Efesobi 4:10 - BAIBLO ALOO NGMAMI KLƆUKLƆU Ɔ

¹⁰ Lɔ ɔ he ɔ, nɔ nɛ ba zugba a nɔ ɔ, lɛ nɔuu nɛ e kuɔ kɛ ho hiɔwe ya, konɛ a na lɛ ngɛ he tsuaa he.

Somi He Ɔ

¹⁰ Nɔ nɛ kple si ɔ, lɛ nɔuu hu ji nɔ nɛ kuɔ kɛ ya hiɔwehi kulaa a yi mi, konɛ e hyi je ɔ kulaa tɔtɔɔtɔ.

Efesobi 4:10 ပူးပေါင်းရင်းမြစ်များ

Mateo 24:34

Niinɛ, i ngɛ nyɛ dee ke, kikɛmɛ a yi nɔ nɛ ɔ be bee, ja ní nɛ ɔmɛ tsuo ba mi lolo.

Luka 24:44

Enɛ ɔ se ɔ, e de mɛ ke, “Benɛ i kɛ nyɛ ngɛ ɔ, níhi nɛ i deɔ nyɛ ji nɛ ɔmɛ nɛ: níhi tsuo nɛ a ngma ngɛ ye he ngɛ Mose mlaa a, kɛ gbali ɔmɛ, kɛ La womi ɔ a mi ɔ, ja lɛ tsuo ba mi.”

Yohane 1:16

E mi mi hi kɛ be nɔ, lɔ ɔ he ɔ, e ha wa ti nɔ tsuaa nɔ dloomi nɔtonɔto.

Yohane 19:24

Lɔ ɔ he ɔ, ta buli ɔmɛ de a he ke, “Wa ko gba enɛ ɔ; mohu nyɛ ha waa fɔ̃ nɔ sɔ, konɛ waa na nɔ nɛ nɔ́ nɛ e maa pee.” Kɛkɛ ɔ, ngmami ɔ nɛ deɔ ke, “A dla ye tade ɔmɛ ngɔ ha a he; nɛ ye tade klɔii ɔ, a fɔ̃ nɔ sɔ” ɔ maa ba mi. Nɔ́ nɛ ta buli ɔmɛ pee ɔ ji nɛ ɔ nɛ.

Yohane 19:28

Benɛ Yesu na kaa a gbe nɔ́ tsuaa nɔ́ nya a, bɔ nɛ pee nɛ ngmami ɔ nɛ ba mi ɔ, e de ke, “Kuma ngɛ mi yee!”

Yohane 19:36

A pee enɛ ɔ, konɛ nɔ nɛ a ngma ke, “A be e wu ko kue” ɔ, nɛ ba mi.

Ni Tsumi 1:11

Nyumu ɔmɛ bi ke, “Nyɛ Galilea bi mɛni he je nyɛ daa si ngɛ kɔɔhiɔ mi hyɛe kikɛ nɛ ɔ? Yesu ɔ nɛ a ngɔ kɛ ho hiɔwe ya nɛ ɔ, e maa kpale kɛ ba ja nɔuu kaa bɔ nɛ nyɛ na lɛ nɛ e yaa a.”

Ni Tsumi 1:9

Benɛ e de enɛ ɔ se ɔ, a ngɛ lɛ hyɛe nɔuu nɛ a wo lɛ kɛ ho hiɔwe ya, nɛ bɔku ba sa lɛ kɛ ho nɛ a nɛ lɛ hu.

Ni Tsumi 2:33

A wo e nɔ kɛ ho e Tsɛ Mawu ɔ hiɔ nɔ ya, nɛ e ná Mumi Klɔuklɔu nɛ a wo he si ɔ kɛ je e dɛ. Nɔ́ nɛ nyɛ ngɛ hyɛe, kɛ nɔ́ nɛ nyɛ ngɛ nue nɛ ɔ, Yesu lɛ ha nɛ e ba.

Ni Tsumi 3:18

Se nɔ́ nɛ Mawu de to momo kɛ gu e gbali ɔmɛ tsuo a nɔ kaa Kristo maa na amanehlu ɔ, ha e ba mi ja niinɛ.

2 Korintobi 12:2

I le Kristo se nyɛɛlɔ ko nɛ a sa lɛ kɛ ya hiɔwe lokoo ɔ jeha nyɔngma kɛ eywiɛ ji nɛ. E ngɛ nɔmlɔ tso mi jio, e be nɔmlɔ tso mi jio, i li; Mawu lɛ le.

Efesobi 3:19

Ee, nyɛ ma ba yɔse Kristo suɔmi nɛ nɔmlɔ adesa juɛmi sui he ɔ, nɛ nyɛ su maa hi kaa Mawu nitsɛ su.

Kolosebi 1:19

Ejakaa Mawu nitsɛ lɛ suɔ kaa lɛ Mawu ɔ su pɛpɛɛpɛ nɛ hi Bi ɔ mi.

Kolosebi 2:9

Ejakaa bɔ nɛ Mawu su ngɛ tutuutu ɔ, lɔ ɔ wa naa ngɛ Kristo mi benɛ e ba ngɛ he lo mi ɔ nɛ.

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

Hebribi 4:14

Nyɛ ha nɛ waa hɛɛ hemi kɛ yemi nɛ wa jajeɔ ɔ mi wawɛɛ. Ejakaa wa ngɛ osɔfo nɔkɔtɔma pe kulaa kpetekpleenyɛ nɛ po mi kɛ ho hiɔwe ya tɔɔ. Lɛ ji Yesu, Mawu Bi ɔ.

Hebribi 7:26

Lɛɛ Yesu ji osɔfo nɔkɔtɔma pe kulaa nɛ sa wɔ. E ngɛ klɔuklɔu; sé ko be e he ɔ, e pee we yayami hulɔ. E je e he kɛ je yayami peeli a he, nɛ a wo e nɔ kɛ po mi kɛ ho hiɔwe tɔɔ ya.

Hebribi 8:1

Nɔ́ nɛ wa ngɛ dee ɔ we oti ɔ tsɔɔ kaa wa ngɛ nɔ ko nɛ ji osɔfo nɔkɔtɔma pe kulaa nɛ hii si ngɛ Mawu matsɛ sɛ ɔ hiɔ nɔ ngɛ hiɔwe.