Efesobi 2:3 - BAIBLO ALOO NGMAMI KLƆUKLƆU Ɔ

³ Niinɛ, sa a, wɔ tsuo pɛpɛɛpɛ wa ngɛ kaa mɛ; nɛ akɔnɔ yaya nɛ ngɛ wa mi ɔ jeɔ kpo ngɛ wa ní peemi níhi a mi. Níhi nɛ wa nɔmlɔ tso ɔ, kɛ wa juɛmi suɔ ɔ, lɔ ɔmɛ wa peeɔ. Akɛnɛ adesa kɛkɛ ji wɔ kaa bɔ nɛ nihi tsuo ngɛ ɔ, e fɔɔ si paa kaa Mawu maa gbla wa tue. Mawu mi mi fu wɔ kaa bɔ nɛ e mi mi fu adesahi tsuo ɔ, ejakaa wa pee yayami kɛ si lɛ.

Somi He Ɔ

³ kɔlɔ ɔmɛ a mi wɔ tsuo hu wa ba wa je mi ngɛ sa ngɛ wa he lo akɔnɔ ɔmɛ a mi, nɛ wa tsu nihi nɛ he lo kɛ juɛmi suɔ ɔ, nɛ wa ji Mawu muklii mi fumi bimɛ ngɛ wa fɔmi su ɔ nya kaa nihi nɛ piɛ ɔmɛ nɔuu.

Efesobi 2:3 ပူးပေါင်းရင်းမြစ်များ

Tito 3:3

Ejakaa sa a, wɔ nitsɛmɛ hu wa je kuasia; wa gbo tue, nɛ wa tla blɔ. Wa ya di akɔnɔ yaya, kɛ he lo mi níhi nɛ haa wɔ bua jɔmi a se. Wa susuu nihi a he yayami, nɛ wa hɛ kɔ̃ɔ̃; nɔ́ peeɔ wɔ tai, nɛ wa nyɛɛ wa sibi.

1 Petro 1:14

Nyɛɛ bu Mawu tue. Akɔnɔhi nɛ hao nyɛ benɛ nyɛ li anɔkuale ɔ lolo ɔ, nyɛ ko ya nyɛɛ se hu.

Efesobi 4:22

Lɔ ɔ he ɔ, bɔ nɛ nyɛ ba nyɛ je mi saa ngɛ nɔmlɔ su momo ɔ nya, nɛ nyɛ ya nyɛɛ akɔnɔ yayahi nɛ puɛɔ nɔ a se ɔ, nyɛ kpa!

Romabi 13:14

Nyɛ ha Nyɔmtsɛ Yesu nɛ pee kaa tade nɛ nyɛ wo; nyɛ ko susu he lo nya níhi a he, ke pi ja a, e ma jlo nyɛ kaa nyɛ pee.

Romabi 6:12

Nyɛ ko ha nɛ yayami nɛ ye nyɛ nɔmlɔ tso nɛ gboɔ ɔ nɔ hu. Nyɛ ko di nɔmlɔ tso ɔ we akɔnɔ níhi a se.

La 51:5

Kɛ je be nɛ a fɔ mi ɔ, yayami peelɔ ji mi. Loko ye nyɛ ngɔ mi hɔ po, yayami ngɛ ye he.

1 Yohane 2:16

Nɔ́ tsuaa nɔ́ nɛ ngɛ je nɛ ɔ mi ɔ, je ɔ mi e je. Níhi nɛ he lo ɔ dii se, níhi nɛ hɛngmɛ dii se, kɛ níhi nɛ nihi fĩaa kɛ fɔɔ nɔ ɔ, lɛ tsuo je je nɛ ɔ mi; ekoeko ji Tsɛ ɔ ngɔ.

Efesobi 2:2

Jamɛ a be ɔ, nɔ́ nɛ je nɛ ɔ peeɔ ɔ, lɔ ɔ nyɛ hu nyɛ peeɔ. Nyɛ ya nyɛɛ nɔ nɛ yeɔ mumi yayami ɔmɛ a nɔ ngɛ kɔɔhiɔ mi ɔ se. Nihi nɛ gboɔ Mawu tue ɔ, mumi nɛ ɔ lɛ ngɛ ní tsue ngɛ a mi amlɔ nɛ ɔ.

