Efesobi 4:12 - BAIBLO ALOO NGMAMI KLƆUKLƆU Ɔ

¹² E pee enɛ ɔ, nɛ e kɛ dla ni klɔuklɔu ɔmɛ kɛ ngɔ ha sɔmɔmi ní tsumi ɔ, bɔ nɛ pee nɛ asafo ɔ nɛ ngɛ kaa Kristo nɔmlɔ tso ɔ nɛ ya nɔ.

Somi He Ɔ

¹² konɛ a kɛ gla he tsɔli ɔmɛ ngɔ ha sɔmɔmi ni tsumi ɔ, kɛ Kristo nɔmlɔ tso ɔ fiami,

Efesobi 4:12 ပူးပေါင်းရင်းမြစ်များ

Luka 22:32

Se imi lɛɛ i sɔle ha mo Simon, nɛ o hemi kɛ yemi kó ta, konɛ ke o kpale o se kɛ ba ye ngɔ ekohu ɔ, mo hu o wo o nyɛmimɛ ɔmɛ he wami.”

Ni Tsumi 1:17

Yuda a, jinɛ e piɛ wa he; a hla lɛ, nɛ a ha lɛ blɔ nya, konɛ waa kɛ lɛ tsuo nɛ tsu sɔmɔmi ní tsumi nɛ ɔ.”

Ni Tsumi 1:25

konɛ e sɔmɔ kaa bɔfo ngɛ Yuda nane mi. Yuda je wa he kɛ ho he nɛ sa kaa e hi ɔ ya.”

Ni Tsumi 11:23

Benɛ e ya su lejɛ ɔ, nɛ e na bɔ nɛ Mawu gbaa ni ɔmɛ ɔ, e bua jɔ e he, nɛ e tu munyu tsɔɔ mɛ tsuo ke a ye Nyɔmtsɛ ɔ anɔkuale kɛ a tsui tsuo.

Ni Tsumi 20:24

Se imi lɛɛ ye wami tete he hia we mi. Nɔ́ nɛ he hia mohu ji kaa ní tsumi nɛ Nyɔmtsɛ Yesu ha mi ɔ, ma tsu kɛ gbe nya. Lɔ ɔ ji kaa ma fiɛ sane kpakpa a nɛ tsɔɔ kaa Mawu mi mi hi ha adesahi tsuo ɔ.

Ni Tsumi 20:28

Lɔ ɔ he ɔ, nyɛɛ hyɛ nyɛ nitsɛmɛ nyɛ he nɔ saminya. Asafo ɔ tsuo nɛ Mumi Klɔuklɔu ɔ tu ngɔ wo nyɛ dɛ mi ɔ, nyɛɛ hyɛ nɔ bɔ nɛ sa. Mawu ngɔ e Bi ɔ kɛ sã bɔ, nɛ e kɛ dani asafo ɔ kɛ pee lɛ nitsɛ e nɔ, lɔ ɔ he ɔ, nyɛɛ hyɛ nɔ saminya.

Ni Tsumi 9:31

Bɔ nɛ pee nɛ asafo ɔmɛ nɛ ngɛ Yudea, Galilea, kɛ Samaria tsuo na tue mi jɔmi ji nɛ ɔ nɛ. Nyɔmtsɛ ɔ gbeye yemi ngɛ asafo ɔmɛ a mi. Enɛ ɔ he je ɔ, Mumi Klɔuklɔu ɔ wo asafo ɔmɛ he wami, nɛ a ya nɔ, nɛ nihi babauu ba piɛ a he.

Romabi 12:5

Jã kɛ̃ wɔ nimli babauu nɛ ɔ, wa peeɔ nɔmlɔ tso kake ngɛ Kristo mi, nɛ wa ti nɔ tsuaa nɔ ɔ, e nyɛmimɛ ɔmɛ a nɔ ji lɛ.

Romabi 12:7

Ke a ha wɔ he wami nɛ a kɛ sɔmɔɔ nyɛmimɛ ɔ, wa sɔmɔ; ke ní tsɔɔmi ɔ, wa tsɔɔ.

Romabi 14:19

Lɔ ɔ he ɔ, nyɛ ha waa di níhi nɛ kɛ he jɔɔmi baa, nɛ waa kɛ maa wo wa sibi he wami ɔ a se daa.

Romabi 15:14

Ye nyɛmimɛ, imi nitsɛ i le tsɔ kaa nyɛ nitsɛmɛ tete nyɛ mi mi hi; nyɛ le ní bɔ nɛ sa, nɛ nyɛ nyɛɔ woɔ nyɛ sibi ga.

Romabi 15:2

Mohu ɔ, wa ti nɔ tsuaa nɔ nɛ pee nɔ́ nɛ hi nɛ maa sa e nyɛmi hɛ mi, konɛ e nyɛmi ɔ nɛ na hemi kɛ yemi nɛ pi si.

Romabi 15:29

I le kaa ke i ba nyɛ ngɔ ɔ, Kristo maa gbaa nyɛ babauu.

