Efesobi 3:9 - BAIBLO ALOO NGMAMI KLƆUKLƆU Ɔ

⁹ Mawu ke ma fiɛ, konɛ je ɔ tsuo nɛ nu bɔ nɛ laami sane nguaa nɛ ɔ ma plɛ kɛ ba mi ha. Mawu nɛ́ bɔ níhi tsuo ɔ, ngɔ laami sane nɛ ɔ kɛ laa yi nɔhi nɛ be ɔ.

Somi He Ɔ

⁹ nɛ ma ha nihi kulaa a hɛ mi nɛ tsɔ mɛ nɛ a le nɔ́ nɛ ji laami sane nɛ a ngɔ laa ngɛ Mawu nɔ nɛ bɔ nihi kulaa a blɔ nya tomi ɔ mi,

Efesobi 3:9 ပူးပေါင်းရင်းမြစ်များ

La 33:6

Fami kɛkɛ lɛ Yawɛ fa nɛ e kɛ pee hiɔwe. Munyu kɛkɛ lɛ je e nya nɛ pu, kɛ nyɔhiɔ, kɛ dodoehi ba.

Yesaya 44:24

Yawɛ, o yi wami helɔ, kɛ o bɔlɔ ɔ ngɛ dee ke, “Imi ji Yawɛ, nihi tsuo kulaa a bɔlɔ ɔ nɛ. Imi nɔ kake too lɛ i bli hiɔwe mi, nɛ i ha zugba a fɔɔ si gbajaa. Mɛnɔ ke e nine ngɛ mi?

Mateo 10:27

Nɔ́ nɛ i ngɛ nyɛ dee ngɛ diblii mi ɔ, nyɛɛ sɛɛ piani katakata; nɔ́ nɛ i ngɛ nyɛ tue mi woe nɛ i ngɛ nyɛ dee ɔ, nyɛɛ fiɛ ngɛ ma nɔ.

Mateo 13:35

E pee enɛ ɔ, konɛ e kɛ ha nɛ nɔ́ nɛ gbalɔ ɔ de ɔ nɛ ba mi ke, “I kɛ mɛ maa tu munyu ngɛ abɛ gbi mi. Níhi nɛ a ngɔ kɛ laa kɛ je be nɛ a to je ɔ sisi ɔ, ma fiɛ kɛ tsɔɔ mɛ.”

Mateo 25:34

Kɛkɛ ɔ, matsɛ ɔ ma de nihi nɛ ngɛ e hiɔ nɔ ɔ ke, ‘Nyɛ nihi nɛ Tsaatsɛ gbaa nyɛ, nyɛɛ ba! Matsɛ yemi ɔ nɛ a dla ngɔ to nyɛ kɛ je be nɛ a to je ɔ sisi ɔ, nyɛ ba ngɔ.

Mateo 28:19

Lɔ ɔ he ɔ, nyɛɛ ya je ma amɛ tsuo a ngɔ ngɛ he tsuaa he, nɛ nyɛɛ pee mɛ ye kaseli. Nyɛɛ sɔle mɛ ngɔ wo Tsɛ ɔ, kɛ Bi ɔ, kɛ Mumi Klɔuklɔu ɔ biɛ mi,

Luka 24:47

A ngma hu ke, a maa fiɛ ha je ma amɛ tsuo ngɛ e biɛ mi kaa a tsake a tsui, konɛ a ngɔ a he yayami ɔmɛ ngɔ pa mɛ. A maa je sisi kɛ je Yerusalem.

Yohane 10:30

I kɛ Tsɛ ɔ ni kake ji wɔ.”

Yohane 5:17

Yesu de mɛ ke, “Tsaatsɛ ngɛ ní tsue be tsuaa be, nɛ imi hu i ngɛ ní tsue.”

