Efesobi 2:14 - BAIBLO ALOO NGMAMI KLƆUKLƆU Ɔ

¹⁴ Ejakaa Kristo nitsɛ ba pee Yuda bi, kɛ ma je li kake, nɛ enɛ ɔ ha nɛ he jɔmi ba. Ninyɛ nɛ pee kaa gbogbo ngɛ Yuda bi kɛ ma je li a kpɛti ɔ, Kristo ha nɛ jamɛ a ninyɛ ɔ se po gbidigbidi.

Somi He Ɔ

¹⁴ Ejakaa lɛ ji wa he jɔmi, nɔ nɛ ngɔ wɔ majeli kɛ Yudafo ɔmɛ kulaa ngɔ pee kake, nɛ e ku gli piɛ nɛ ngɛ kpɛti nɛ ji ninye ɔ,

Efesobi 2:14 ပူးပေါင်းရင်းမြစ်များ

Ester 3:8

Lɔ ɔ se ɔ, Haman ya de Matsɛ Ahasuerus ke, “Nɛnɛ, ma ko ngɛ nɛ e mi bi gbɛ fĩa ma amɛ tsuo a mi ngɛ o nɔ yemi he ɔmɛ tsuo. Mɛɛ lɛɛ e slo a kusumihi ngɛ je ma kpa amɛ tsuo a ní ɔmɛ a he. Jehanɛ hu, nɛnɛ, a yi o mlaa amɛ a nɔ, lɔ ɔ he ɔ, e he be se nami ko ha mo kaa o maa pee kɔ maa hi mɛ hyɛe kikɛ nɛ ɔ.

Mika 5:5

E kɛ tue mi jɔmi maa ba. Ke Asiria bi ɔmɛ ba wa zugba a nɔ nɛ a ba tua wa mɔ ɔmɛ ɔ, wa ma ha wa katsɛmɛ kpanaa amɛ nɛ nyɛɛɔ wa hɛ mi ɔ maa ya nɛ a kɛ mɛ ma ya hwu ta.

Zakaria 6:13

Lɛ nɛ e maa ma Yawɛ we ɔ. Osɔfo ko maa piɛ e he kɛ tsu ní ɔ. Tue mi jɔmi maa hi a kpɛti, nɛ a maa nu a sibi sisi saminya.’

Luka 1:79

E ma kpɛ kɛ je hiɔwe ha nihi tsuo nɛ hii si ngɛ gbenɔ hɔ̃ diblii mi, nɛ e maa tsɔɔ wɔ blɔ kɛ ba he jɔmi blɔ ɔ nɔ.”

Luka 2:14

“Hɛ mi nyami ha Mawu ngɛ hiɔwe lokoo, nɛ he jɔmi nɛ ba zugba a nɔ ha nihi nɛ e naa a he tsui ɔ!”

Yohane 10:16

I ngɛ to kpa komɛ hulɔ, se mɛɛ a piɛ we kuu nɛ ɔ he. Ma ngɔ mɛ hu kɛ ba; a maa nu ye gbi, nɛ a maa pee to kuu kake, kɛ hyɛlɔ kake.

Yohane 11:52

Pohu pi ma a nane mi kɛkɛ, se e ma bua Mawu bimɛ tsuo nɛ gbɛ fĩa hu a nya kɛ pee kake.

Yohane 16:33

I de nyɛ ní nɛ ɔmɛ, konɛ nyɛɛ kɛ mi nɛ hi si, konɛ nyɛ na he jɔmi. Benɛ nyɛ ngɛ je ɔ mi ɔ, haomi maa ba nyɛ nɔ; se nyɛ tsui nɛ nɔ nyɛ mi, ejakaa i ye je ɔ nɔ kunimi.”

Ni Tsumi 10:28

Nɛ e de mɛ ke, “Nyɛ nitsɛmɛ nyɛ le kaa Yuda no be he blɔ nɛ e kɛ ma kpa ko mi no bɔɔ, aloo e baa e ngɔ. Se imi lɛɛ Mawu je tsɔɔ mi ke ma ko bu nɔ ko yaka nɔmlɔ, loo nɔ nɛ he tsɔ we.

Ni Tsumi 10:36

Mawu tsɔ nɛ a kɛ munyu ɔ ya ha Israel bi ɔmɛ, nɛ a gu Yesu Kristo nɔ kɛ jaje sane kpakpa a nɛ kɛ tue mi jɔmi baa a ngɔ tsɔɔ mɛ. Lɛ, Yesu Kristo ɔ ji nimli adesahi tsuo a Nyɔmtsɛ.

Romabi 5:1

Amlɔ nɛ ɔ, kɛ gu hemi kɛ yemi nɔ ɔ, Mawu wo wɔ nguɔ. Lɔ ɔ he ɔ, he jɔmi ba waa kɛ Mawu wa kpɛti kɛ gu Yesu Kristo nɔ.