1 Korintobi 12:27

Nyɛ tsuo pɛpɛɛpɛ ji Kristo nɔmlɔ tso ɔ nɛ, nɛ nyɛ ti nɔ tsuaa nɔ peeɔ Kristo nɔmlɔ tso ɔ he nɔ́ ko.

1 Korintobi 12:7

Mawu haa nɔ tsuaa nɔ okadi ko kɛ̃ nɛ tsɔɔ kaa e mumi ɔ ngɛ nɔ ɔ mi, konɛ nɔ ɔ kɛ tsu ní ha asafo ɔ tsuo.

1 Korintobi 14:12

Akɛnɛ nyɛ nitsɛmɛ hu ja nɔuu kɛ̃ nyɛ hɛ dɔɔ ngɛ mumi mi níhi a he ɔ, nyɛɛ bɔ ní nɛmɛ nɛ ma ha asafo ɔ maa ya nɔ ɔ a he mɔde wawɛ.

1 Korintobi 14:14

Ejakaa ke i ngɛ sɔlee ngɛ gbi slɔɔtohi a mi ɔ, ye mumi ɔ ngɛ sɔlee mohu, se imi nitsɛ lɛɛ i li nɔ́ nɛ i ngɛ dee ɔ.

1 Korintobi 14:26

Ye nyɛmimɛ, nɔ́ nɛ i ngɛ tsɔɔe ɔ ji, ke nyɛ nya ba bua kɛ ha Mawu jami ɔ, nyɛ ti nɔ kake nɛ je la, nɔ ko nɛ tsɔɔ ní, nɛ nɔ ko hu nɛ ha sɛ gbi nɛ je Mawu ngɔ. Nɔ kpa nɛ tu gbi slɔɔtohi, konɛ nɔ kpa ko hu nɛ tsɔɔ sisi. Nyɛɛ pee níhi tsuo ngɛ a blɔ nɔ kɛ ha asafo ɔ nɔ yami.

2 Korintobi 12:19

Nyɛ ko susu kaa pe wa ngɛ mɔde bɔe nɛ wa fa wa he ngɛ nyɛ hɛ mi kɛkɛ. Mawu ji wa we odase kaa wa ngɛ anɔkuale tue kaa Kristo tsɔli. Nyɛmimɛ nɛ wa suɔ! Nɔ́ tsuaa nɔ́ nɛ wa ngɛ pee ɔ, wa ngɛ pee nɛ wa kɛ ye bua nyɛ.

2 Korintobi 13:11

Nyagbe ɔ, ye nyɛmimɛ, i biɔ nyɛ! Nyɛɛ ba nyɛ je mi saminya; nyɛɛ bu ye ga womi ɔ tue; nyɛ juɛmi nɛ pee kake, nɛ nyɛɛ hi si ngɛ he jɔmi mi. Nɛ Mawu nɛ suɔ wɔ, nɛ haa wɔ tue mi jɔmi ɔ kɛ nyɛ maa hi si.

2 Korintobi 13:9

Ke wa gbɔjɔ, nɛ nyɛɛ lɛɛ nyɛ ngɛ he wami ɔ, wa naa bua jɔmi. Enɛ ɔ he je nɛ wa ngɛ Mawu pɛɛ kpae ha nyɛ ɔ nɛ, konɛ nyɛɛ ya nɔ nɛ nyɛɛ hi kɛ pi si.

2 Korintobi 3:8

lɛɛ be nɛ ɔ mi nɛ Mumi Klɔuklɔu ɔ ngɛ ní tsue ɔ, anɛ Mawu hɛ mi nyami ɔ be kpɛe kulaa pe kekle ɔ lo?

2 Korintobi 4:1

Akɛnɛ Mawu naa mɔbɔ he je ɔ, e ha wɔ ní tsumi nɛ ɔ ke wa tsu. Lɔ ɔ he ɔ, wa kɔni mi jɔ̃ we.

2 Korintobi 5:18

Mawu lɛ pee enɛ ɔ tsuo. Kɛ gu Kristo nɔ ɔ, e dla waa kɛ lɛ wa kpɛti. Nɛ ní tsumi nɛ e ngɔ wo wa dɛ ji kaa wa ha nɛ a dla e kɛ nihi tsuo a kpɛti.

2 Korintobi 6:3

Wa bɔɔ mɔde kaa wa ko ngɔ nɔ́ ko kɛ tsi nɔ ko blɔ, bɔ nɛ pee nɛ a ko gbe sɔmɔmi ní tsumi nɛ wa hɛɛ mi ɔ he guɛ.

2 Korintobi 7:1

Siwohi nɛ wa na kɛ je Mawu dɛ mi ji nɛ ɔmɛ nɛ. Lɔ ɔ he ɔ, ye nyɛmimɛ nyɛ ha wa je níhi tsuo nɛ woɔ wa nɔmlɔ tso, kɛ mumi he mu kɛ ya se, konɛ wa he nɛ tsɔ kulaa kɛ hi si ngɛ Mawu gbeye yemi nya.

