du ma bu.

Luka 16:28

I ngɛ nyɛmimɛ enuɔ ngɛ lejɛ ɔ. Ha nɛ e ya bɔ mɛ kɔkɔ, konɛ mɛɛ a ko ba nɔ́ nami he nɛ ɔ.’

Ni Tsumi 14:15

“Tsaatsɛmɛ, mɛni nyɛ ngɛ pee nɛ ɔ? Wɔ hu nimli adesahi kɛkɛ ji wɔ kaa nyɛ nɔuu. Wa ngɛ sane kpakpa a fiɛe kɛ ngɛ nyɛ tsɔɔe, konɛ nyɛɛ kpale nyɛ se kɛ je kikɛmɛ a ní nɛ ɔmɛ nɛ a he be se nami ɔ a he kɛ ba Mawu hɛ kalɔ ɔ ngɔ. Lɛ nɛ e bɔ hiɔwe, kɛ zugba, kɛ wo, kɛ níhi tsuo nɛ ngɛ a mi ɔ.

Ni Tsumi 18:5

Benɛ Sila kɛ Timoteo je Makedonia kɛ ba a, jehanɛ Paulo tsu we nɔ kpa ko hu pe munyu ɔ fiɛmi kɛkɛ; nɛ e yeɔ odase veveeve ngɔ tsɔɔ Yuda bi ɔmɛ kaa Yesu ji Kristo ɔ nɛ.

Ni Tsumi 2:40

Petro tu munyu kpahi fuu kɛ ye odase, nɛ e kɛ wo mɛ ga ke, “Tue gblami nɛ yi nɔ nɛ ɔ bi yayami peeli ma na a, nyɛɛ hyɛ saminya nɛ e kó ba nyɛ nɔ.”

Ni Tsumi 20:21

I tu munyu kɛ tsɔɔ Yuda bi, kɛ ma je li tsuo ke a kpa yayami peemi, nɛ a ba Mawu ngɔ, nɛ a he wa Nyɔmtsɛ Yesu Kristo nɛ a ye.

Romabi 1:21

A le Mawu ji nɛ, se e hɛ mi nyami nɛ sa kaa a woɔ kaa Mawu ji lɛ ɔ, a wui; nɛ a nɛ́ lɛ si hulɔ. Lɔ ɔ ji kaa nɔ́ kpakpa ko kulaa be a juɛmi mi; nɛ a kɔ we nɔ́ se, ejakaa a juɛmi mi wo diblii kpii.

1 Korintobi 1:12

Nɔ́ nɛ i ngɛ tsɔɔe ji, nyɛ ti nɔ tsuaa nɔ ngɛ nɔ́ ko nɛ e ngɛ dee. Nɔ ko ke, “Paulo nɔ́ ji mi”, nɛ nɔ ko hu ke, “Imi lɛɛ Apolo nɔ́ ji mi”; nɔ kpa ke, “Imi lɛɛ Kefa nɔ́ ji mi”; nɛ nɔ kpa hu ke, “Oo, imi lɛɛ Kristo nitsɛ se nyɛɛlɔ ji mi.”

1 Korintobi 15:50

Ye nyɛmimɛ, nɔ́ nɛ i ngɛ tsɔɔe ji kaa he lo kɛ muɔ nine be Mawu matsɛ yemi ɔ nɔ sue; nɔ́ nɛ puɛɔ nine be nɔ́ nɛ puɛ we nɔ sue.

2 Korintobi 9:6

Nyɛ kai kaa ke nɔ ko du wu bɔbɔyoo ɔ, e ma kpa ní bɔbɔyoo; ke nɔ ko du wu fuu ɔ, e ma kpa ní babauu jã kɛ̃.

Galatabi 3:17

Nɔ́ nɛ i ngɛ tsɔɔe ɔ ji kaa Mawu kɛ Abraham so, nɛ e wo si ke e maa ye nɔ. Mlaa a nɛ a wo jeha lafa eywiɛ kɛ nyingmi etɛ se ɔ be nyɛe maa po jamɛ a somi ɔ, kɛ si nɛ Mawu wo ɔ mi.

Galatabi 5:3

I ngɛ hae nɛ nyɛɛ nu sisi saminya kaa nɔ tsuaa nɔ nɛ ma ha nɛ a po lɛ ɔ, e hia doo kaa e ye mlaa a tsuo pɛpɛɛpɛ hu nɔ.

