Efesobi 3:3 - BAIBLO ALOO NGMAMI KLƆUKLƆU Ɔ

³ Yi mi nɛ Mawu to ngɛ laami mi ɔ, e je ngɔ tsɔɔ mi. I ngma enɛ ɔ he nɔ́ ko bɔɔ momo.

Somi He Ɔ

³ kaa kpo jemi nɔ Mawu gu kɛ ha i kɛ le laami sane ɔ, kaa bɔ nɛ i ngma nyɛ bɔɔ ko momo ɔ,

Efesobi 3:3 ပူးပေါင်းရင်းမြစ်များ

Ni Tsumi 22:17

“I kpale ye se kɛ ba Yerusalem ekohu; nɛ benɛ i ya ngɛ sɔlee ngɛ sɔlemi we, nɔ́ nɔ ye nɔ.

Ni Tsumi 22:21

Kɛkɛ nɛ Nyɔmtsɛ ɔ de mi ke, ‘Yaa, ejakaa ma tsɔ mo ma je li ɔmɛ a ngɔ ngɛ tsitsaa lokoo!’ ”

Ni Tsumi 23:9

Huhui ɔ nya ba wa, nɛ mlaa tsɔɔli ɔmɛ nɛ ngɛ Farisi bi ɔmɛ a se ɔ te si kɛ pɛ wawɛɛ, nɛ a de ke, “Wɔɔ lɛɛ wa nɛ nɔ́ yaya ko ngɛ nɔmlɔ nɛ ɔ he! Alini mumi ko, loo hiɔwe bɔfo ko kɛ lɛ tu munyu niinɛ!”

Romabi 11:25

Ye nyɛmimɛ, anɔkuale laami sane ko ngɛ nɛ i suɔ kaa nyɛɛ le, bɔ nɛ pee nɛ nyɛ ko susu kaa nyɛ hɛ mi lɛ tɛ̃. Sane ɔ ji kaa Israel bi ɔmɛ ɔ, pe a ha a wa tue be kuku kɛkɛ kɛ yaa si ma je li ɔmɛ tsuo ma ba le Mawu.

Romabi 16:25

Nyɛ ha wa je Mawu yi. Lɛ nɛ e ma ha nyɛ hemi kɛ yemi ɔ mi maa wa ngɛ Yesu Kristo he sane kpakpa a nɛ i fiɛ ha nyɛ ɔ mi. Kɛ je blema lokoo ɔ, nɔ ko nɔ ko li anɔkuale nɛ ɔ.

2 Korintobi 12:1

Ma ya nɔ ma fĩa kɛ̃, pohu se nami ko be he. Jehanɛ lɛɛ nɔ́ nɛ he munyu nɛ ma tu ji bɔ nɛ Nyɔmtsɛ Yesu Kristo je e he kpo tsɔɔ mi, kɛ e suɔmi nya níhi nɛ e tsɔɔ ke ma pee.

Galatabi 1:12

Pi adesa ko dɛ mi nɛ i na kɛ je, nɛ pi nɔmlɔ ko nɛ tsɔɔ mi hulɔ; Yesu Kristo nitsɛ nɛ je tsɔɔ mi.

Efesobi 1:17

nɛ i kpaa pɛɛ kaa wa Nyɔmtsɛ Yesu Kristo Mawu ɔ, kɛ wa Tsɛ nɛ hɛ mi ngɛ nyami ɔ nɛ ha nyɛ Mumi Klɔuklɔu ɔ. Mumi ɔ ma ha nɛ nyɛ maa le bɔ nɛ Mawu ngɛ anɔkuale mi, nɛ e ma je Mawu kpo kɛ tsɔɔ nyɛ, nɛ nyɛ maa le lɛ saminya.

Efesobi 3:4

Ke nyɛ kane nɔ́ nɛ i ngma a saminya a, yi mi nɛ Mawu to ngɛ laami mi, nɛ Kristo ha nɛ e ba mi ɔ, nyɛ maa na bɔ nɛ i nu sisi ha.

Efesobi 3:6

Laami sane ɔ ji kaa sane kpakpa a he ɔ, gbaami nɛ Mawu gbaa Yuda bi ɔmɛ ɔ, ma je li ɔmɛ hu ba na eko. Mɛ tsuo a ba pee kaa nɔmlɔ tso kake ɔ he níhi; nɛ si nɛ Mawu wo kɛ gu Kristo Yesu nɔ ɔ, a ná mɛ hu a blɔ nya nɔ.

Efesobi 3:9

Mawu ke ma fiɛ, konɛ je ɔ tsuo nɛ nu bɔ nɛ laami sane nguaa nɛ ɔ ma plɛ kɛ ba mi ha. Mawu nɛ́ bɔ níhi tsuo ɔ, ngɔ laami sane nɛ ɔ kɛ laa yi nɔhi nɛ be ɔ.

Efesobi 6:19

Nyɛɛ sɔle ha imi hulɔ, konɛ be tsuaa be nɛ ma tu munyu ɔ, Mawu nɛ ha mi e sɛ gbi, nɛ e ha mi kã nɛ ma kɛ fiɛ sane kpakpa a mi laami sane ɔ.

Kolosebi 2:2

I ngɛ enɛ ɔ pee nɛ ma kɛ wo mɛ bua, konɛ suɔmi nɛ ha a pee kake. Kɛkɛ ɔ, a maa nu ní kpakpahi nɛ a mi kuɔ ɔ tsuo a sisi saminya nɛ nɔ jemi be mi, nɛ a maa le Mawu laami sane ɔ. Mawu laami sane ɔ ji Kristo ɔ nɛ.

Kolosebi 4:3

Nyɛɛ sɔle ha wɔ hulɔ, konɛ Mawu nɛ bli blɔ ha wɔ nɛ waa fiɛ e sɛ gbi nɛ kɔɔ Kristo he ɔ. Ejakaa Kristo laami sane nɛ ɔ he nɛ a wo mi tsu ngɛ.

Hebribi 13:22

Ye nyɛmimɛ, womi nɛ i ngma nyɛ nɛ ɔ nya kɛ we kulaa, lɔ ɔ he ɔ, i kpa nyɛ pɛɛ nɛ nyɛɛ ye slɔmi ɔmɛ a nɔ.

1 Petro 5:12

I ngɛ nyɛ womi kpiti nɛ ɔ ngmae kɛ gu Silvano nɔ. I buu wa nyɛmi nɛ ɔ saminya kaa Kristo se nyɛɛlɔ nɛ yeɔ anɔkuale. I ngɛ nyɛ he wami woe, nɛ i ngɛ nɔ mi mae ngɛ dee ke Mawu dloomi nitsɛnitsɛ ji nɛ ɔ nɛ. Nyɛɛ pɛtɛ he wawɛɛ.

2 Petro 3:15

Nyɛɛ ngɔ Nyɔmtsɛ ɔ tsui si tomi ɔ kaa he blɔ nɛ Mawu ha nyɛ nɛ a kɛ he nyɛ yi wami. Enɛ ɔ nɔuu wa suɔlɔ, kɛ wa nyɛmi Paulo hu ngma nyɛ kɛ nile nɛ Mawu ha lɛ ɔ nɛ.