Efesobi 4:15 - BAIBLO ALOO NGMAMI KLƆUKLƆU Ɔ

¹⁵ Mohu ɔ, e hia kaa waa kɛ anɔkuale yemi nɛ suɔ wa sibi. Kɛkɛ ɔ, wa maa wa ngɛ mumi mi, nɛ wa maa hi kaa Kristo nɛ lɛ ji asafo ɔ yi ɔ.

Somi He Ɔ

¹⁵ Se mohu waa pee anɔkualetsɛmɛ ngɛ suɔmi mi, nɛ waa wa ngɛ nihi kulaa blɔfami, ngɛ lɛ Kristo ɔ nɔuu nɛ ji yi ɔ he;

Efesobi 4:15 ပူးပေါင်းရင်းမြစ်များ

La 32:2

A gbaa nɔ nɛ Yawɛ nɛ yayami ko ngɛ e he; nɔ nɛ sisi we nɔ.

Zakaria 8:16

Níhi nɛ sa kaa nyɛɛ pee ji nɛ ɔmɛ: nyɛɛ ye nyɛ sibi anɔkuale; nyɛɛ kɛ juɛmi kpakpa nɛ ye dami sane ngɛ nyɛ kojomi he ɔmɛ, konɛ tue mi jɔmi nɛ ba.

Malaki 4:2

Se nyɛ nɛ nyɛ yeɔ mi gbeye ɔ, nyɛɛ lɛɛ ye he wami nɛ nya wa a ma tsa nyɛ, nɛ nyɛ yi ma na wami kaa bɔ nɛ pu la tsaa hiɔtsɛ ɔ. Nyɛ he mi maa jɔ nyɛ, nɛ nyɛ ma na bua jɔmi kaa na bihi nɛ a bli mɛ nɛ a ngɛ tuue kɛ je tsu mi.

Yohane 1:47

Benɛ Yesu na Natanael nɛ ma e ngɔ ɔ, e de ke, “Israel no ngmingmiingmi ji nɛ ɔ nɛ; sé ko be e he.”

Romabi 12:9

Suɔmi ɔ, e je nyɛ tsui mi tɔɔ. Nyɛɛ nyɛ yayami kulaa; nɛ nyɛɛ pɛtɛ nɔ́ kpakpa he.

1 Korintobi 11:3

Se i suɔ nɛ nyɛɛ nu sisi kaa Kristo ngɛ he wami ngɛ nyumuhi tsuo a nɔ kaa bɔ nɛ nyumu ji yi kɛ ha e yo, nɛ Mawu hu ji yi kɛ ha Kristo ɔ.

2 Korintobi 4:2

Wa kpa laami mi zo ní tsumi; wa yi kutupɔ, nɛ Mawu munyu ɔ hu wa tsakee we hɛ mi. Wa fiɛɔ Mawu sɛ gbi ɔ paa ngɛ ma hɛ mi, nɛ wa bɔɔ mɔde kaa nihi nɛ a ná wa he juɛmi kpakpa ngɛ Mawu hɛ mi.

2 Korintobi 8:8

Pi mlaa nɛ i ngɛ nyɛ woe. Dɛbi! Hɛdɔ nɛ Makedonia asafo ɔmɛ kɛ tsu ní ɔ nɛ i kɛ ngɛ nyɛ suɔmi ɔ he toe kaa e je tsui klɔuu mi lo.

Efesobi 1:22

Mawu ha Kristo he wami ngɛ níhi tsuo a nɔ, nɛ e ngɔ lɛ ngɔ pee tsɛ ha asafo ɔ, konɛ e ye níhi tsuo a nɔ.

Efesobi 1:4

Benɛ a na we nɛ a bɔ je ɔ tete po ɔ, Mawu hla wɔ ngɔ pee lɛ nitsɛ e nihi momo ngɛ Kristo mi. E pee enɛ ɔ, konɛ wa he nɛ tsɔ, nɛ piami ko kó hi wa he ngɛ e hɛ mi. Mawu suɔ wɔ saminya, enɛ ɔ he ɔ,

Efesobi 2:21

Lɛ ji nɔ nɛ ha nɛ tsu ɔ he ní slɔɔto ɔmɛ tsuo nu a he kɛ da si kpɛkpɛtɛɛ. Lɛ nɛ e haa tsu ɔ waa, nɛ e ba peeɔ sɔlemi we klɔuklɔu nɛ a hla ngɔ to ha Nyɔmtsɛ ɔ.

Efesobi 4:25

Lɔ ɔ he ɔ, nyɛ kpa lakpa yemi, nɛ nɔ tsuaa nɔ nɛ tu e nyɛmi anɔkuale sisiisi. Ejakaa wɔ tsuo pɛpɛɛpɛ wa ngɛ kaa Kristo nɔmlɔ tso ɔ he ní munomunohi.

Efesobi 5:23

Ejakaa huno ɔ ngɛ e yo ɔ nɔ he wami kaa bɔ nɛ Kristo hu ngɛ asafo ɔ nɔ he wami ɔ. Kristo ngɔ e wami ngɔ ha, nɛ e kɛ he asafo ɔ yi wami; ee, asafo ɔ ngɛ kaa Kristo nitsɛ e nɔmlɔ tso.

1 Petro 1:22

Amlɔ nɛ ɔ, anɔkuale tsɔɔmi ɔ nɛ kɔɔ Yesu Kristo he ɔ, nyɛ ye nɔ. Nyɛ tsukɔ nyɛ he, nɛ nyɛ ba na suɔmi kpakpa kɛ ha nyɛ nyɛmimɛ nɛ ngɔ a he ngɔ ha Yesu ɔ. Lɔ ɔ he ɔ, nyɛɛ suɔ nyɛ sibi saminya kɛ nyɛ tsui tsuo.

1 Petro 2:2

Nyɛɛ pee nyɛ ní kaa bimwɔwi, nihi nɛ a fɔ mɛ ehe. Nyɛ ha nɛ mumi mi nyɔ nyu nɛ mi tsɔ ɔ nɛ jlo nyɛ. Nyɛ hla nɛ nyɛɛ nu, nɛ nyɛɛ wa, konɛ a he nyɛ yi wami.

2 Petro 3:18

Se nyɛɛ ya nɔ nɛ nyɛɛ wa ngɛ dloomi ɔ mi, nɛ nyɛɛ le wa Nyɔmtsɛ, kɛ wa kpɔlɔ Yesu Kristo ɔ saminya. Á wo e hɛ mi nyami kɛ je be nɛ ɔ mi kɛ ya neneene! Amen.

1 Yohane 3:18

Ye bimɛ nɛ i suɔ! Ke wa ke wa suɔ nɔ ko ɔ, wa ko de kɛ nya kɛkɛ; wa suɔmi ɔ nɛ pee anɔkuale suɔmi nɛ jee kpo ngɛ ní peemi mi.

Manyadali 16:15

Delila de lɛ ke, “Ke o ke o suɔ mi, se imi nɔmlɔ tso ɔ lɛɛ o tsui be ye he ɔ, kɛ ji nɔ́ nɛ ɔ sisi kɛɛ? Si etɛ sɔuu ji nɛ ɔ nɛ o pee mi kuasia; se he nɛ o naa o he wami kpetekpleenyɛ ɔ kɛ jeɔ ɔ, lɔ ɔ lɛɛ o tsɔɔ we mi.”