Efesobi 2:16 - BAIBLO ALOO NGMAMI KLƆUKLƆU Ɔ

¹⁶ Kristo gbo ngɛ sɛumi tso ɔ nɔ ɔ nɛ e kɛ dla ni enyɔ ɔmɛ kɛ Mawu a kpɛti kaa nɔmlɔ tso kake; nɛ e ha niyɛ nɛ ngɛ a kɛti ɔ se po ninyɛ nɛ ngɛ ni enyɔ ɔmɛ a kpɛti ɔ se po.

Somi He Ɔ

¹⁶ nɛ e gu sɛumi tso ɔ nɔ kɛ dla mɛ ni enyɔ ɔmɛ kulaa a kɛ Mawu kpɛti ngɛ nɔmlɔ tso kake mi, nɛ e gbe ninye ɔ ngɛ lɛ nitsɛ e mi.

Efesobi 2:16 ပူးပေါင်းရင်းမြစ်များ

Romabi 5:10

Jinɛ sa a, Mawu he nyɛli ji wɔ, se kɛ gu e Bi ɔ gbenɔ ɔ nɔ ɔ, a kpata waa kɛ Mawu wa kpɛti. Lɔ ɔ he ɔ, amlɔ nɛ ɔ nɛ a kpata waa kɛ Mawu wa kpɛti ɔ, e ma he wa yi wami hluu tsɔ ngɛ e Bi ɔ wami ɔ mi.

Romabi 6:6

Wa le enɛ ɔ, kaa a sɛu wa nɔmlɔ tso momo ɔ ngɔ piɛ Kristo he, konɛ nɔmlɔ tso su nɛ haa nɔ peeɔ yayami ɔ hɛ mi nɛ kpata, nɛ wa ko ye nyɔguɛ ha yayami hu.

Romabi 8:3

Yayami nɛ adesa peeɔ ɔ, Mawu sume kulaa, se nɔmlɔ adesa gbɔjɔmi ɔ he je ɔ, mlaa a nyɛ we nɛ e pee he nɔ ko. Enɛ ɔ he ɔ, Mawu tsɔ lɛ nitsɛ e Bi ɔ kɛ ba ngɛ he lo su nɛ haa nɔ peeɔ yayami ɔ mi, konɛ e ba je wɔ kɛ je yayami dɛ mi.

Romabi 8:7

Nɔ nɛ susuɔ he lo mi níhi a he ɔ, e ngɛ Mawu nyɛe, ejakaa e bui Mawu mlaa a; pohu e be nɔ nyɛe maa ye tete.

1 Korintobi 10:17

Bɔ tsuaa bɔ nɛ wa hiɛmi ngɛ ɔ, wɔ tsuo wa yeɔ abolo kake ɔ eko. Enɛ ɔ tsɔɔ kaa Kristo nɔmlɔ tso ɔ he níhi ji wɔ tsuo.

Galatabi 2:20

Lɔ ɔ he ɔ, jehanɛ lɛɛ, pi imi nitsɛ nɛ i ngɛ wami mi hu; se Kristo lɛ e hɛ ngɛ ngɛ ye mi. Mawu Bi ɔ suɔ mi, nɛ e ngɔ e wami ngɔ ha ngɛ ye he; nɛ imi hu i he lɛ ye. Lɔ ɔ lɛ ha nɛ i ngɛ wami mi amlɔ nɛ ɔ nɛ.

Efesobi 2:15

Kristo gbo nɛ e kɛ po Yuda bi a mlaa a, kɛ a kɔ ɔmɛ a mi, nɛ e pee Yuda bi ɔmɛ, kɛ ma je li ɔmɛ kake ngɛ lɛ nitsɛ e mi; nɛ enɛ ɔ kɛ he jɔmi ba.

Efesobi 3:6

Laami sane ɔ ji kaa sane kpakpa a he ɔ, gbaami nɛ Mawu gbaa Yuda bi ɔmɛ ɔ, ma je li ɔmɛ hu ba na eko. Mɛ tsuo a ba pee kaa nɔmlɔ tso kake ɔ he níhi; nɛ si nɛ Mawu wo kɛ gu Kristo Yesu nɔ ɔ, a ná mɛ hu a blɔ nya nɔ.

Efesobi 4:4

Nɔmlɔ tso kake kɛ mumi kake lɛ ngɛ. Jã nɔuu kɛ̃ nɔ́ kake too nɔ nyɛ ngɔ nyɛ hɛ ngɔ fɔ, nɛ lɔ ɔ he Mawu tsɛ nyɛ ngɛ ɔ nɛ.

Kolosebi 2:14

Wa he níhi nɛ a ngma kɛ si wɔ, kɛ nihi nɛ sa wɔ ngɛ mlaa a nya a, e gbe lɛ tsuo. E je nɔ́ nɛ ɔ se; ee, e ka ngɔ mɛtɛ sɛumi tso ɔ he.

Kolosebi 3:15

He jɔmi nɛ Kristo haa a, nyɛ ha nɛ a na kaa e ngɛ ní tsue ngɛ nyɛ tsui mi. Ejakaa nyɛ nɛ nyɛ ngɛ nɔmlɔ tso kake ɔ mi ɔ, ní tsumi nɛ Mawu kpee nyɛ ke nyɛ ba tsu ɔ ji nɛ ɔ nɛ. E sa nɛ nyɛɛ na Mawu si.