Efesobi 3:20 - BAIBLO ALOO NGMAMI KLƆUKLƆU Ɔ

²⁰ Mawu kɛ he wami kpetekpleenyɛ tsuɔ ní ngɛ wa mi, nɛ e peeɔ níhi nɛ hiɛ babauu kɛ be nɔ kɛ haa wɔ, níhi nɛ wa be nyɛe ma bi, kɛ ní nɛmɛ nɛ wa juɛmi sui he po.

Somi He Ɔ

²⁰ Se nɔ nɛ nyɛɔ peɔ kɛ bee nɔ babauu pe nihi kulaa nɛ wa kpaa he pɛɛ loo wa susuu, ngɛ e he wami nɛ tsuɔ ni ngɛ wa mi ɔ nya a,

Efesobi 3:20 ပူးပေါင်းရင်းမြစ်များ

2 Korintobi 9:8

Nɔ́ tsuaa nɔ́ nɛ hia nyɛ ɔ, Mawu ma ha nyɛ fuu kɛ be nɔ; nɔ́ ko nɔ́ ko be nyɛ hiae, nɛ nyɛ ma na fuu kɛ be nɔ kɛ tsu ní tsumi kpakpa slɔɔtohi.

Romabi 4:21

Ejakaa Abraham he ye wawɛɛ kaa si nɛ Mawu wo lɛ ɔ, e maa ye nɔ.

Yeremia 32:27

“Imi ji Yawɛ; nimli adesahi tsuo a Mawu ji mi. Anɛ nɔ́ ko peemi wa ha mi lo?

Yuda 1:24

Lɛ nɔ nɛ e ngɛ he wami nɛ e kɛ maa hyɛ nyɛ nɛ nyɛ be si nɔe, nɛ e maa hɛɛ nyɛ kɛ bua jɔmi kɛ ba e hɛ mi nyami klɔuklɔu ɔ mi nɛ piami ko be nyɛ he hie ɔ,

1 Korintobi 2:9

Se, kaa bɔ nɛ a ngma a, “Nɔ́ nɛ hɛngmɛ nɛ́ hyɛ, Nɔ́ nɛ tue nui hyɛ, Nɔ́ nɛ adesa ko juɛmi sui he ɔ, Lɔ ɔ nɔuu Mawu dla ngɔ to nihi nɛ suɔ lɛ.”

Efesobi 1:19

Jehanɛ ɔ hu nyɛ ma yɔse kaa Mawu he wami kpetekpleenyɛ nɛ ngɛ ní tsue ngɛ wɔ nihi nɛ wa heɔ yeɔ ɔ wa mi ɔ,

Yeremia 32:17

“Nyɔmtsɛ Mawu, mo lɛ o kɛ o he wami kpetekpleenyɛ pee hiɔwe kɛ zugba; nɔ́ ko nɔ́ ko peemi wɛ ha mo.

Hebribi 7:25

Lɔ ɔ he ɔ, nihi tsuo nɛ maa gu e nɔ kɛ ba Mawu ngɔ, amlɔ nɛ ɔ jio, hwɔɔ se jio, e ma he a yi wami. Ejakaa e ngɛ kɛ yaa neneene, nɛ e ngɛ Mawu pɛɛ kpae ha mɛ.

Efesobi 3:7

Mawu dloo mi nike ní pɔtɛɛ ko kaa sane kpakpa a fiɛlɔ, nɛ ma kɛ sɔmɔ lɛ. E he wami ɔ nɛ e kɛ tsu nɔ́ nɛ ɔ.

Romabi 16:25

Nyɛ ha wa je Mawu yi. Lɛ nɛ e ma ha nyɛ hemi kɛ yemi ɔ mi maa wa ngɛ Yesu Kristo he sane kpakpa a nɛ i fiɛ ha nyɛ ɔ mi. Kɛ je blema lokoo ɔ, nɔ ko nɔ ko li anɔkuale nɛ ɔ.

Matsɛmɛ I, 3:13

Jehanɛ, nɔ́ nɛ o bi we tete hu ma ha mo; o wami ligbi ɔmɛ tsuo ɔ, ma ha o ma na ní, nɛ o hɛ mi maa ba nyami bɔ nɛ matsɛmɛ ɔmɛ a ti nɔ ko nɔ ko kɛ mo be sɔe.

Mose I, 17:1

Benɛ Abram ye jeha nyingmi nɛɛ kɛ nɛɛ ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji Mawu Ope ɔ nɛ. Moo bu mi, nɛ o pee nɔ́ nɛ da daa.

Daniel 3:17

Mawu nɛ ma nyɛ je wɔ kɛ je flɔɔnɔɔ kɛ e mi la nɛ ngɛ tsoe gegeege ɔ mi ɔ ji Mawu nɛ wa sɔmɔɔ ɔ nɛ; lɛ nɛ e ma je wɔ kɛ je o dɛ mi ɔ nɛ.

Kolosebi 1:29

Enɛ ɔ he ɔ, i kɛ Kristo he wami kpetekpleenyɛ ɔ nɛ ngɛ ye mi ɔ gboɔ dengme wawɛɛ kɛ tsuɔ ní.

Kronika II, 25:9

Amazia bi gbalɔ ɔ ke, “Lɛɛ sika hiɔ nɛ jiɔmi ji kilo akpe etɛ kɛ e nya lafa eywiɛ nɛ i ngɔ kɛ ha Israel tabo ɔ, mɛni wa maa pee ngɛ he?” Gbalɔ ɔ he nɔ ke, “Yawɛ ma nyɛ ma ha mo nɔ́ nɛ hiɛ pe ja!”

