Efesobi 4:14 - BAIBLO ALOO NGMAMI KLƆUKLƆU Ɔ

¹⁴ Jehanɛ ɔ, wa be si hie hu kaa jokuɛwi nɛ heɔ tsɔɔmi yeɔ kaa kɔɔhiɔ mimiɛɔ nɔ́ kɛ yaa kɛ baa, konɛ nihi nɛ toɔ ga yaya, nɛ a yeɔ kutupɔ kɛ sisiɔ nɔ ɔ a nine ko su wa nɔ.

Somi He Ɔ

¹⁴ konɛ wa ko ya nɔ nɛ waa pee bimwɔwi nɛ tsɔɔmi kɔɔhiɔ tsuaa tsɔɔmi kɔɔhiɔ mimiɛɛ mɛ, nɛ a kpakaa mɛ kɛ yaa kɛ baa ngɛ nimli a ga yaya tomi mi, ngɛ sisimi ga kɛ kutupɔ nya.

Efesobi 4:14 ပူးပေါင်းရင်းမြစ်များ

La 10:9

E buɔ si ngɛ e laami he ɔ kaa jata ngɛ e muɔ mi. E woɔ ka nɛ e nuu nihi nɛ a ní ngɛ mɔbɔ. Ke e nine su a nɔ kɛkɛ e gbla mɛ kɛ ho.

La 59:3

Yawɛ, hyɛ kaa dikali bua a he nya, konɛ a kpata ye hɛ mi, pohu i pee we yayami ko.

Yesaya 28:9

A ngɛ munyu tue kɛ ngɛ mi sie ke, “Mɛnɔ ní jamɛatsɛ ɔ susu kaa e ngɛ tsɔɔe ɔ? E sɛ gbi ɔ, mɛnɔ ngɛ hlae? E sɛ gbi ɔ hi ha bimwɔwi nɛ kpaako a je nyɔ nya!

Mika 7:2

Anɔkualetsɛmɛ ta zugba a nɔ; dalɔ kake ngmelu po be. Nɔ tsuaa nɔ ngɛ blɔ ko hlae nɛ e kɛ pue muɔ si; nɔ tsuaa nɔ ngɛ lɛ nitsɛ e nyɛmi klama tsɔe.

Mateo 11:7

Benɛ Yohane kaseli ɔmɛ yaa a, Yesu tu Yohane he munyu kɛ tsɔɔ ma kpekpemi ɔ ke, “Mɛni nyɛ ho nga a nɔ ya nɛ nyɛ yaa hyɛ? Ngɔwu nɛ kɔɔhiɔ ngɛ lɛ mimiɛe lo?

Mateo 24:11

Lakpa gbali babauu maa te si, nɛ a maa mlɔɔ nihi fuu.

Mateo 24:24

Ejakaa lakpa kristohi, kɛ lakpa gbali maa te si. A maa pee okadi nguahi, kɛ nyakpɛ níhi kɛ mlɔɔ nihi nɛ Mawu hla a tete.

Ni Tsumi 23:21

Se moo lɛɛ koo kplɛɛ; ejakaa a ti nihi maa pee nyingmi eywiɛ kɛ se maa wo lɛ ka. A ka kita kaa a be ní yee, nɛ a be nɔ́ ko nue, ja a gbe Paulo lolo. A dla a he, nɛ a ngɛ o nya tue bue.”

1 Korintobi 12:2

Nyɛ le kaa benɛ nyɛ ji wɔ jali ɔ, amagahi nɛ wami be a mi ɔ a se a gblaa nyɛ ya nyɛɛɔ.

1 Korintobi 14:20

Ye nyɛmimɛ, nyɛ ko susu nyɛ yi mi kaa jokuɛwi. Yayami peemi blɔ fa mi ɔ lɛɛ nyɛɛ pee nyɛ ní kaa jokuɛwi, se nyɛ susu nyɛ yi mi kaa nihi nɛ wa ngɛ mumi mi.

1 Korintobi 3:19

Ejakaa nɔ́ nɛ je ɔ buu kaa nile ɔ ji kuasia nɔ́ ko ngɛ Mawu lɛɛ e hɛ mi. Ngmami ɔ ke, “Mawu ngɔɔ nile kɛ tsɔɔ ní leli klama.”

2 Korintobi 2:17

Wɔɔ lɛɛ wa be kaa ni kpa komɛ nɛ mɛɛ a ngɔ Mawu munyu ɔ ngɔ pee je juami nɔ́ nɛ a kɛ ngɛ si kpae ɔ. Se mohu kaa nihi nɛ le Kristo ɔ, wa tuɔ anɔkuale ɔ sisi kaa nihi nɛ a tsɔ mɛ kɛ je Mawu nitsɛ ngɔ.

2 Korintobi 4:2

Wa kpa laami mi zo ní tsumi; wa yi kutupɔ, nɛ Mawu munyu ɔ hu wa tsakee we hɛ mi. Wa fiɛɔ Mawu sɛ gbi ɔ paa ngɛ ma hɛ mi, nɛ wa bɔɔ mɔde kaa nihi nɛ a ná wa he juɛmi kpakpa ngɛ Mawu hɛ mi.

Galatabi 3:1

Nyɛ Galatia bi nɛ nyɛ be yi! Mɛnɔ gbiɛ nyɛ ke nyɛ ko bu anɔkuale ɔ tue? Yesu gbenɔ nɛ e gbo ngɛ sɛumi tso nɔ ɔ, a tsɔɔ nyɛ nɛ nyɛ na paa.