Efesobi 1:23

Asafo ɔ ji Kristo nɔmlɔ tso nɛ haa níhi tsuo a he suu. Kristo haa níhi tsuo a he suu ngɛ he tsuaa he.

Efesobi 4:16

E ngɛ nɔmlɔ tso ɔ he ní ɔmɛ tsuo a nɔ he wami, nɛ e haa nɛ kpɔ nya kpɔ nya amɛ tsuo tsaa a sibi a nya. Nɛ ke he ní ɔmɛ tsuo tsu a blɔ nya ní tsumi pɛpɛɛpɛ bɔ nɛ sa a, nɔmlɔ tso ɔ tsuo waa, nɛ e yiɔ tɔ kɛ suɔmi ní tsumi.

Efesobi 4:29

Munyu nɛ maa je nyɛ ti nɔ ko nya a, e ko pee nɔ́ nɛ ma puɛ nɔ, se mohu nɔ́ nɛ hi, nɛ e he hia, nɛ nɔ́ kpakpa ko maa je mi kɛ wo nɔ he wami. Kɛkɛ ɔ, e maa pee dloomi kɛ ha nihi nɛ ngɛ nyɛ tue bue ɔ.

Efesobi 4:4

Nɔmlɔ tso kake kɛ mumi kake lɛ ngɛ. Jã nɔuu kɛ̃ nɔ́ kake too nɔ nyɛ ngɔ nyɛ hɛ ngɔ fɔ, nɛ lɔ ɔ he Mawu tsɛ nyɛ ngɛ ɔ nɛ.

Kolosebi 1:24

Amlɔ nɛ ɔ, e peeɔ mi bua jɔmi kaa nyɛ he ɔ, i ngɛ nɔ́ nae, konɛ nɔ́ nɛ piɛ ngɛ dengme nɛ Kristo ba gbo ngɛ asafo ɔ nɛ ji e nɔmlɔ tso ɔ he ɔ, ma gbe nya ngɛ ye he lo nɛ ɔ mi.

Kolosebi 1:28

Lɔ ɔ he ɔ, wa ngɛ Kristo he sane ɔ fiɛe kɛ ngɛ nɔ tsuaa nɔ tsɔɔe. Wa ngɛ nihi tsuo kɔkɔ bɔe, nɛ wa ngɛ mɛ ní tsɔɔe kɛ nile nɛ mi kuɔ. Wa ngɛ mɔde bɔe nɛ waa gbla nɔ tsuaa nɔ kɛ ba Mawu ngɔ kaa nihi nɛ le Kristo kɛ pi si.

Kolosebi 4:17

Jehanɛ ɔ, nyɛ de Arkipo ke, “Ní tsumi ɔ nɛ a tu ngɔ wo o dɛ ke o tsu ha Nyɔmtsɛ ɔ, hyɛ nɛ o tsu kɛ gbe nya.”

1 Timoteo 1:12

I naa wa Nyɔmtsɛ Kristo Yesu si kaa e ha mi he wami nɛ ma kɛ tsu ní. I naa lɛ si kaa e sa e hɛ mi kaa e hla mi nɛ ma ba sɔmɔ lɛ.

2 Timoteo 4:11

Luka pɛ lɛ ngɛ ye ngɔ amlɔ nɛ ɔ. Hla Marko nɛ o kɛ lɛ nɛ ba, ejakaa e he hia saminya ngɛ sɔmɔmi ní tsumi ɔ he.

2 Timoteo 4:5

Se moo lɛɛ, o hɛ nɛ ka si be tsuaa be. Ke o ngɛ nɔ́ nae ɔ, to o tsui si. Bɔɔ sane kpakpa a fiɛmi he mɔde wawɛɛ, konɛ o pee Mawu sɔmɔlɔ kpakpa.

Hebribi 13:17

Nyɛɛ bu nyɛ hɛ mi nyɛɛli ɔmɛ tue, nɛ nyɛɛ ba nyɛ he si ha mɛ. Mɛ lɛ a hyɛɔ nyɛ nɔ daa, nɛ a maa bu akɔtaa ha Mawu. Nyɛ ha nɛ a pee enɛ ɔ kɛ bua jɔmi, se pi kɛ mi mi la, ejakaa lɔ ɔ maa ye nyɛ awi.

Hebribi 6:1

Lɔ ɔ he ɔ, nyɛ ha wa si sisije níhi nɛ kɔɔ Kristo he ɔ, nɛ waa ya wa hɛ mi kɛ tsɔɔmi nɛ sa nihi nɛ wa ngɛ hemi kɛ yemi ɔ mi. Sisije níhi nɛ wa tsɔɔ nyɛ ɔ, e hia we kaa wa pa hi lɔ ɔmɛ tsɔɔe kpamisa. Wa de nyɛ ke je mi bami yaya nɛ he be se nami ɔ, nyɛɛ ngmɛɛ he, konɛ nyɛ he Mawu nyɛɛ ye.