Efesobi 3:18 - BAIBLO ALOO NGMAMI KLƆUKLƆU Ɔ

¹⁸ Kɛkɛ ɔ, nyɛɛ kɛ ni klɔuklɔu ɔmɛ tsuo nyɛ ma yɔse suɔmi nɛ Kristo ngɛ kɛ ha nyɛ ɔ mi blimi, e kami, kɛ e mi kuɔmi.

Somi He Ɔ

¹⁸ konɛ nyɛ na he wami, nɛ nyɛɛ kɛ ni klɔuklɔu ɔmɛ kulaa nɛ yɔse nɔ́ nɛ ji blimi kɛ kami kɛ mi kuɔmi kɛ hiɔwe yami ɔ,

Efesobi 3:18 ပူးပေါင်းရင်းမြစ်များ

Kronika II, 6:41

Yawɛ Mawu, jehanɛ lɛɛ moo te si nɛ o ba sɛ o we ɔ mi, he nɛ somi daka a nɛ tsɔɔ o he wami ɔ ngɛ ɔ. Moo gbaa o we osɔfo ɔmɛ kɛ yi wami hemi, konɛ nihi nɛ yeɔ mo anɔkuale ɔ nɛ a na bua jɔmi ngɛ ní kpakpahi nɛ o peeɔ kɛ haa mɛ ɔ a he.

La 103:17

Se Yawɛ suɔmi nɛ be nyagbe ɔ ngɛ kɛ ha nihi nɛ yeɔ lɛ gbeye. A weku kɛ nina hu Yawɛ maa pee mɛ kpakpa daa,

La 116:15

Yawɛ ni klɔuklɔu ɔmɛ a gbenɔ dɔɔ lɛ wawɛɛ.

La 132:9

Ha nɛ o we osɔfo ɔmɛ nɛ a pee nɔ́ nɛ da be tsuaa be, nɛ o ni klɔuklɔu ɔmɛ nɛ a hwɔ lele!

La 139:6

Bɔ nɛ o le mi fitsofitso ɔ ngɛ nyakpɛ tsɔ. Nile nɛ ɔ mi kuɔ pe bɔ nɛ ma nyɛ ma nu sisi.

La 145:10

Yawɛ, níhi nɛ o pee ɔ tsuo maa na mo si, nɛ o ni klɔuklɔu ɔmɛ ma je o yi!

Yesaya 55:9

Bɔ nɛ hiɔwe kɛ zugba a kpɛti kɛ ɔ, ja ye blɔ ɔmɛ, kɛ nyɛ blɔ ɔmɛ a kpɛti kɛ, nɛ ja nɔuu ye susumi ɔmɛ hu pã nyɛ susumi ɔmɛ.

Zakaria 14:5

Nyɛ maa tu fo kɛ maa gu kɔ̃ ɔ nɛ gba yo ɔ mi enyɔ ɔ mi, ejakaa kɔ̃ ɔ nɛ gba Yawɛ yo ɔ mi enyɔ ɔ ma ya su Azal tɔɔ. Nyɛ maa tu fo kaa bɔ nɛ nyɛ pee blema ngɛ Yuda matsɛ, Uzia yi nɔ, benɛ zugba mimiɛ ɔ. Yawɛ, ye Mawu ɔ maa ba kɛ ni klɔuklɔu ɔmɛ tsuo.

Yohane 15:13

Suɔmi nɛ se be ji kaa nɔ ko maa ngɔ e wami ngɔ fɔ si ngɛ e huɛmɛ a he.

Romabi 10:3

Blɔ nɔ nɛ Mawu guu kɛ buu nɔ nɔ nɛ da a, a li, nɛ a hlaa kaa a ma wo mɛ nitsɛmɛ a blɔ. Lɔ ɔ he ɔ, a ngɔɛ a he ngɔ ha we Mawu, konɛ e bu mɛ nihi nɛ da.

2 Korintobi 13:13

Wa Nyɔmtsɛ Yesu Kristo dloomi ɔ, kɛ Mawu suɔmi ɔ, kɛ Mumi Klɔuklɔu huɛ bɔmi ɔ kɛ nyɛ tsuo nɛ hi si.

Galatabi 2:20

Lɔ ɔ he ɔ, jehanɛ lɛɛ, pi imi nitsɛ nɛ i ngɛ wami mi hu; se Kristo lɛ e hɛ ngɛ ngɛ ye mi. Mawu Bi ɔ suɔ mi, nɛ e ngɔ e wami ngɔ ha ngɛ ye he; nɛ imi hu i he lɛ ye. Lɔ ɔ lɛ ha nɛ i ngɛ wami mi amlɔ nɛ ɔ nɛ.

Galatabi 3:13

Wa he ɔ, Kristo ba plɛ nɔ nɛ a gbiɛ lɛ, konɛ gbiɛmi nɛ ko ba wa nɔ ngɛ mlaa a nya a, e je wɔ kɛ je mi. Ejakaa a ngma ke, “Nɔ tsuaa nɔ nɛ a sɛu lɛ ngɛ sɛumi tso nɔ ɔ, a gbiɛ lɛ.”

Efesobi 1:10

Nɔ́ nɛ Mawu to nɛ e maa pee ke be ɔ su ɔ ji kaa e ma ha nɛ bɔ níhi tsuo maa pee kake, níhi nɛ ngɛ hiɔwe, kɛ ní nɛmɛ nɛ ngɛ zugba a nɔ. Nɛ Kristo maa ye matsɛ ngɛ mɛ tsuo a nɔ.

Efesobi 1:15

Enɛ ɔ he je ɔ, kɛ je benɛ i nu kaa nyɛ heɔ Nyɔmtsɛ Yesu Kristo yeɔ saminya, nɛ Mawu we bi ɔmɛ hu nyɛ suɔ mɛ ja nɔuu ɔ,

Efesobi 3:19

Ee, nyɛ ma ba yɔse Kristo suɔmi nɛ nɔmlɔ adesa juɛmi sui he ɔ, nɛ nyɛ su maa hi kaa Mawu nitsɛ su.

Kolosebi 1:4

Ejakaa hemi kɛ yemi nɛ nyɛ ngɛ ngɛ Kristo Yesu mi, kɛ suɔmi nɛ nyɛɛ kɛ suɔ ni klɔuklɔu ɔmɛ tsuo ɔ, wa nu he.

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

Kpojemi 3:21

Ni nɛmɛ nɛ maa ye kunimi ɔ, ma ha mɛ blɔ nɛ a maa hi ye kasa nya ngɛ ye matsɛ sɛ ɔ nɔ kaa bɔ nɛ imi hu i ye kunimi, nɛ amlɔ nɛ ɔ, i hii si ngɛ Tsaatsɛ kasa nya ngɛ e matsɛ sɛ ɔ nɔ ɔ.