Yohane 8:44

Nyɛ tsɛ nɛ fɔ nyɛ ji Abosiami; nɛ nyɛ suɔ kaa nyɛ maa pee e suɔmi nya ní. Kɛ je sisije ɔ, nɔ gbelɔ ji lɛ, nɛ e kɛ anɔkuale yi gblegbleegble, ejakaa anɔkuale be e mi. Ke e ye lakpa a, e tsɔɔ bɔ nɛ e su ngɛ, ejakaa lakpatsɛ kpanaku ji lɛ.

2 Korintobi 7:1

Siwohi nɛ wa na kɛ je Mawu dɛ mi ji nɛ ɔmɛ nɛ. Lɔ ɔ he ɔ, ye nyɛmimɛ nyɛ ha wa je níhi tsuo nɛ woɔ wa nɔmlɔ tso, kɛ mumi he mu kɛ ya se, konɛ wa he nɛ tsɔ kulaa kɛ hi si ngɛ Mawu gbeye yemi nya.

1 Korintobi 4:7

Mɛnɔ lɛ pee mo slɔɔto pe ni kpahi? Mɛni ngɛ o dɛ nɛ pi Mawu nɛ ha mo? Ke Mawu lɛ ha mo ɔ, lɛɛ mɛni he je mɔ nɛ o fĩaa kaa nɔ́ nɛ pi nɛ a kɛ ke mo ɔ?

Romabi 7:18

I le kaa nɔ́ kpakpa ko be ye he lo su ɔ mi. Ejakaa nɔ́ kpakpa jloɔ mi nɛ ma pee, se i nyɛ we.

Marko 4:19

se je nɛ ɔ mi he nya gbami, ní nami he suɔmi, kɛ ní kpahi a he akɔnɔ sɛɛ a mi, nɛ a gbee munyu ɔ ngɛ a mi, nɛ a wui yiblii.

Mose I, 6:5

Benɛ Yawɛ na kaa nimlihi a yi mi wa, nɛ nɔ́ yaya pɛ a susuɔ daa nɛ ɔ,

Romabi 11:30

Nyɛ ma je li, sa a, nyɛ bui Mawu, se jehanɛ lɛɛ Mawu na nyɛ mɔbɔ, ejakaa Yuda bi ɔmɛ hu ba gbo tue.

Romabi 9:22

Anɛ kaa Mawu suɔ nɛ a le bɔ nɛ e mi mi la ngɛ, kɛ e he wami ɔ, jinɛ e ko kpata nihi nɛ woɔ e mi mi la a a hɛ mi pɛsɛpɛsɛ. Se e to e tsui si babauu ha mɛ.

Yohane 1:13

A pee mɛ Mawu bimɛ, pi ngɛ he lo nya kaa nyumu fɔɔ bi aloo nɔmlɔ adesa suɔmi nya; Mawu mi a je kɛ fɔ mɛ.

Yesaya 53:6

Wɔ tsuo wa ngɛ kaa tohi nɛ laa blɔ; nɔ tsuaa nɔ ngɔ lɛ nitsɛ e blɔ. Se tue gblami nɛ sa wɔ tsuo ɔ, Yawɛ ngɔ kɛ ha lɛ.

Hiob 25:4

Lɛɛ kɛ a maa pee kɛ bu nɔmlɔ dalɔ ngɛ Mawu hɛ mi kɛɛ? Nɔmlɔ nɛ yo fɔ lɛ ɔ, kɛ e maa pee kɛɛ nɛ e he ma tsɔ?

Hiob 14:4

Anɛ nɔmlɔ adesa ko ngɛ nɛ he tsɔ kɛ pi si lo? Dɛbi! Nɔ ko be.

Mose I, 8:21

Yawɛ nu bɔ ɔ he via, nɛ e ná he bua jɔmi. Kɛkɛ nɛ e de e he ke, “I be níhi nɛ wami ngɛ a mi ɔ tsuo a hɛ mi kpatae kikɛ nɛ ɔ hu kɔkɔɔkɔ.

2 Petro 2:18

Akɛnɛ nya puu munyu nguahi jeɔ a nya he je ɔ, a guu he lo akɔnɔ níhi a nɔ nɛ a kɛ ya sisiɔ nihi nɛ je si himi yaya nɛ dɛ blɔ mi kɛ́ we.

