Efesobi 3:7 - BAIBLO ALOO NGMAMI KLƆUKLƆU Ɔ

⁷ Mawu dloo mi nike ní pɔtɛɛ ko kaa sane kpakpa a fiɛlɔ, nɛ ma kɛ sɔmɔ lɛ. E he wami ɔ nɛ e kɛ tsu nɔ́ nɛ ɔ.

Somi He Ɔ

⁷ Sane kpakpa nɛ ɔ he sɔmɔlɔ ji mi ngɛ Mawu dloomi nike nihi nɛ a gu e he wami ni tsumi nɔ ngɔ ha mi ɔ nya.

Efesobi 3:7 ပူးပေါင်းရင်းမြစ်များ

Efesobi 1:19

Jehanɛ ɔ hu nyɛ ma yɔse kaa Mawu he wami kpetekpleenyɛ nɛ ngɛ ní tsue ngɛ wɔ nihi nɛ wa heɔ yeɔ ɔ wa mi ɔ,

Efesobi 3:20

Mawu kɛ he wami kpetekpleenyɛ tsuɔ ní ngɛ wa mi, nɛ e peeɔ níhi nɛ hiɛ babauu kɛ be nɔ kɛ haa wɔ, níhi nɛ wa be nyɛe ma bi, kɛ ní nɛmɛ nɛ wa juɛmi sui he po.

Efesobi 3:2

I heɔ yeɔ kaa ní tsumi nɛ Mawu dloomi ɔ tu ngɔ wo ye dɛ ngɛ nyɛ ma je li ɔmɛ nyɛ he ɔ, nyɛ maa nu he.

2 Korintobi 3:6

Mawu nɛ ha nɛ wa nyɛ nɛ wa ngɛ lɛ Mawu ɔ sɔmɔe kaa bɔ nɛ somi he ɔ tsɔɔ ɔ. Pi mlaa nɛ a ngma nɛ waa ye nɔ ji somi he ɔ, se mohu Mawu mumi. Mlaa nɛ a ngma a, gbenɔ nɛ e kɛ baa, se mumi ɔ haa nɔ wami.

Hebribi 13:21

e dla nyɛ kɛ pi si kɛ ní tsumi kpakpa sɔuu, konɛ nyɛɛ pee e sɔumi nya ní; nɛ kɛ gu Yesu Kristo nɔ ɔ, e ha nyɛ tsu níhi nɛ maa sa e hɛ mi, konɛ a wo e hɛ mi nyami kɛ je neneene kɛ ya neneene. Amen.

1 Tesalonikabi 2:13

Nɔ́ kake he hu nɛ wa naa Mawu si ngɛ daa ji nɛ ɔ nɛ. Benɛ wa ngɔ Mawu munyu ɔ ba ha nyɛ ɔ, nyɛ bu tue, nɛ nyɛ he lɛ atuu, pi kaa nɔmlɔ adesa sɛ gbi, se mohu kaa Mawu munyu kaa bɔ nɛ e ngɛ anɔkuale mi ɔ. Niinɛ nyɛ nihi nɛ nyɛ heɔ yeɔ ɔ, Mawu munyu ɔ ngɛ ní tsue ngɛ nyɛ mi.

Kolosebi 1:29

Enɛ ɔ he ɔ, i kɛ Kristo he wami kpetekpleenyɛ ɔ nɛ ngɛ ye mi ɔ gboɔ dengme wawɛɛ kɛ tsuɔ ní.

1 Korintobi 15:10

Se Mawu dloomi lɛ pee mi nɔ́ nɛ i ji mwɔnɛ nɛ ɔ, nɛ dloomi nɛ e dloo mi ɔ pee we yaka. Ee, i tsu ní wawɛɛ pe bɔfo kpa amɛ tsuo kulaa, se pi imi; Mawu dloomi ɔ mohu lɛ tsu ní ɔ.

1 Korintobi 3:5

Mɛnɔ ji Apolo ɔ? Imi Paulo hu, mɛnɔ ji mi? Mawu tsɔli kɛkɛ ji wɔ, nɛ wa nɔ lɛ nyɛ gu kɛ he Kristo ye. Nyɔmtsɛ ɔ ha wa ti nɔ tsuaa nɔ ní tsumi pɔtɛɛ nɛ wa tsu.

Romabi 15:16

i ba pee Kristo Yesu tsɔlɔ nɛ ma tsu ma je li ɔmɛ a he ní. Ma tsu ní kaa osɔfo kɛ fiɛ sane kpakpa a nɛ je Mawu ngɔ ɔ, konɛ Mumi Klɔuklɔu ɔ nɛ tsu ma je li ɔmɛ a he, nɛ a pee kaa bɔ nɛ a sã, nɛ maa sa Mawu hɛ mi.

Romabi 1:5

Kristo nɔ i gu nɛ i na dloomi, nɛ a wo mi bɔfo, konɛ e biɛ ɔ he ɔ, je ma amɛ kulaa nɛ a bu hemi kɛ yemi ɔ tue.

Efesobi 4:16

E ngɛ nɔmlɔ tso ɔ he ní ɔmɛ tsuo a nɔ he wami, nɛ e haa nɛ kpɔ nya kpɔ nya amɛ tsuo tsaa a sibi a nya. Nɛ ke he ní ɔmɛ tsuo tsu a blɔ nya ní tsumi pɛpɛɛpɛ bɔ nɛ sa a, nɔmlɔ tso ɔ tsuo waa, nɛ e yiɔ tɔ kɛ suɔmi ní tsumi.

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

Galatabi 2:8

Ejakaa Mawu nɛ́ gu Petro nɔ kɛ tsu ní ngɛ Yuda bi a kpɛti ɔ, lɛ nɔuu lɛ gu ye nɔ kɛ tsu ní ngɛ ma je li ɔmɛ a kpɛti.

2 Korintobi 4:1

Akɛnɛ Mawu naa mɔbɔ he je ɔ, e ha wɔ ní tsumi nɛ ɔ ke wa tsu. Lɔ ɔ he ɔ, wa kɔni mi jɔ̃ we.

Yesaya 43:13

Imi ji Mawu, nɛ i ngɛ daa. Nɔ ko nɔ ko be nyɛe ma je e he kɛ je ye dɛ mi. Ke i pee nɔ́ ko ɔ, mɛnɔ ma tsake?”

Ni Tsumi 9:15

Nyɔmtsɛ ɔ de lɛ ke, “Yaa, ejakaa nɔ nɛ ɔ, imi nɛ i hla lɛ nɛ e sɔmɔ mi, nɛ e ya fiɛ ye he sane ha ma je li, matsɛmɛ, kɛ Israel ma a tsuo.

Romabi 12:3

I kɛ dloomi nɛ Mawu dloo mi ɔ ngɛ nyɛ tsuo dee ke, nyɛ ti nɔ ko kó bu lɛ nitsɛ e he tsɔ pe bɔ nɛ sa kaa e buu e he. Se mohu e pee e he humi kaa bɔ nɛ hemi kɛ yemi nɛ Mawu ha lɛ ɔ tsɔɔ kaa e pee ɔ.