Efesobi 3:21 - BAIBLO ALOO NGMAMI KLƆUKLƆU Ɔ

²¹ Á gu Kristo Yesu nɔ kɛ wo Mawu hɛ mi nyami yi nɔhi tsuo ngɛ asafo ɔ mi kɛ ya neneene kɛ neneene. Amen.

Somi He Ɔ

²¹ lɛ a ngɔ hɛ mi nyami ngɔ ha ngɛ asafo nɛ ngɛ Kristo Yesu mi ngɛ yi nɔhi kulaa mi kɛ ya neneene kɛ neneene! Amen.

Efesobi 3:21 ပူးပေါင်းရင်းမြစ်များ

Kronika I, 29:11

O kle, o ngɛ he wami, kɛ hɛ mi nyami; o yeɔ kunimi, nɛ o yeɔ matsɛ. Nɔ́ tsuaa nɔ́ nɛ ngɛ hiɔwe kɛ zugba a, o nɔ́. Matsɛ ji mo, nɛ o yeɔ nɔ́ tsuaa nɔ́ nɔ.

La 115:1

Yawɛ, pi wɔ oo, pi wɔ, se mo nɛ o sa hɛ mi nyami; ejakaa o suɔmi ngɛ daa, nɛ o we anɔkuale yemi hu be nyagbe.

La 72:19

A je e biɛ klɔuklɔu ɔ yi kɛ ya neneene! A wo e hɛ mi nyami ngɛ je ɔ mi tsuo! Amen! Amen!

Yesaya 42:12

Nyɛ ha nihi nɛ ngɛ zugbahi a nɔ ngɛ tsitsaa lokoo ɔ nɛ a wo Yawɛ hɛ mi nyami!

Yesaya 6:3

A ti nɔ tsuaa nɔ ngɛ e sibi dee boboobo ke, “Klɔuklɔu, klɔuklɔu, klɔuklɔu! Yawɛ Tabohiatsɛ ɔ ngɛ klɔuklɔu! E hɛ mi nyami ɔ hyi je ɔ tsuo.”

Mateo 6:13

Nɛ o kɛ wɔ ko ya ka mi; se mohu, je wɔ kɛ je nɔ yayami ɔ dɛ mi.’

Luka 2:14

“Hɛ mi nyami ha Mawu ngɛ hiɔwe lokoo, nɛ he jɔmi nɛ ba zugba a nɔ ha nihi nɛ e naa a he tsui ɔ!”

Romabi 11:36

Ejakaa Mawu lɛ bɔ níhi tsuo; lɛ nɛ ngɛ he wami ngɛ nɔ́ tsuaa nɔ́ nɔ; nɛ mɛ tsuo a woɔ e hɛ mi nyami kɛ yaa neneene! Amen!

Romabi 16:27

A je Mawu kake too ɔ nɛ le ní tsuo ɔ yi ngɛ Yesu Kristo mi kɛ ya neneene. Amen!

Galatabi 1:5

A wo Mawu hɛ mi nyami kɛ je neneene kɛ ya neneene. Amen.

Efesobi 1:6

E sa kaa wa je Mawu yi kaa e gu e dloomi nɛ hɛ mi ngɛ nyami ɔ nɔ ngɔ e bi nɛ e suɔ ɔ ngɔ ke wɔ yaka gu!

Efesobi 2:7

E pee enɛ ɔ, konɛ e kɛ tsɔɔ yi nɔhi tsuo nɛ maa ba hwɔɔ se ɔ kaa Kristo Yesu he ɔ, e suɔ wɔ saminya, nɛ e dloo wɔ babauu.

Efesobi 4:1

Lɔ ɔ he ɔ, imi nɛ a wo mi tsu ngɛ Nyɔmtsɛ ɔ nɛ i ngɛ sɔmɔe ɔ he ɔ, i kpa nyɛ pɛɛ nɛ nyɛɛ ba nyɛ je mi saminya, bɔ nɛ maa sa ní tsumi nɛ Mawu tsɛ nyɛ ke nyɛ ba tsu ɔ.

Filipibi 1:11

Kristo Yesu nitsɛ ma ha nyɛ ma na subai nɛ hi saminya ngɛ nyɛ wami si himi mi, konɛ a wo Mawu hɛ mi nyami, nɛ a je e yi.

Filipibi 2:11

nɛ a maa jaje paa ke, Yesu Kristo ji Nyɔmtsɛ; a maa pee ja kɛ wo Tsɛ Mawu ɔ hɛ mi nyami.

Filipibi 4:20

A je wa Tsɛ Mawu ɔ yi kɛ ya neneene kɛ neneene. Amen.

2 Timoteo 4:18

Nyɔmtsɛ ɔ ma je mi kɛ maa je ní yayamihi tsuo a mi, nɛ e kɛ mi maa ya hiɔwe he nɛ e ngɛ matsɛ yee ngɛ ɔ fiafiaafia. A maa wo e hɛ mi nyami kɛ maa ya neneene. Amen.

Hebribi 13:21

e dla nyɛ kɛ pi si kɛ ní tsumi kpakpa sɔuu, konɛ nyɛɛ pee e sɔumi nya ní; nɛ kɛ gu Yesu Kristo nɔ ɔ, e ha nyɛ tsu níhi nɛ maa sa e hɛ mi, konɛ a wo e hɛ mi nyami kɛ je neneene kɛ ya neneene. Amen.

1 Petro 2:5

Nyɛɛ ba kaa tɛhi nɛ a hɛ ngɛ, nɛ nyɛ ha nɛ a fia nyɛ kɛ ma si kaa mumi mi we. Nyɛ maa pee osɔfo klɔuklɔuhi, nɛ kɛ gu Yesu Kristo nɔ ɔ, nyɛ maa sã mumi mi bɔ nɛ maa sa Mawu hɛ mi.

1 Petro 5:11

Mawu maa ye matsɛ kɛ maa ya neneene. Amen.

2 Petro 3:18

Se nyɛɛ ya nɔ nɛ nyɛɛ wa ngɛ dloomi ɔ mi, nɛ nyɛɛ le wa Nyɔmtsɛ, kɛ wa kpɔlɔ Yesu Kristo ɔ saminya. Á wo e hɛ mi nyami kɛ je be nɛ ɔ mi kɛ ya neneene! Amen.

Yuda 1:25

lɛ Mawu kake too, wa kpɔlɔ ɔ, a gu wa Nyɔmtsɛ Yesu Kristo nɔ kɛ wo e hɛ mi nyami. E nɔ́ ji agboje, kɛ he wami, kɛ he blɔ kɛ je blema lokoo kɛ ba si amlɔ nɛ ɔ, kɛ yaa neneene tɔɔ! Amen.