Yohane 5:19

Jehanɛ ɔ, Yesu ya nɔ nɛ e de mɛ ke, “I ngɛ nyɛ dee anɔkuale mi ke Bi ɔ pee we nɔ́ ko ngɛ lɛ nitsɛ e yi mi tomi nya. Nɔ́ nɛ e na nɛ Tsɛ ɔ ngɛ pee ɔ, lɔ ɔ nɛ e peeɔ. Nɔ́ nɛ Tsɛ ɔ peeɔ ɔ, Bi ɔ hu peeɔ.

Ni Tsumi 15:18

Nyɔmtsɛ ɔ, nɔ nɛ ha nɛ a le enɛ ɔmɛ tsuo kɛ je blema lokoo ɔ lɛ de.’ ”

Romabi 11:25

Ye nyɛmimɛ, anɔkuale laami sane ko ngɛ nɛ i suɔ kaa nyɛɛ le, bɔ nɛ pee nɛ nyɛ ko susu kaa nyɛ hɛ mi lɛ tɛ̃. Sane ɔ ji kaa Israel bi ɔmɛ ɔ, pe a ha a wa tue be kuku kɛkɛ kɛ yaa si ma je li ɔmɛ tsuo ma ba le Mawu.

1 Korintobi 2:7

Nile nɛ i ngɛ fiɛe ɔ ji nyakpɛ nɔ́ ko nɛ Mawu ngɔ kɛ laa adesa. Loko a bɔ je ɔ, Mawu hla nile nɛ ɔ ngɔ to momo nɛ e kɛ wo wa hɛ mi nyami.

Efesobi 1:4

Benɛ a na we nɛ a bɔ je ɔ tete po ɔ, Mawu hla wɔ ngɔ pee lɛ nitsɛ e nihi momo ngɛ Kristo mi. E pee enɛ ɔ, konɛ wa he nɛ tsɔ, nɛ piami ko kó hi wa he ngɛ e hɛ mi. Mawu suɔ wɔ saminya, enɛ ɔ he ɔ,

Efesobi 3:2

I heɔ yeɔ kaa ní tsumi nɛ Mawu dloomi ɔ tu ngɔ wo ye dɛ ngɛ nyɛ ma je li ɔmɛ nyɛ he ɔ, nyɛ maa nu he.

Efesobi 6:19

Nyɛɛ sɔle ha imi hulɔ, konɛ be tsuaa be nɛ ma tu munyu ɔ, Mawu nɛ ha mi e sɛ gbi, nɛ e ha mi kã nɛ ma kɛ fiɛ sane kpakpa a mi laami sane ɔ.

Kolosebi 1:23

Lɔ ɔ he ɔ, e hia kaa nyɛɛ hɛɛ hemi kɛ yemi ɔ mi; nyɛɛ da si kpitikplii, nɛ hɛ kɛ nɔ fɔmi nɛ nyɛ ná benɛ nyɛ nu sane kpakpa a, nyɛ ko ngmɛɛ he. Sane kpakpa nɛ ɔ nɛ a fiɛ ngɔ tsɔɔ bɔ níhi tsuo ngɛ je ɔ mi ɔ he lɛ imi Paulo i ba pee sɔmɔlɔ ngɛ.

Kolosebi 1:26

Sane kpakpa nɛ ɔ ji laami sane nɛ Mawu ngɔ laa yi nɔhi kɛ je blema lokoo, nɛ amlɔ nɛ ɔ lɛɛ e je ngɔ tsɔɔ e ni klɔuklɔu ɔmɛ.

Kolosebi 3:3

Ejakaa nyɛ ngɛ kaa nihi nɛ gbo, nɛ a ngɔ nyɛ wami ɔ kɛ Kristo tsuo ngɔ laa ngɛ Mawu mi.

Kolosebi 4:3

Nyɛɛ sɔle ha wɔ hulɔ, konɛ Mawu nɛ bli blɔ ha wɔ nɛ waa fiɛ e sɛ gbi nɛ kɔɔ Kristo he ɔ. Ejakaa Kristo laami sane nɛ ɔ he nɛ a wo mi tsu ngɛ.