Efesobi 6:11

Nyɛ kpla tahwu ní ɔmɛ tsuo nɛ Mawu ha nyɛ ɔ, konɛ nyɛ nyɛ Abosiami ga tsɔmi ɔmɛ a nya nɛ nyɛɛ da.

1 Timoteo 3:6

E ko pee nɔ ko nɛ tsake e tsui kɛ we. Ke pi ja a, e ma wo e he nɔ, nɛ Mawu maa gbla e tue kaa bɔ nɛ e pee Abosiami ɔ.

2 Timoteo 1:15

Kaa bɔ nɛ o le ɔ, nihi nɛ ngɛ Asia a tsuo kpa ngɛ ye se; a ti ni komɛ ji Figelo kɛ Hermogene.

2 Timoteo 3:13

Nimli yayamihi, kɛ nɔ sisili maa ya nɔ maa pee yayami kɛ be nɔ; a maa sisi nihi hluu kɛ yaa si a maa sisi mɛ nitsɛmɛ a he.

2 Timoteo 4:3

Be ma nɛ nihi be suɔe kaa a maa bu tsɔɔmi kpakpa tue. Mohu ɔ, a ma hla ní tsɔɔli ha a he; a ma hla nihi nɛ maa tsɔɔ mɛ níhi nɛ maa ngɔ ngɛ a tue mi.

Hebribi 13:9

Nyɛ ko ha ni komɛ nɛ ngɔ tsɔɔmi slɔɔtoslɔɔtohi nɛ kɛ sane kpakpa a kɔ we nɛ je nyɛ kɛ je blɔ kpakpa a nɔ. Mawu dloomi ɔ lɛ woɔ wa mumi mi he wami; se mlaahi nɛ kɔɔ niye ní he ɔ, se nami ko kulaa be he kɛ ha nihi nɛ yeɔ nɔ ɔ.

Yakobo 1:6

Se ke o ngɛ Mawu nɔ́ ko he pɛɛ kpae ɔ, he ye, nɛ o ko je nɔ́ kulaa kaa Mawu ma ha mo nɔ́ nɛ o ngɛ bie ɔ. Nɔ nɛ jeɔ nɔ́ ɔ, e ngɛ kaa wo mi oslɔke nɛ kɔɔhiɔ ngɛ lɛ fiae kɛ ngɛ yae kɛ ngɛ bae.

Yakobo 3:4

Aloo waa ngɔ lɛ nɛ ngɛ pa nɔ. Ke e kle kaa mɛni, nɛ ja kɔɔhiɔ nɛ nya wa nɛ ma nyɛ tsɛ̃ e yi se po, kudɔɔ nyafii ko kɛkɛ kudɔɔtsɛ ɔ kɛ plɛɔ lɛ ɔ kɛ yaa he nɛ e suɔ.

2 Petro 2:18

Akɛnɛ nya puu munyu nguahi jeɔ a nya he je ɔ, a guu he lo akɔnɔ níhi a nɔ nɛ a kɛ ya sisiɔ nihi nɛ je si himi yaya nɛ dɛ blɔ mi kɛ́ we.

1 Yohane 2:19

Anɔkuale mi ɔ, pi wa kpɛti nɛ nimli nɛ ɔmɛ je; nɛ lɔ ɔ he je nɛ a si wɔ ɔ nɛ. Kaa wa kpɛti nɛ a je jinɛ a kɛ wɔ ko hi si. Se a si wɔ, bɔ nɛ pee nɛ e fɔ si paa kaa a ti nɔ ko nɔ ko kɛ wɔ bɔɛ.

1 Yohane 2:26

I ngɛ nyɛ womi nɛ ɔ ngmae ngɛ nihi nɛ hlaa kaa a puɛ nyɛ tue ɔ a he.

1 Yohane 4:1

Ye nyɛmimɛ nɛ i suɔ, nyɛ ko he nɔ tsuaa nɔ ko kɛkɛ nɛ deɔ ke e ná Mawu mumi ɔ nyɛɛ ye. Se mohu nyɛɛ ka nɔ tsuaa nɔ nɛ nyɛɛ hyɛ kaa mumi nɛ e ngɛ ɔ je Mawu ngɔ lo. Ejakaa je ɔ hyi tɔ kɛ lakpa gbali sɔuu.

Yuda 1:12

Ke nimli nɛ ɔmɛ ba futu nyɛ kɛ ngɛ suɔmi niye ní yee ɔ, a woɔ ní ɔ he mu. A yeɔ ní tsuatsuaatsua nɛ a susuu we ni kpahi a he. A ngɛ kaa bɔku nɛ nyu be mi nɛ kɔɔhiɔ ngɛ lɛ fiae kɛ bee. A ngɛ kaa tsohi nɛ ní kpami be po a nɛ yiblii ngɛ a nɔ; tsohi nɛ gbo, nɛ a hia mɛ kɛ sipoku tsuo ngɔ fɔ si.

Kpojemi 19:20

A nu lohwe awi yelɔ ɔ, kɛ lakpa gbalɔ ɔ nɛ pee nyakpɛ níhi ngɛ e hɛ mi ɔ tsuo. E pee nyakpɛ ní ɔmɛ kɛ sisi nihi nɛ a kɛ lohwe ɔ kadi mɛ ɔ, kɛ ni nɛmɛ nɛ jaa lohwe ɔ we amaga a. A hɛ lohwe ɔ, kɛ lakpa gbalɔ ɔ tsuo ngɔ fɔ taku kɛ e mi la nɛ ngɛ tsoe gegeege ɔ mi hɛ ngmengmle.