Efesobi 3:10 - BAIBLO ALOO NGMAMI KLƆUKLƆU Ɔ

¹⁰ E pee enɛ ɔ, konɛ jehanɛ lɛɛ nɔ yeli tsuo, kɛ nihi nɛ ngɛ tsɛ yee ngɛ hiɔwe ɔ nɛ a na bɔ nɛ Mawu juɛmi mi kuɔ, kɛ bɔ nɛ asafo ɔ ngɛ ní tsue nɛ Mawu yi mi tomi ɔ nɛ ba mi.

Somi He Ɔ

¹⁰ konɛ jehanɛ a gu asafo ɔ nɔ nɛ a ha nikɔtɔmahi kɛ nihi nɛ ngɛ he blɔ ngɛ hiɔwe nihi a mi ɔ nɛ a le Mawu ni lemi nɛ hiɛ babauu ɔ,

Efesobi 3:10 ပူးပေါင်းရင်းမြစ်များ

La 103:20

Nyɛ, Yawɛ Mawu bɔfohi, nyɛ katsɛmɛ nɛ nyɛ buɔ lɛ, nɛ nyɛ yaa tsɔmi ha lɛ; nyɛ je Yawɛ yi!

La 104:24

Yawɛ, hyɛ kaa o pee níhi babauu! Nile o kɛ pee lɛ tsuo pɛpɛɛpɛ. O nibɔ níhi hyi je ɔ mi tɔ.

Ezekiel 3:12

Kɛkɛ nɛ Mawu mumi ɔ wo ye nɔ, nɛ i nu gbi nguaa ko nɛ ngɛ pɛe ngɛ ye se je ke, “Á je Yawɛ yi, nɛ a wo e hɛ mi nyami ngɛ hiɔwe lokoo.”

Romabi 11:33

Niatsɛ mi niatsɛ ji Mawu! Hyɛ bɔ nɛ e nile, kɛ juɛmi hiɛ ha! Mɛnɔ le bɔ nɛ e toɔ e yi mi ha? Blɔ nɔ nɛ e guu kɛ tsuɔ ní ɔ, mɛnɔ le?

Romabi 8:38

Ejakaa i ngɛ nɔ mi mami kaa gbenɔ jio, wami jio, hiɔwe bɔfohi jio, nɔ yeli kpa komɛ nɛ ngɛ hiɔwe jio, níhi nɛ ngɛ jio, níhi nɛ maa ba jio, he wami kpa ko jio,

1 Korintobi 1:24

Ee, nihi nɛ Mawu hla a, Yuda bi jio, Hela bi jio, mɛɛ a le kaa Kristo ji Mawu he wami, kɛ e nile.

1 Korintobi 2:7

Nile nɛ i ngɛ fiɛe ɔ ji nyakpɛ nɔ́ ko nɛ Mawu ngɔ kɛ laa adesa. Loko a bɔ je ɔ, Mawu hla nile nɛ ɔ ngɔ to momo nɛ e kɛ wo wa hɛ mi nyami.

Efesobi 1:21

Lejɛ ɔ Kristo ngɛ tsɛ yee ngɛ kɛ he wami kpetekpleenyɛ nɛ pã nihi tsuo nɛ ngɛ tsɛ yee ngɛ hiɔwe a he wami. Biɛ nɛ Kristo hɛɛ ɔ hu pã biɛhi tsuo ngɛ je nɛ ɔ, kɛ je nɛ maa ba a tsuo mi.

Efesobi 1:23

Asafo ɔ ji Kristo nɔmlɔ tso nɛ haa níhi tsuo a he suu. Kristo haa níhi tsuo a he suu ngɛ he tsuaa he.

Efesobi 1:3

Sina ha Mawu, wa Nyɔmtsɛ Yesu Kristo Mawu ɔ, kɛ e Tsɛ ɔ! Ejakaa nɛ wa ngɛ Kristo mi ɔ, Mawu dloo wɔ mumi mi ní kpakpahi tsuo nɛ ngɛ hiɔwe ɔ.

Efesobi 1:8

Niinɛ, e ha wɔ kɛ be nɔ po! Mawu ngɔ e nile, kɛ e juɛmi

Efesobi 6:12

Ejakaa pi he lo kɛ muɔ nɛ waa kɛ ngɛ ta hwue ɔ. He nyɛli nɛ waa kɛ mɛ ngɛ ta hwue ɔ ji nɔ yeli, kɛ nihi nɛ hɛɛ blɔ nyahi, mumi yayami kpetekpleenyɛhi nɛ ngɛ je nɛ ɔ mi diblii ɔ mi, kɛ mumihi nɛ ngɛ kɔɔhiɔ mi nɛ peeɔ yi wu tso níhi.

Kolosebi 1:16

Ejakaa e nɔ lɛ Mawu gu kɛ bɔ nɔ́ tsuaa nɔ́ ngɛ hiɔwe kɛ zugba, níhi nɛ a naa, kɛ ní nɛmɛ nɛ a nɛ́. Ekomɛ ji nihi nɛ ngɛ he wami nɛ a kojoɔ nihi, nihi a nɔ yeli, kɛ nihi nɛ hɛɛ he wami kpahi. Mawu gu Kristo nɔ kɛ bɔ níhi tsuo, nɛ Kristo nɔuu a bɔ mɛ ha.

Kolosebi 2:10

Nyɛɛ kɛ Kristo pee kake, lɔ ɔ he ɔ, Kristo nɛ ji yi ha nɔ yeli tsuo ɔ su ngɛ nyɛ mi.

Kolosebi 2:15

Kristo kpɔ he wami ngɛ mumi mi nɔ yeli, kɛ he wami ɔmɛ a dɛ. E bɔ mɛ ahlua paa, nɛ e kɛ tsɔɔ je ɔ kaa niinɛ e ye kunimi.

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

1 Petro 1:12

Mawu je tsɔɔ gbali nɛ ɔmɛ kaa ní tsumi nɛ a ngɛ tsue ɔ, pi mɛ nitsɛmɛ nɛ a ma na he se, se nyɛ mohu. Amlɔ nɛ ɔ, a fiɛ sane kpakpa ngɔ ha nyɛ tsuo. Mumi Klɔuklɔu ɔ nɛ a tsɔ kɛ je hiɔwe, nɛ e kɛ mɛ tu munyu ɔ, lɛ nɔuu e he wami a kɛ fiɛ ha nyɛ. Ní nɛ ɔmɛ ji níhi nɛ bɔfo ɔmɛ tete ko suɔ kaa a maa nu sisi.

1 Petro 3:22

Yesu Kristo ho hiɔwe ya; e ya hii si ngɛ Mawu hiɔ nɔ, nɛ e ngɛ bɔfohi, kɛ mumi mi níhi tsuo nɛ ngɛ he wami a nɔ yee.