2 Tesalonikabi 2:13

Se nyɛmimɛ nɛ Nyɔmtsɛ ɔ suɔ, e hia kaa waa na Mawu si daa ha nyɛ. Ejakaa kɛ je sisije lokoo ɔ, Mawu hla nyɛ, nɛ e he nyɛ yi wami kɛ gu mumi ɔ nɛ maa tsu nyɛ he ɔ, kɛ anɔkuale ɔ nɛ nyɛ he ye ɔ nɔ.

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

2 Timoteo 1:9

Mawu he wa yi wami, nɛ e tsɛ wɔ, konɛ wa ba pee e nihi. Pi nɔ́ kpakpa ko nɛ wa pee he je, se mohu lɛ nitsɛ e yi mi tomi nya nɛ e dloo wɔ. Wa ná kikɛmɛ a dloomi nɛ ɔ kɛ gu Kristo Yesu nɔ blema lokoo loko a bɔ je ɔ.

2 Timoteo 4:17

Se Nyɔmtsɛ ɔ piɛ ye he, nɛ e wo mi he wami, nɛ i nyɛ fiɛ sane kpakpa a kɛ ha ma je li ɔmɛ tsuo. Bɔ nɛ Mawu je mi kɛ je gbenɔ nya mi ji nɛ ɔ nɛ. Ee, e je mi kɛ je gbenɔ mi.

Tito 1:2

Wa ngɛ hɛ kɛ nɔ fɔmi kaa enɛ ɔ ma ha wɔ neneene wami. Mawu nɛ yi lakpa a wo si kaa e ma ha wɔ kikɛmɛ a neneene wami nɛ ɔ be nɛ a na we nɛ a bɔ nɔ́ ko nɔ́ ko.

1 Petro 1:20

Mawu hla lɛ momo loko a to je ɔ sisi, nɛ a je lɛ kpo ngɛ nyagbe be nɛ ɔmɛ a mi ngɛ nyɛ he.

Kpojemi 13:8

Nihi tsuo nɛ ngɛ je ɔ mi ɔ ma ja lɛ. Ni nɛmɛ nɛ a ngma a biɛ kɛ wo hɛ kali a womi ɔ mi loko a bɔ je ɔ, mɛ pɛ lɛ a be lɛ jae. To bi ɔ nɛ a gbe ɔ nɔ́ ji jamɛ a womi ɔ.

Kpojemi 14:6

Jehanɛ ɔ, i na bɔfo kpa nɛ te ngɛ hiɔwe lokoo kɛ bee. E hɛɛ sɛ gbi ko nɛ ngɛ kɛ yaa neneene. Sɛ gbi ɔ kɔɔ sane kpakpa a he, nɛ e yaa nɛ e ya fiɛ sɛ gbi nɛ ɔ ha nihi tsuo nɛ ngɛ je ɔ mi, mahi kɛ wɛtsohi, kɛ gbihi kɛ nimli tsuo.

Kpojemi 17:8

Lohwe ɔ nɛ o na a, be ko ɔ, e hɛ ngɛ, se piɔ lɛɛ e be je mi hu. E be kɛe nɛ e maa je muɔ voo ɔ mi kɛ ba, nɛ a ma kpata e hɛ mi pɛsɛpɛsɛ. Nɛ nihi tsuo nɛ ngɛ je ɔ mi nɛ a ngmɛ a biɛ ngɛ wami womi ɔ mi loko a bɔ je ɔ, ke a na lohwe ɔ, a nya maa kpɛ a he saminya. E hi si be ko; amlɔ nɛ ɔ lɛɛ e be je mi, se e maa kpale ba ekohu.

Kpojemi 4:11

“Wa Nyɔmtsɛ, kɛ wa Mawu! Mo ji nɔ nɛ sa kaa a ngɔ hɛ mi nyami, bu, kɛ he wami kɛ ha. Mo lɛ o bɔ níhi tsuo; o bɔ mɛ bɔ nɛ o suɔ kaa a hi. Nɛ a ngɛ ja pɛ!”