Yohane 10:10

Se julɔ ɔ lɛɛ ke e ba a, e ba juɔ; e gbeɔ to ɔmɛ, nɛ e kpataa a hɛ mi. Imi lɛɛ i ba, konɛ nyɛ na wami, nɛ nyɛ na kɛ be nɔ.

Mose II, 34:6

Lɔ ɔ se ɔ, Yawɛ ba be ngɛ Mose hɛ mi, nɛ e de kɛ gbi wawɛɛ ke, “Imi Yawɛ ɔ, Mawu mɔbɔ nalɔ, kɛ dloolɔ ji mi; ye mi mi fu we mla, nɛ ye suɔmi kɛ anɔkuale yemi hiɛ babauu.

Yakobo 4:12

Mawu pɛ ji mlaa wolɔ kɛ kojolɔ. Lɛ nɔ kake nɔuu pɛ lɛ e ngɛ he wami nɛ e kɛ heɔ nɔ yi wami, nɛ e kɛ kpataa nɔ hɛ mi hulɔ. Se moo lɛɛ mɛnɔ ji mo, nɛ o kojoɔ o nyɛmi adesa?

1 Timoteo 1:14

Se wa Nyɔmtsɛ ɔ dloomi babauu ɔ nya a, suɔmi, kɛ hemi kɛ yemi nɛ Mawu haa nihi tsuo nɛ ngɛ Kristo Yesu mi ɔ, imi hu i ná.

Daniel 6:20

Benɛ e ya su lejɛ ɔ, e kɛ he hiami kpa ngmlaa tsɛ Daniel ke, “Daniel, mo Mawu hɛ kalɔ ɔ tsɔlɔ! Anɛ o Mawu ɔ nɛ o sɔmɔɔ lɛ daa a nyɛ́ je mo kɛ je jata amɛ a dɛ mi lo?”

Hebribi 11:19

Abraham he ye kaa Mawu ngɛ he wami nɛ e kɛ ma tle Isak si kɛ je gbeje tete. Nɛ ke a ma de ngɛ blɔ ko nɔ ɔ, Mawu tle lɛ si kɛ je gbeje ha Abraham niinɛ.

Yesaya 55:7

Nyɛ yiwutsotsɛmɛ, nyɛ kpa awi yemi, nyɛ yayami peeli, nyɛ ko susu nɔ́ yaya hu. Nyɛɛ kpale kɛ ba Yawɛ, wa Mawu ɔ ngɔ. E naa mɔbɔ, nɛ be tsuaa be ɔ, e kɛ nɔ tɔmi paa.

2 Petro 1:11

Kɛkɛ ɔ, Mawu ma ha nyɛ blɔ nɛ nyɛ maa sɛ wa Nyɔmtsɛ, kɛ wa kpɔlɔ Yesu Kristo matsɛ yemi ɔ mi.

Yesaya 35:2

Niinɛ mɔmɔ babauu maa puɛ ngɛ nɔ, nɛ e kɛ bua jɔmi ma he ose ngɛ mɔmɔ ɔmɛ a he; e maa pee fɛu kaa Lebanon yo ɔmɛ a nɔ; e maa ba ní kaa Karmel kɛ Sharon zugba a. Nɔ tsuaa nɔ maa na Yawɛ hɛ mi nyami, kɛ wa Mawu ɔ we agboje, kɛ e he wami ɔ.

Mateo 3:9

Nyɛ ko susu kaa ke nyɛ de kɛkɛ ke nyɛ nɛ̃ ji Abraham ɔ, nɛ tue gblami ko be nyɛ nɔ bae. I ngɛ nyɛ dee ke, Mawu ma nyɛ ngɔ tɛ nɛ ɔmɛ kɛ pee Abraham nina!

Samuel II, 7:19

Se Nyɔmtsɛ Yawɛ, enɛ ɔ lɛɛ e ji nɔ́ ko bɔbɔyoo kɛkɛ ngɛ o hɛ mi. O wo si hu kaa o tsɔlɔ ɔ nina maa hiɛ babauu hwɔɔ se. Nyɔmtsɛ Yawɛ, o je nɔ́ nɛ ɔ ngɔ tsɔɔ nɔmlɔ adesa!

Lahi 5:1

Ye nyɛmiyo; ye we ayɛflo nɛ i suɔ mo saminya, i ba ye we abɔɔ ɔ mi. I ngɛ ye tsopa kɛ e he via, kɛ mimɛ nya buae. I ngɛ ye hwo kɛ hwo gbaku yee. I ngɛ ye wai kɛ nyɔ nyu nue. Huɛmɛ, nyɛɛ ye ní nɛ nyɛɛ nu ní. Nyɛ suɔmi ɔ nɛ de nyɛ kaa dã!

Kronika II, 9:12

Matsɛ Salomo ha Sheba manyɛ ɔ nɔ́ tsuaa nɔ́ nɛ e bi lɛ ɔ; slo níhi tsuo nɛ e kɛ to nike ní nɛ manyɛ ɔ ba ha lɛ ɔ nane mi. Pee se ɔ, manyɛ ɔ kɛ e tsɔli ɔmɛ kpale a se kɛ ho Sheba zugba a nɔ ya.