Efesobi 1:22

Mawu ha Kristo he wami ngɛ níhi tsuo a nɔ, nɛ e ngɔ lɛ ngɔ pee tsɛ ha asafo ɔ, konɛ e ye níhi tsuo a nɔ.

Efesobi 4:22

Lɔ ɔ he ɔ, bɔ nɛ nyɛ ba nyɛ je mi saa ngɛ nɔmlɔ su momo ɔ nya, nɛ nyɛ ya nyɛɛ akɔnɔ yayahi nɛ puɛɔ nɔ a se ɔ, nyɛ kpa!

Mose V, 27:10

Lɔ ɔ he ɔ, nyɛɛ bu Yawɛ, nyɛ Mawu ɔ gbi tue, nɛ nyɛɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ.”

Kolosebi 2:18

Nyɛ ko ha nɛ nihi nɛ buu a he kaa mɛɛ lɛɛ a hi pe nihi tsuo ɔ nɛ a bu nyɛ kaa nyɛɛ lɛɛ nyɛ be nɔ́ ko mi. A deɔ ke mɛɛ a naa nina pɔtɛɛ komɛ, nɛ a nyɛɔ nyɛ nɔ ke nyɛɛ kɛ he si bami nɛ ja bɔfohi. Kikɛmɛ a nimli nɛ ɔmɛ woɔ a he nɔ yaka gu.

Kolosebi 2:4

I ngɛ nyɛ enɛ ɔ dee, konɛ nɔ ko kɛ nyami ngɔngɔɛ munyu ko kó ba sisi nyɛ.

1 Tesalonikabi 4:6

Lɔ ɔ he ɔ, nɔ ko kó ya pee e nyɛmi yayami kaa e ma ya ngɔ e nyɛmi e yo. Wa de nyɛ enɛ ɔ momo, nɛ wa bɔ nyɛ kɔkɔ wawɛɛ kaa nihi nɛ peeɔ jã a, Nyɔmtsɛ ɔ maa gbla a tue.

1 Timoteo 5:21

Ngɛ Mawu, kɛ Kristo Yesu, kɛ bɔfo klɔuklɔu ɔmɛ tsuo a hɛ mi ɔ, i ngɛ mo kita kae nɛ o ye mlaa nɛ ɔmɛ a nɔ pɛpɛɛpɛ. Ke o ngɛ nɔ́ ko pee ɔ, koo hyɛ nɔ hɛ mi. Jehanɛ hu, ko ha nɛ nɔ ko ní peepee nɛ sa o hɛ mi pe nɔ kpa nɔ́.

1 Timoteo 6:13

I ngɛ mo fae ngɛ Mawu, kɛ Kristo Yesu hɛ mi kaa o ye mlaa nɛ ɔmɛ a nɔ veveeve kɛ yaa si ligbi ɔ nɛ wa Nyɔmtsɛ Yesu Kristo maa ba. Mawu lɛ haa nɔ tsuaa nɔ wami, nɛ Kristo Yesu ye Mawu he odase wawɛɛ ngɛ Pontio Pilato hɛ mi. Ke be ɔ su ɔ, Mawu ma ha Kristo Yesu maa ba.

2 Timoteo 4:1

I ngɛ Mawu, kɛ Kristo Yesu odase tsɛe kɛ ngɛ mo ga woe. Kristo ma ba ye matsɛ; e ma ba kojo nihi nɛ a hɛ ngɛ, kɛ ni nɛmɛ nɛ gbo ɔ tsuo.

1 Petro 1:18

Ejakaa yakayaka si himi nɛ nyɛ nɛmɛ ɔmɛ si ha nyɛ ɔ, nyɛ le hĩɔ nɛ Mawu wo loko e kɛ kpɔ nyɛ kɛ je mi nɛ nyɛ ye nyɛ he. Pi nɔ́ ko nɛ puɛɔ kaa sika hiɔ, loo sika tsu nɛ Mawu ngɔ kɛ tsu kikɛmɛ a ní nɛ ɔ,

2 Petro 2:18

Akɛnɛ nya puu munyu nguahi jeɔ a nya he je ɔ, a guu he lo akɔnɔ níhi a nɔ nɛ a kɛ ya sisiɔ nihi nɛ je si himi yaya nɛ dɛ blɔ mi kɛ́ we.