2 Petro 2:14

A hɛngmɛ hyɛ we nɔ́ kpa ko kaa ja yihi yaholi pɛ. Pɔ tɔɛ mɛ kɛ yayami peemi. A sisiɔ nihi nɛ gbɔjɔ, nɛ a naa a he blɔ. A kase jiklɔɔ peemi, nɛ a le saminya. Mawu gbiɛ mɛ pɛ!

1 Timoteo 6:9

Nihi nɛ hlaa kaa a na ní ɔ, a sɛɛ ka mi. A ya dii kuasia níhi, kɛ akɔnɔ yayami se. Enɛ ɔ haa nɛ a hemi kɛ yemi taa, nɛ a hɛ mi kpataa.

Galatabi 3:22

Se ngmami ɔ deɔ ke, “Je ɔ tsuo hyi tɔ kɛ yayami sɔuu.” Lɔ ɔ he ɔ, nike ní nɛ a wo he si ɔ, nihi nɛ heɔ Yesu Kristo yeɔ ɔ, mɛ pɛ lɛ a nine maa su nɔ.

Romabi 1:24

Lɔ ɔ he ɔ, Mawu ngmɛɛ a he, nɛ a ya nyɛɛ akɔnɔ yaya nɛ ngɛ a tsui nɔ ɔ se; nɛ a kɛ a sibi tsu mu níhi kɛ pue a nɔmlɔ tso ɔ hɛ mi si.

1 Yohane 2:8

Se kɛ̃ ɔ, mlaa nɛ i ngɛ ngmae nɛ nyɛɛ ye nɔ nɛ ɔ, mlaa he, ejakaa a naa e we anɔkuale ɔ nɛ ngɛ ní tsue ngɛ nyɛ mi kaa bɔ nɛ e tsu ní ngɛ Kristo mi ɔ. Diblii ɔ ngɛ bee kɛ yaa, nɛ la nitsɛ ɔ bɔni kpɛmi momo.

Ni Tsumi 14:16

Blema be ɔ mi ɔ, Mawu ngmɛ je ma amɛ blɔ nɛ a nyɛɛ bɔ nɛ mɛ nitsɛmɛ a suɔ.

Mose I, 5:3

Benɛ Adam ye jeha 130 ɔ, e fɔ binyumu ko nɛ je lɛ saminya, nɛ e wo lɛ biɛ ke Set.

Romabi 2:14

Ke ma je li ɔmɛ nɛ yi Mose mlaa a nɔ ngɛ a fɔmi su ɔ nya a tsuɔ mlaa a nya ní ɔ, a peeɔ mlaa ha mɛ nitsɛmɛ a he; pohu mlaa ko yi a nɔ.

Romabi 5:9

Lɔ ɔ he ɔ, jehanɛ ɔ nɛ a gu Kristo muɔ nɛ pue si ɔ nɔ wo wɔ nguɔ ɔ, a maa gu e nɔ hluu tsɔ kɛ kpɔ wɔ kɛ je Mawu mi mi la a mi.

Romabi 5:10

Jinɛ sa a, Mawu he nyɛli ji wɔ, se kɛ gu e Bi ɔ gbenɔ ɔ nɔ ɔ, a kpata waa kɛ Mawu wa kpɛti. Lɔ ɔ he ɔ, amlɔ nɛ ɔ nɛ a kpata waa kɛ Mawu wa kpɛti ɔ, e ma he wa yi wami hluu tsɔ ngɛ e Bi ɔ wami ɔ mi.

Kolosebi 1:21

Sa a, nyɛɛ kɛ Mawu nyɛ kpɛti kɛ saminya, nɛ nyɛ pee nyɛ he e he nyɛli. Nyɛ peeɔ ní yayamihi, nɛ nyɛ susuɔ ní yayamihi hulɔ.

1 Tesalonikabi 4:13

Nyɛmimɛ, wa suɔ kaa nyɛɛ le anɔkuale sane nɛ kɔɔ nihi nɛ gbo ɔ a he, konɛ nyɛ ko ye kɔmɔ kaa nihi nɛ be hɛ kɛ nɔ fɔmi.

1 Tesalonikabi 5:6

Lɔ ɔ he ɔ, wa ko hwɔ mahe kaa bɔ nɛ ni kpahi peeɔ ɔ; se mohu waa hi hɛ ngmengmle, nɛ wa hɛ mi nɛ ka si.