Efesobi 2:20 - BAIBLO ALOO NGMAMI KLƆUKLƆU Ɔ

²⁰ Sisi tomi nɛ a fia nyɛ ngɔ ma nɔ ji sɛ gbi ɔ nɛ bɔfo ɔmɛ, kɛ gbali ɔmɛ fiɛ ɔ; nɛ Kristo Yesu nitsɛ ngɛ kaa tsu ɔ kɔ nya tɛ.

Somi He Ɔ

²⁰ nɛ a fia nyɛ ngɔ ma bɔfo ɔmɛ kɛ gbali ɔmɛ a sisi tomi ɔ nɛ e kɔ nya tɛ ji Kristo Yesu ɔ nɔ,

Efesobi 2:20 ပူးပေါင်းရင်းမြစ်များ

Matsɛmɛ I, 7:11

E nɔ nɛ a fia a, lɔ ɔ hu tɛhi nɛ a he jua wa, nɛ a susu nɛ a kó, kɛ seda a kɛ pee.

La 118:22

Tɛ ɔ nɛ tsu fiali ɔmɛ sake fɔ he ɔ, lɔ ɔ nɔuu ba pee kɔ nya tɛ.

Abɛ Womi 9:1

Nile ma tsu, nɛ e ma titima kpaago kɛ ha tsu ɔ.

Yesaya 28:16

Lɔ ɔ he ɔ, nɔ́ nɛ Nyɔmtsɛ Yawɛ ngɛ dee ji nɛ ɔ nɛ: “I ngɛ sisi tomi ko nɛ he wa nɛ maa si kpɛii fiae ngɛ Zion; nɛ i ngɔ kɔ nya tɛ agbo ko kɛ ma mi. Nɔ́ nɛ a ngma ngɛ nɔ ji nɛ ɔ nɛ: ‘Nɔ nɛ heɔ yeɔ ɔ, e toɔ e tsui si.’

Zakaria 10:4

A ti ni komɛ maa pee kɔ nya tɛ; ni komɛ maa pee bo tsu plɛɛko, ni komɛ maa pee ta hwumi kɛ̃ɛ̃, nɛ ni komɛ hu maa pee asafoatsɛnguahi.

Mateo 16:18

Lɔ ɔ he ɔ, Petro, i ngɛ mo dee ke tɛ sa ji mo, nɛ kikɛmɛ a tɛ sa nɛ ɔ nɔ ma ma ye asafo ɔ ngɛ. Nɛ gbenɔ tete po be nyɛe maa ye e nɔ.

Mateo 21:42

Yesu de mɛ ke, “Anɛ nyɛ kane we enɛ ɔ ngɛ ngmami ɔmɛ a mi hyɛ?” Ngmami ɔ ke, “Tɛ ɔ nɛ tsu fiali ɔmɛ sake fɔ he ɔ, lɔ ɔ tutuutu ba plɛ kɔ nya tɛ. Nyɔmtsɛ ɔ lɛ pee enɛ ɔ; hyɛ bɔ nɛ e ngɛ nyakpɛ ha!”

1 Korintobi 12:28

Mawu ngɔ he ní nɛ ɔmɛ tsuo ngɔ to a blɔ hehi ngɛ asafo ɔ mi, kɛ je kekleekle blɔ he kɛ ya si nyagbe nɔ́. Mɛ ji bɔfohi, Mawu sɛ gbi fiɛli, kɛ tsɔɔli. Nihi nɛ ba ngɛ a se ji nyakpɛ ní peeli, nihi nɛ a ha mɛ he wami nɛ a kɛ tsuɔ ní komɛ, nɔ́ nɛ á kɛ tsaa nɔ, loo a kɛ yeɔ bua ni kpahi, loo a kɛ toɔ blɔ nya saminya, loo a kɛ tuɔ gbi slɔɔtohi.

Galatabi 2:9

Yakobo, Petro, kɛ Yohane nɛ a buu mɛ kaa asafo ɔ mi titimahi ɔ na paa kaa Mawu dloo mi babauu, nɛ e tu ní tsumi pɔtɛɛ nɛ ɔ ngɔ wo ye dɛ; lɔ ɔ he ɔ, mɛ hu a sa i kɛ Barnaba wa dɛ mi kɛ he wɔ atuu kaa nihi nɛ kɛ mɛ ngɛ ní tsumi kake tsue. Wa ma nya si kaa i kɛ Barnaba maa ya ma je li ɔmɛ a ngɔ, konɛ mɛɛ lɛɛ a ya Yuda bi ɔmɛ a ngɔ.

Efesobi 3:5

Yi nɔhi nɛ be ɔ, adesa li laami sane nɛ ɔ. Se jehanɛ lɛɛ Mawu gu Mumi Klɔuklɔu nɔ je kpo kɛ tsɔɔ e bɔfo klɔuklɔu ɔmɛ, kɛ gbali ɔmɛ.

Kolosebi 2:7

Nyɛɛ ngɔ nyɛ he ngɔ mɛtɛ lɛ, nɛ nyɛɛ ngɔ nyɛ he kɛ ha lɛ kulaa. Nyɛ ha nɛ nyɛ hemi kɛ yemi ɔ mi nɛ wa kaa bɔ nɛ a tsɔɔ nyɛ ɔ, nɛ nyɛɛ na Mawu si daa.

1 Petro 2:6

Ejakaa ngmami ɔ ke, “I hla tɛ ko nɛ he jua wa saminya, nɛ i kɛ ngɛ si mae ngɛ Zion kaa kɔ nya tɛ. Nɔ tsuaa nɔ nɛ heɔ lɛ yeɔ ɔ, zo be lɛ gbee kɔkɔɔkɔ.”

Kpojemi 21:14

Gbogbo nɛ bɔle ma a kɛ kpe ɔ, a fia ngɔ fɔ sisi tomi tɛ nyɔngma kɛ enyɔ nɔ, nɛ a ngma To bi ɔ bɔfo nyɔngma kɛ enyɔ ɔmɛ a biɛ ngɛ a nɔ.