Galatabi 3:28

Enɛ ɔ he je ɔ, slɔɔto ko kulaa be nyɛ kpɛti hu: Yuda no be ɔ, Hela no be; nyɔguɛ be ɔ, odehe be; nyumu be ɔ, yo be. Nɛ́ nyɛ tsuo nyɛ ngɛ Kristo Yesu mi nɛ ɔ, nyɛ tsuo nyɛ peeɔ nɔ kake.

Efesobi 2:15

Kristo gbo nɛ e kɛ po Yuda bi a mlaa a, kɛ a kɔ ɔmɛ a mi, nɛ e pee Yuda bi ɔmɛ, kɛ ma je li ɔmɛ kake ngɛ lɛ nitsɛ e mi; nɛ enɛ ɔ kɛ he jɔmi ba.

Efesobi 2:17

Lɔ ɔ he ɔ, Kristo ba nɛ e ba fiɛ sane kpakpa a nɛ haa nɔ he jɔmi ɔ ngɔ tsɔɔ nihi tsuo. E fiɛ ngɔ tsɔɔ nyɛ ma je li nɛ sa a nyɛɛ kɛ Mawu kpɛti kɛ ɔ, kɛ Yuda bi nɛ mɛɛ lɛɛ a ngɛ e kasa nya haa a.

Efesobi 3:15

Ejakaa nihi tsuo nɛ ngɛ hiɔwe, kɛ zugba a nɔ ɔ, lɛ nɛ haa mɛ biɛ.

Efesobi 4:16

E ngɛ nɔmlɔ tso ɔ he ní ɔmɛ tsuo a nɔ he wami, nɛ e haa nɛ kpɔ nya kpɔ nya amɛ tsuo tsaa a sibi a nya. Nɛ ke he ní ɔmɛ tsuo tsu a blɔ nya ní tsumi pɛpɛɛpɛ bɔ nɛ sa a, nɔmlɔ tso ɔ tsuo waa, nɛ e yiɔ tɔ kɛ suɔmi ní tsumi.

Kolosebi 1:20

Lɔ ɔ he ɔ, Mawu ná he bua jɔmi kaa kɛ gu e Bi ɔ nɔ ɔ, e ma dla e kɛ je ɔ tsuo pɛpɛɛpɛ, níhi nɛ ngɛ hiɔwe, kɛ níhi nɛ ngɛ zugba a nɔ ɔ a kpɛti. Niinɛ, Mawu gu e Bi ɔ muɔ nɛ pue si ngɛ sɛumi tso ɔ nɔ ɔ nɔ nɛ e kɛ tsu nɔ́ nɛ ɔ, nɛ e kɛ tue mi jɔmi ba.

Kolosebi 2:20

Nɛ Kristo gbo ɔ, nyɛ hu nyɛ gbo, nɛ a kpɔ nyɛ kɛ je mumihi nɛ yeɔ je ɔ nɔ ɔ a dɛ mi. Mɛni he je mɔ nɛ nyɛ peeɔ nyɛ ní kaa nɔ́ nɛ nyɛɛ kɛ je ɔ ngɛ bɔe kɛ mwɔɔ ɔ? Mɛni he je nyɛ haa a pa woɔ nyɛ mlaa ke,

Kolosebi 3:11

Ngɛ enɛ ɔ mi ɔ, slɔɔto ko be Hela no kɛ Yuda no a kpɛti; slɔɔto be nɔ nɛ a po lɛ, kɛ mɔmlɔtɔtsɛ a kpɛti. Kɔpe no be ɔ, futufutu no be; nyɔguɛ be ɔ, odehe ko hu be. Nɔ nɛ he hia ji Kristo; nɛ nɔ́ tsuaa nɔ́ nɛ hɛ ngɛ ɔ, Kristo ngɛ e mi.

Kolosebi 3:15

He jɔmi nɛ Kristo haa a, nyɛ ha nɛ a na kaa e ngɛ ní tsue ngɛ nyɛ tsui mi. Ejakaa nyɛ nɛ nyɛ ngɛ nɔmlɔ tso kake ɔ mi ɔ, ní tsumi nɛ Mawu kpee nyɛ ke nyɛ ba tsu ɔ ji nɛ ɔ nɛ. E sa nɛ nyɛɛ na Mawu si.

Hebribi 13:20

He jɔmi Mawu ɔ, nɔ nɛ gu muɔ nɛ a kɛ sɔu neneene somi ɔ nya a nɔ, nɛ e je to ɔmɛ a hyɛlɔ ngua a nɛ ji wa Nyɔmtsɛ Yesu kɛ je gbeje kɛ ba wami mi ekohu ɔ,

Hebribi 7:2

Abraham hu ha lɛ ta yibu ní tsuo nɛ e na a mi mi dlami nyɔngma mi kake. Kekleekle ɔ, e biɛ Melkizedek ɔ sisi ji, “Matsɛ nɛ yeɔ dami sane.” Jehanɛ hu, Salem matsɛ ji lɛ; lɔ ɔ he ɔ, e biɛ ɔ tsɔɔ kaa e ji, “Matsɛ nɛ e kɛ tue mi jɔmi baa.”