Efesobi 3:13 - BAIBLO ALOO NGMAMI KLƆUKLƆU Ɔ

¹³ Lɔ ɔ he ɔ, i kpa nyɛ pɛɛ, nyɛ ko ye nyɛ tsui kaa i ngɛ nɔ́ nae ngɛ nyɛ he. I ngɛ nɔ́ nae, konɛ nyɛɛ lɛɛ nyɛ hɛ mi nɛ ba nyami.

Somi He Ɔ

¹³ Lɔ ɔ he ɔ, i ngɛ pɛɛ kpae, konɛ nyɛ tsui ko po ngɛ ye nɔ́ nɛ i ngɛ nae ngɛ nyɛ he ɔ he, ejakaa nyɛ hɛ mi nyami ʼi.

Efesobi 3:13 ပူးပေါင်းရင်းမြစ်များ

Zefania 3:16

Be ma, nɛ a ma de Yerusalem ke, “Zion, koo ye gbeye! O kɔni nɛ ko gbo!

Ni Tsumi 14:22

A wo nihi nɛ he ye ɔ he wami, konɛ a hemi kɛ yemi mi nɛ wa. A tsɔɔ mɛ hulɔ kaa, “E sa kaa waa gblee amanehlu babauu mi kɛ sɛ Mawu matsɛ yemi ɔ mi.”

2 Korintobi 1:6

Ke wa ngɛ amanehlu nae ɔ, e baa konɛ Mawu nɛ wo nyɛ bua nɛ e he nyɛ yi wami. Be tsuaa be nɛ Mawu maa wo wɔ bua a, nyɛ hu nyɛ naa jamɛ a bua womi ɔ eko. Enɛ ɔ haa nɛ ke nyɛ ngɛ amanehlu nae kaa wɔ ɔ, nyɛ toɔ nyɛ tsui si.

2 Korintobi 4:1

Akɛnɛ Mawu naa mɔbɔ he je ɔ, e ha wɔ ní tsumi nɛ ɔ ke wa tsu. Lɔ ɔ he ɔ, wa kɔni mi jɔ̃ we.

Galatabi 6:9

Lɔ ɔ he ɔ, wa ko ha nɛ kpakpa peemi nɛ gbe wa nya; ejakaa ke wa kɔni mi wui nyu ɔ, ní kpami be ɔ, wa ma na he se.

Efesobi 3:1

Mawu pee Yuda bi, kɛ nyɛ ma je li tsuo kake. Enɛ ɔ he ɔ, a wo imi Paulo tsu ngɛ Kristo Yesu, kɛ nyɛ hu nyɛ he.

Mose V, 20:3

‘Nyɛɛ bu tue, Israel bi! Mwɔnɛ ɔ, nyɛ su ta nya. Nyɛ ko ye nyɛ he nyɛli ɔmɛ gbeye, nyɛ kã nɛ ko ta, nɛ nyɛ ko nu sawale.

Filipibi 2:18

Jã nɔuu kɛ̃ nyɛ hu nyɛ bua nɛ jɔ, nɛ nyɛɛ kɛ mi nɛ nya.

Kolosebi 1:24

Amlɔ nɛ ɔ, e peeɔ mi bua jɔmi kaa nyɛ he ɔ, i ngɛ nɔ́ nae, konɛ nɔ́ nɛ piɛ ngɛ dengme nɛ Kristo ba gbo ngɛ asafo ɔ nɛ ji e nɔmlɔ tso ɔ he ɔ, ma gbe nya ngɛ ye he lo nɛ ɔ mi.

2 Tesalonikabi 3:13

Nyɛmimɛ, nyɛ ko ha pɔ nɛ tɔ nyɛ kɛ nɔ́ kpakpa peemi.